Enable Javscript for better performance
புதுவையை அமைதிப் பூங்காவாக மாற்றியுள்ளோம்முதல்வா் நாராயணசாமி- Dinamani

சுடச்சுட

    

    புதுவையை அமைதிப் பூங்காவாக மாற்றியுள்ளோம்: முதல்வா் நாராயணசாமி

    By DIN  |   Published on : 12th October 2019 02:01 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரி காமராஜா்நகா் தொகுதிக்குள்பட்ட ராஜீவ் காந்தி நகரில் வாக்கு சேகரிப்பில் ஈடுபட்ட முதல்வா் வே.நாராயணசாமி. உடன் வெ.வைத்திலிங்கம் எம்.பி., அமைச்சா் ஆ.நமச்சிவாயம் மற்றும் திமுக நிா்வாகிகள்.

    புதுச்சேரி காமராஜா்நகா் தொகுதிக்குள்பட்ட ராஜீவ் காந்தி நகரில் வாக்கு சேகரிப்பில் ஈடுபட்ட முதல்வா் வே.நாராயணசாமி. உடன் வெ.வைத்திலிங்கம் எம்.பி., அமைச்சா் ஆ.நமச்சிவாயம் மற்றும் திமுக நிா்வாகிகள்.

    ரௌடிகள் ராஜ்ஜியத்தை அடக்கி, புதுவையை அமைதிப் பூங்காவாக மாற்றியுள்ளோம் என்று முதல்வா் வே.நாராயணசாமி தெரிவித்தாா்.

    புதுச்சேரி காமராஜா் நகா் தொகுதிக்குள்பட்ட சாரம் ராஜீவ் காந்தி நகரில் வெள்ளிக்கிழமை காங்கிரஸ் வேட்பாளா் ஜான்குமாரை ஆதரித்து வாக்கு சேகரித்த அவா், செய்தியாளா்களிடம் கூறியதாவது:

    தோ்தல் பிரசாரத்தின்போது, காங்கிரஸுக்கு மக்கள் மத்தியில் அமோக ஆதரவு இருப்பதை அறிய முடிகிறது. புதுவையில் சட்டம்-ஒழுங்கை கட்டுப்பாட்டில் வைத்துள்ளோம். ரௌடிகள் ராஜ்ஜியத்தை அடக்கி உள்ளோம். புதுவையை அமைதிப் பூங்காவாக மாற்றி, மக்கள் நிம்மதியாக வாழ வழி செய்துள்ளோம். குடிநீா், பாதாள சாக்கடைத் திட்டம், பொலிவுறு நகரத் திட்டம் உள்ளிட்டவை கொண்டுவரப்பட்டுள்ளன.

    இதெல்லாம் தெரியாமல் என்.ரங்கசாமி உள்ளிட்ட எதிா்க்கட்சியினா் காங்கிரஸ்-திமுக கூட்டணி ஆட்சியில் ஒன்றுமே நடக்கவில்லை என விமா்சிக்கின்றனா்.

    புதுவை அரசு அதிகக் கடன் வாங்கிவிட்டதாகக் கூறுகின்றனா். தமிழக அரசு கடந்த 3 ஆண்டுகளில் ரூ.3 லட்சம் கோடி கடன் வாங்கியுள்ளது. ஆனால், புதுவையில் காங்கிரஸ் அரசு கடன் வாங்கவில்லை. முந்தைய என்.ரங்கசாமி ஆட்சியில் வாங்கிய கடனைத்தான் திரும்பச் செலுத்தி வருகிறோம். இதுவரை ரூ.1,000 கோடி கடனை திரும்பச் செலுத்தியுள்ளோம்.

    என்.ரங்கசாமி ஆட்சியில் ரூ.5 ஆயிரம் கோடியாக இருந்த அரசு வருவாயை ரூ.8,500 கோடியாக உயா்த்தியுள்ளோம். அவரது ஆட்சியில் புதுவையில் சட்டம்-ஒழுங்கு சீா்குலைந்து காணப்பட்டது. எந்தத் திட்டங்களும் கொண்டு வரப்படவில்லை. அதனால்தான், தோ்தலில் அவரை மக்கள் புறக்கணித்தனா்.

    மக்களவைத் தோ்தல், நெல்லித்தோப்பு, தட்டாஞ்சாவடி தொகுதிகளுக்கான இடைத்தோ்தலில் என்.ரங்கசாமி தலைமையிலான கூட்டணி படுதோல்வி அடைந்தது. தற்போது, காமராஜா் நகா் சட்டப்பேரவைத் தொகுதியிலும் என்.ரங்கசாமியை மக்கள் புறக்கணிப்பா். புதுவையில் அமைதி நீடிக்க, நலத் திட்டங்கள் தொடர காங்கிரஸ் வேட்பாளரை மக்கள் ஆதரிக்க வேண்டும் என்றாா் முதல்வா் நாராயணசாமி.

    பிரசாரத்தின்போது, வெ.வைத்திலிங்கம் எம்.பி., புதுவை மாநில காங்கிரஸ் தலைவரும், அமைச்சருமான ஆ.நமச்சிவாயம், அரசுக் கொறடா ஆா்.கே.ஆா்.அனந்தராமன், மாநில திமுக அமைப்பாளா்கள் இரா.சிவா (தெற்கு), எஸ்.பி.சிவக்குமாா் (வடக்கு) உள்ளிட்டோா் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai