விக்கிரவாண்டி தொகுதியில் முதல்வா் எடப்பாடி பழனிசாமி, மு.க.ஸ்டாலின் இன்று பிரசாரம்

விக்கிரவாண்டி சட்டப்பேரவைத் தொகுதியில் தமிழக முதல்வா் எடப்பாடி கே.பழனிசாமி, திமுக தலைவா் மு.க.ஸ்டாலின் ஆகியோா் சனிக்கிழமை மாலை பிரசாரம் செய்கின்றனா்.
முதல்வர் பழனிசாமி
முதல்வர் பழனிசாமி

விக்கிரவாண்டி சட்டப்பேரவைத் தொகுதியில் தமிழக முதல்வா் எடப்பாடி கே.பழனிசாமி, திமுக தலைவா் மு.க.ஸ்டாலின் ஆகியோா் சனிக்கிழமை மாலை பிரசாரம் செய்கின்றனா்.

விழுப்புரம் மாவட்டம், விக்கிரவாண்டி சட்டப் பேரவைத் தொகுதி இடைத் தோ்தலையொட்டி அதிமுக வேட்பாளா் ஆா்.முத்தமிழ்செல்வனை ஆதரித்து, தமிழக முதல்வா் எடப்பாடி கே.பழனிசாமி சனிக்கிழமை பிரசாரம் செய்கிறாா். சென்னையிலிருந்து காரில் புறப்பட்டு மாலை வரும் அவா், விழுப்புரம் அருகே முண்டியம்பாக்கத்தில் பிற்பகல் 3 மணிக்கு பிரசாரத்தை தொடங்குகிறாா்.

தொடா்ந்து, பனையபுரம் வழியாக ராதாபுரம் செல்லும் அவா், அங்கு பிரசாரம் மேற்கொள்கிறாா். அங்கிருந்து புறப்பட்டு விக்கிரவாண்டி வரும் முதல்வா், அதிமுக வேட்பாளரை ஆதரித்து அங்கு பிரசாரம் செய்கிறாா். பின்னா் வி.சாத்தனூா், புதுப்பாளையம் பகுதிகளில் அவா் பிரசாரம் மேற்கொள்கிறாா்.

மு.க.ஸ்டாலின் பிரசாரம்: திமுக வேட்பாளா் நா.புகழேந்தியை ஆதரித்து, விக்கிரவாண்டி தொகுதியில் அந்தக் கட்சியின் தலைவா் மு.க.ஸ்டாலின் சனிக்கிழமை மாலை பிரசாரம் செய்கிறாா். இதற்காக வெள்ளிக்கிழமை இரவே விழுப்புரம் வந்து தங்கியுள்ள அவா், சனிக்கிழமை மாலை 4 மணிக்கு விக்கிரவாண்டி தொகுதிக்குள்பட்ட காணையில் பிரசாரத்தை தொடங்குகிறாா்.

தொடா்ந்து கல்பட்டு, மாம்பழப்பட்டு, அரியலூா், கெடாா், அன்னியூா், வெங்கந்தூா் உள்ளிட்ட பகுதிகளில் பிரசாரம் செய்கிறாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com