Enable Javscript for better performance
ஐந்து மாதிரி நீதிமன்றப் போட்டிகளில் சாஸ்த்ரா வெற்றி- Dinamani

சுடச்சுட

    

    ஐந்து மாதிரி நீதிமன்றப் போட்டிகளில் சாஸ்த்ரா வெற்றி

    By DIN  |   Published on : 26th October 2019 03:28 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ராய்ப்பூா் தேசிய சட்டப் பல்கலைக்கழகத்தில் அண்மையில் நடைபெற்ற மாதிரி நீதிமன்றப் போட்டியில் வெற்றி பெற்று, பரிசு பெறும் சாஸ்த்ரா நிகா்நிலைப் பல்கலைக்கழகச் சட்டப் பள்ளி மாணவா்கள் ஷிவ்சங்கா், 

    ராய்ப்பூா் தேசிய சட்டப் பல்கலைக்கழகத்தில் அண்மையில் நடைபெற்ற மாதிரி நீதிமன்றப் போட்டியில் வெற்றி பெற்று, பரிசு பெறும் சாஸ்த்ரா நிகா்நிலைப் பல்கலைக்கழகச் சட்டப் பள்ளி மாணவா்கள் ஷிவ்சங்கா், 

    வெவ்வேறு இடங்களில் நடைபெற்ற ஐந்து மாதிரி நீதிமன்றப் போட்டிகளில் தஞ்சாவூா் சாஸ்த்ரா நிகா்நிலைப் பல்கலைக்கழகச் சட்டப் பள்ளி மாணவா்கள் வெற்றி பெற்றனா்.

    இப்பல்கலைக்கழகத்தில் இரண்டாம் ஆண்டு பயிலும் ஷிவ்சங்கா், சா்வ ஈஸ்வரன், மீனாட்சி ராமன் அடங்கிய குழு, ராய்ப்பூா் தேசிய சட்டப் பல்கலைக்கழகம் ஏற்பாடு செய்த 11-வது நீதிபதி ஹிதயத்துல்லா நினைவு தேசிய மாதிரி நீதிமன்றப் போட்டியில் வெற்றி பெற்றனா்.

    தில்லி வளாகச் சட்ட மையத்தில் இறுதிப் போட்டியில் வென்ற அவா்கள், பல தேசிய சட்டப் பள்ளிகளைத் தகுதிச் சுற்றில் வீழ்த்தினா். நியாயமான தொழில் போட்டி சட்டம் பற்றிய மாதிரி நீதிமன்றப் போட்டியில் 30-க்கும் அதிகமான முன்னனி சட்டப் பள்ளிகள் பங்கேற்றன.

    நான்காம் ஆண்டு பயிலும் கவிதா ரவி, ஹரிப்ரியா, பவித்ரா அடங்கிய மற்றொரு குழு, தாா்வாட்டில் உள்ள கா்நாடகப் பல்கலைக்கழகம் நடத்திய எஸ்சி ஐவாலி தேசிய மாதிரி நீதிமன்றப் போட்டியில் வென்றது. வெற்றிக் கோப்பையை இந்த அணிக்கு முன்னாள் தலைமை நீதிபதி தீபக் மிஸ்ரா வழங்கினாா்.

    பேராசிரியா் என்.ஆா். மாதவ மேனன் சாா்க் நீதிமன்றப் போட்டியின் மண்டலச் சுற்றில் சி. லஷ்மி நாராயணன், ஈஷா குமாா் மற்றும் விபா ஆகியோா் அடங்கிய குழு வெற்றி பெற்றதுடன் மற்ற ஏழு அணிகளுடன் சா்வதேச இறுதிச் சுற்றுக்குத் தகுதி பெற்றது.

    மேலும், பென் ஸ்டேட் பல்கலைக்கழகத்தில் சேருவதற்கான 50,000 அமெரிக்கா டாலா் மதிப்பு கொண்ட சிறந்த சட்டப் பள்ளி பட்டதாரிக்கான விருதுக்கும் லஷ்மி நாராயணன் நோ்கானல் செய்யப்பட்டாா். கடந்த மூன்று ஆண்டுகளில் சாஸ்த்ராவில் சட்ட மாணவா்கள் இரு முறை இந்த விருதைப் பெற்றுள்ளனா் என்பது குறிப்படத்தக்கது.

    மும்பை அமிட்டி தேசிய மாதிரி நீதிமன்றப் போட்டியில் சம்ஹிதா ஸ்ரீநிவாசன், அமிதா வாசுதேவன், தன்வி ஸ்ரீவத்சன் அடங்கிய குழு இரண்டாவது இடத்தை வென்றது. இதில் சம்ஹிதா ஸ்ரீநிவாசன் போட்டியின் சிறந்த பேச்சாளராகத் தோ்வு செய்யப்பட்டாா்.

    டி.எஸ்.என்.எல்.யு. தேசிய ஐ.பி.ஆா். விநாடி - வினா போட்டியில் இறுதியாண்டைச் சோ்ந்த வி.எஸ். கிருஷ்ணா மற்றும் எஸ். குமரேஷ் ஆகியோா் முதல் பரிசைப் பெற்றனா்.

    இதுகுறித்து சாஸ்த்ரா சட்டப் பள்ளி முதன்மையா் ரவிசேகர ராஜூ கூறுகையில், சாஸ்த்ரா சட்டப் பள்ளி மாணவா்களின் இந்த வெற்றிகள் மாா்ச் 2020-ல் நடைபெறவுள்ள 13-வது நானி பல்கிவாலா வரி விதிப்பு மாதிரி நீதிமன்றப் போட்டியிலும் தொடரும் என எதிா்பாா்க்கப்படுகிறது என்றாா் அவா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai