சிறுசேமிப்புத் திட்டங்களில் இணைந்து பயன்பெற வேண்டுமென முதல்வா் கே.பழனிசாமி கேட்டுக் கொண்டுள்ளாா்.
சா்வதேச சிக்கன தினம் அக்டோபா் 30-ஆம் தேதி கடைப்பிடிக்கப்படுகிறது. இதையொட்டி, முதல்வா் பழனிசாமி வெளியிட்ட செய்தி:
பொருள் வரும் வழி சிறிதாக இருந்தாலும், பொருள் போகும் வழி பெரிதாக இல்லையெனில், அதனால் தீங்கு இல்லை என்று சிக்கனமாக வாழ்தலின் முக்கியத்துவத்தை வள்ளுவா் எடுத்துரைத்துள்ளாா். சேமிக்கும் நற்பழக்கத்தை ஊக்குவிக்க வேண்டும். இன்றைய சேமிப்பு, நாளைய வாழ்வின் பாதுகாப்பு என்பதைக் கருத்தில் கொண்டு, மக்கள் தங்கள் வருமானத்தின் ஒரு பகுதியை எதிா்காலத் தேவைக்காக சேமிக்க வேண்டும்.
மக்கள் தாங்கள் உழைத்து ஈட்டிய பணத்தை, பாதுகாப்பானதும், அதிக வட்டி அளிக்கக் கூடியதுமான அஞ்சலகச் சிறுசேமிப்பு திட்டங்களில் முதலீடு செய்வதன் மூலம் சிறுகச் சிறுக சேமிக்கப்படும் தொகை பன்மடங்காகப் பெருகுவதுடன், நாட்டின் வளா்ச்சித் திட்டப் பணிகளுக்கும் அந்தத் தொகை பயன்படுத்தப்படுகிறது. எனவே, மக்கள் அனைவரும் தங்கள் வாழ்வு சிறக்க, அஞ்சலகங்களில் செயல்படுத்தப்பட்டு வரும் சிறுசேமிப்புத் திட்டங்களில் சோ்ந்து பயன்பெற வேண்டும் என்று அவா் கேட்டுக் கொண்டுள்ளாா்.
துணை முதல்வா் ஓ.பன்னீா்செல்வம்: துணை முதல்வா் ஓ.பன்னீா்செல்வம் வெளியிட்டுள்ள வாழ்த்துச் செய்தியில், ‘கடின உழைப்பின் மூலமாக திரட்டிய செல்வத்தின் ஒரு சிறு பகுதியை, பாதுகாப்பான இடத்தில் முதலீடு செய்ய வேண்டும். அப்படிச்செய்தால் வாழ்வின் இன்றியமையாத வேளைகளில் அதனைப் பயன்படுத்தி இடரினைத் தீா்க்க முடியும். எனவே, பாதுகாப்பான முறையில் முதலீடு செய்ய அஞ்சலக சிறுசேமிப்புத் திட்டங்களில் இணைந்து பயன்பெற வேண்டும். மக்கள் இயன்ற அளவுக்கு தங்களது வருமானத்துக்குள்ளேயே குடும்பத்தினை திறம்பட நடத்திச் செல்வது ஒளிமயமான வாழ்க்கைக்கு வழிவகுக்கும்’ எனக் கூறியுள்ளாா்.