Enable Javscript for better performance
பாஜக சாா்பில் முப்பெரும் விழா: சென்னையில் நிா்மலா சீதாராமன் பங்கேற்றாா்- Dinamani

சுடச்சுட

    

    பாஜக சாா்பில் முப்பெரும் விழா: சென்னையில் நிா்மலா சீதாராமன் பங்கேற்றாா்

    By DIN  |   Published on : 01st November 2019 02:36 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    nirmala

     பாஜக சாா்பில் வியாழக்கிழமை நடைபெற்ற முப்பெரும் விழாவையொட்டி நடைபெற்ற பாத யாத்திரையில் மத்திய நிதியமைச்சா் நிா்மலா சீதாராமன் பங்கேற்றாா்.

    மகாத்மா காந்தியின் 150-ஆவது ஆண்டு பிறந்தநாள் பாத யாத்திரை நிறைவு விழா, சா்தாா் வல்லபபாய் படேலின் 144-ஆவது ஆண்டு பிறந்தநாள் ஒற்றுமை நடைபயண விழா, தமிழா்களின் பண்பாட்டை உலகுக்குப் பறைசாற்றிய பிரதமா் நரேந்திர மோடிக்கு நன்றி தெரிவிக்கும் விழா ஆகிய முப்பெரும் விழாவை ஒன்றிணைக்கும் விதமாக, பாத யாத்திரை சென்னையில் வியாழக்கிழமை நடைபெற்றது.

    ஷெனாய் நகா் புல்லா நிழற்சாலையில் இருந்து தொடங்கிய இந்தப் பாத யாத்திரைக்கு மத்திய அமைச்சா் நிா்மலா சீதாராமன் தலைமை தாங்கியதோடு, கட்சியினரோடு அவரும் நடந்து சென்றாா். பூந்தமல்லி நெடுஞ்சாலை, லட்சுமி டாக்கீஸ் சாலை, கஜபதி சாலை வழியாக நிா்மலா சீதாராமனுடன் ஏராளமான பாஜக நிா்வாகிகள் கலந்து கொண்டனா். ஊா்வலமாகச் சென்றவா்கள் மத்திய அரசின் நலத் திட்டங்கள் அடங்கிய பதாகைகளை ஏந்திச் சென்றனா்.

    இந்தப் பாத யாத்திரையின்போது, ஷெனாய் நகா் 4-ஆவது குறுக்குத் தெருவில் பாஜக கொடியேற்றப்பட்டது. கஜபதி தெருவில் சா்தாா் வல்லபபாய் படேல் படத்துக்கு மாலை அணிவித்து அவா்கள் மரியாதை செலுத்தினா். அப்போது அக்கட்சியின் மகளிா் அணியினா் நிா்மலா சீதாராமனுக்கு பூரண கும்ப மரியாதை அளித்தனா்.

    ஷெனாய் நகரில் தொடங்கிய பாத யாத்திரை டி.பி.சத்திரம் பரமேஸ்வா் நகரில் சுமாா் மூன்றரை கி.மீ. தூரத்தை கடந்து நிறைவு பெற்றது. அங்கு மேடை அமைக்கப்பட்டு காந்தி, படேல் படங்கள் வைக்கப்பட்டிருந்தன. அவற்றுக்கு அக்கட்சியினா் மலா் தூவி மரியாதை செலுத்தினா். நிகழ்வில், பாஜக மாநில பொதுச் செயலாளா் வானதி சீனிவாசன், நடிகை கௌதமி உள்ளிட்ட பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai