Enable Javscript for better performance
ஹைட்ரோ கார்பன் எடுக்க அனுமதி வழங்கிய விவகாரம்: மத்திய அரசு பதிலளிக்க உத்தரவு- Dinamani

சுடச்சுட

    

    ஹைட்ரோ கார்பன் எடுக்க அனுமதி வழங்கிய விவகாரம்: மத்திய அரசு பதிலளிக்க உத்தரவு

    By DIN  |   Published on : 13th September 2019 01:51 AM  |   அ+அ அ-   |    |  


    தமிழகத்தில் சட்டப்படி அனுமதிக்கப்படாத முறையில் ஹைட்ரோ கார்பன் எடுக்கும் ஒப்பந்தம் வழங்கப்பட்டுள்ள நிறுவனங்களின் உரிமத்தை ரத்து செய்யக் கோரிய வழக்கை விசாரித்த உயர்நீதிமன்றம், இதுதொடர்பாக மத்திய அரசு மற்றும் சம்பந்தப்பட்ட நிறுவனங்கள் பதிலளிக்க உத்தரவிட்டுள்ளது. 
    சென்னை உயர்நீதிமன்றத்தில் பூவுலகின் நண்பர்கள் இயக்கம் சார்பில் தாக்கல் செய்யப்பட்டுள்ள மனுவில், தமிழகத்தில் உள்ள நெடுவாசல், காரைக்குடி பகுதிகளில் ஹைட்ரோ கார்பன் எடுக்க மத்திய அரசு கடந்த 2017-ஆம் ஆண்டு, ஜெம் லெபாரட்ரீஸ், பாரத் பெட்ரோ ரிசோர்ஸ் ஆகிய நிறுவனங்களுக்கு உரிமம் வழங்கியது. 
    அனைத்து வகையான ஹைட்ரோ கார்பன்களையும் ஒற்றை உரிமம் மூலம் எடுக்க இந்த நிறுவனங்களுக்கு மத்திய அரசு அனுமதியளித்திருப்பது சட்ட விரோதமானது. மேலும் பூமியின் அடியில் இருக்கக்கூடிய ஹைட்ரோ கார்பனை சட்டப்படி அனுமதிக்காத முறையில் எடுக்கப்பட்டுள்ளது. எனவே இந்த நிறுவனங்களுக்கு வழங்கப்பட்டுள்ள உரிமத்தை ரத்து செய்ய வேண்டும் எனக் கோரியிருந்தனர்.
    இந்த மனு நீதிபதிகள் எம்.சத்தியநாராயணன், என்.சேஷசாயி ஆகியோர் அடங்கிய அமர்வு முன் வியாழக்கிழமை விசாரணைக்கு வந்தது. வழக்கை விசாரித்த நீதிபதிகள், இந்த மனு தொடர்பாக மத்திய அரசு மற்றும் சம்பந்தப்பட்ட நிறுவனங்கள் 8 வாரங்களுக்குள் பதிலளிக்க உத்தரவிட்டு விசாரணையை ஒத்திவைத்தனர்.
     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp