Enable Javscript for better performance
நீர் மேலாண்மையில் அதிமுக அரசு தோல்வி: கே.எஸ்.அழகிரி- Dinamani

சுடச்சுட

    

    நீர் மேலாண்மையில் அதிமுக அரசு தோல்வி: கே.எஸ்.அழகிரி

    By DIN  |   Published on : 14th September 2019 02:57 AM  |   அ+அ அ-   |    |  

    alagiri


    நீர் மேலாண்மைத் திட்டத்தில் அதிமுக அரசு படுதோல்வி அடைந்துள்ளது என்று தமிழ்நாடு காங்கிரஸ் கமிட்டித் தலைவர் கே.எஸ்.அழகிரி கூறியுள்ளார்.
    இது தொடர்பாக வெள்ளிக்கிழமை அவர் வெளியிட்ட அறிக்கையில் கூறியிருப்பது:
    காவிரி டெல்டா பாசனத்துக்காக மேட்டூர் அணை கடந்த  ஆகஸ்ட் 13-ஆம் தேதி திறக்கப்பட்டது. அப்போது அணையின் நீர்மட்டம் 101.22 அடியாக இருந்தது. அதையொட்டி நீர்வரத்து அதிகரித்ததால் செப்டம்பர் 7-ஆம் தேதி மேட்டூர் அணை தனது முழு கொள்ளளவான 120 அடியை எட்டியது. இந்நிலையில், விநாடிக்கு 73 ஆயிரம் கனஅடி நீர் வந்ததால் அணையின் பாதுகாப்பு கருதி, அப்படியே திறந்து விடப்பட்டது. இந்த நீர் முக்கொம்பை அடைந்ததும், அங்கிருந்து கொள்ளிடத்தில் 20 ஆயிரம் கனஅடி நீர் திறக்கப்பட்டது. காவிரியில் 35 ஆயிரம் கனஅடியும், கொள்ளிடத்தில் 36,500 கனஅடி வீதம் திறக்கப்பட்டது. 
    ஆனால், ஒருசில மாவட்டங்களில் இன்று வரை கடைமடை பகுதிகளுக்கு நீர் சென்றடையாத நிலை ஏற்பட்டிருப்பது விவசாயிகள் மத்தியில் மிகுந்த கவலையையும், அதிர்ச்சியையும் ஏற்படுத்தியிருக்கிறது. ஜூன் 12 -ஆம் தேதியான பாசன காலத்துக்கு மூன்று மாதங்களுக்கு முன்னதாகவே ஏரி, குளங்கள் தூர் வாரப்படாமல் நீர்வரத்து கால்வாய்கள் தூர்ந்து போனதன் காரணமாக நீர் நிரம்பாத அவலநிலை ஏற்பட்டுள்ளது.  கடைமடையின் பெரும் பகுதிகளுக்கு காவிரி நீரைக் கண்ணால் காண முடியாத வேதனையில் விவசாயிகள் உள்ளனர். ஒருபக்கம் மேட்டூர் அணையில் திறக்கப்பட்ட நீர், கொள்ளிடம் ஆற்றைக் கடந்து 15 ஆயிரம் கனஅடி நீர் வீணாகக் கடலில் கலந்து வருகிறது. ஆனால், கடைமடை விவசாயிகள் காவிரி நீரைப் பயன்படுத்த முடியாத நிலையில் இருப்பது ஆட்சியாளர்களின் பொறுப்பற்ற தன்மையைத் தான் காட்டுகிறது. இதற்கு தமிழக அரசு தான் முழு பொறுப்பாகும். மேலும்,  நீர் மேலாண்மையில் அதிமுக அரசு தோல்வியடைந்துவிட்டதையே காட்டுகிறது என்று அவர் கூறியுள்ளார்.
     

    kattana sevai