Enable Javscript for better performance
தமிழகம், புதுச்சேரியில் பரவலாக மழை: இன்று 14 மாவட்டங்களில் பலத்த மழைக்கு வாய்ப்பு- Dinamani

சுடச்சுட

    

    தமிழகம், புதுச்சேரியில் பரவலாக மழை: இன்று 14 மாவட்டங்களில் பலத்த மழைக்கு வாய்ப்பு

    By DIN  |   Published on : 15th September 2019 10:16 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    metrological_office

    சென்னை வானிலை ஆய்வு மையம் | கோப்புப் படம்

     

    மேலடுக்கு சுழற்சி, வெப்பச்சலனம் ஆகியவை காரணமாக, தமிழகம் மற்றும் புதுச்சேரியில் பல பகுதிகளில் சனிக்கிழமை பரவலாக மழை பெய்தது.

    சனிக்கிழமை காலை 8.30 மணி நிலவரப்படி, தஞ்சாவூர் மாவட்டம் திருவிடைமருதூர், அரியலூரில் தலா 150 மி.மீ., தஞ்சாவூர் மாவட்டம் கும்பகோணம், தருமபுரி மாவட்டம் அரூரில் 110 மி.மீ., சிவகங்கை மாவட்டம் திருப்பத்தூர், பெரம்பலூர் மாவட்டம் செட்டிகுளம், திருவாரூர் மாவட்டம் நன்னிலத்தில் தலா 70 மி.மீ. மழை பதிவானது.

    வடதமிழகம் மற்றும் அதையொட்டிய பகுதிகளில் காணப்படும் வளிமண்டல மேலடுக்கு சுழற்சி, வெப்பச்சலனம் ஆகியவை காரணமாக, தமிழகத்தில் சில இடங்களில் ஞாயிற்றுக்கிழமை (செப்.15) லேசானது முதல் மிதமானது வரை மழை பெய்ய வாய்ப்பு உள்ளது.  

    தேனி, திண்டுக்கல், கன்னியாகுமரி, திருவாரூர், திருவள்ளூர், காஞ்சிபுரம், நாகப்பட்டினம், கரூர், நீலகிரி, நாமக்கல், விருதுநகர், ராமநாதபுரம், தருமபுரி, திருநெல்வேலி, புதுக்கோட்டை, சேலம், கடலூர், விழுப்புரம், அரியலூர், பெரம்பலூர், மதுரை, தஞ்சாவூர், சிவகங்கை ஆகிய மாவட்டங்களில்  சில இடங்களில் மிதமான மழை பெய்ய வாய்ப்பு உள்ளது. 

    திருவண்ணாமலை, மதுரை, விருதுநகர், புதுக்கோட்டை, சிவகங்கை, தஞ்சாவூர், அரியலூர், பெரம்பலூர், கடலூர், விழுப்புரம், ராமநாதபுரம், தூத்துக்குடி, சேலம், திருச்சி ஆகிய 14 மாவட்டங்களின் ஓரிரு இடங்களில் பலத்த மழை பெய்ய வாய்ப்பு உள்ளது. 

    சென்னையில் வானம் ஓரளவு மேகமூட்டமாக இருக்கும். சில இடங்களில் மாலை அல்லது இரவில் இடியுடன் கூடிய மழை பெய்ய வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai