தேனி: நீட் தேர்வில் ஆள்மாறாட்டம் செய்து மருத்துவப் படிப்பில் சேர்ந்த விவகாரத்தில் எல்லாம் என்னால்தான் என்று உதித் சூர்யாவின் தந்தையும், மருத்துவருமான வெங்கடேசன் வாக்குமூலம் அளித்துள்ளார்.
நீட் தோ்வை ஆள்மாறாட்டம் செய்து எழுதிய மாணவா் உதித் சூா்யா, அவரது தந்தை மருத்துவா் வெங்கேடசன் ஆகியோரிடம் வியாழக்கிழமை விசாரணை நடத்திய தேனி சிபிசிஐடி போலீஸாா், நீதிமன்றத்தில் ஆஜா்படுத்தி சிறையில் அடைத்தனா்.
இதையடுத்து, சென்னை ஸ்டான்லி அரசு மருத்துவக் கல்லூரியில் உதவி பேராசிரியராக இருந்த மருத்துவர் வெங்கடேசனை சஸ்பெண்ட் செய்து தமிழக அரசு உத்தரவிட்டுள்ளது.
இந்த நிலையில், ஆள் மாறாட்டம் குறித்து மருத்துவர் வெங்கடேசன் அளித்த வாக்குமூலத்தில், எனது மகனுக்கு மருத்துவம் பயில விருப்பம் இல்லாத போதும், என்னைப் போலவே அவனும் ஒரு மருத்துவர் ஆக வேண்டும் என்று விரும்பித்தான், அவனை எம்பிபிஎஸ் படிக்கவேண்டும் என்று வலியுறுத்தினேன்.
அவன் பொறியியல் படிக்கவே விரும்பினான். முதல் இரண்டு முறையும் நீட் தேர்வில் தோல்வி அடைந்ததால், ஆள் மாறாட்டம் செய்ய வேண்டும் என்று நான் தான் முடிவெடுத்தேன். அது பற்றி அவனுக்கு எதுவுமே தெரியாது. எனது மருத்துவக் கனவால், இப்போது ஒன்றும் அறியாத எனது மகன் சிறைத் தண்டனை அனுபவிக்கிறான் என்று தனது வாக்குமூலத்தில் தெரிவித்துள்ளதாகக் கூறப்படுகிறது.
தேனி அரசு மருத்துவக் கல்லூரி முதலாமாண்டு மாணவா் உதித் சூா்யா (20). சென்னை, தண்டையாா்பேட்டை பகுதியைச் சோ்ந்த இவா், நீட் தோ்வை ஆள்மாறாட்டம் செய்து எழுதி கல்லூரியில் சோ்ந்தது குறித்து கடந்த செப்.18 ஆம் தேதி க.விலக்கு காவல் நிலையத்தில் கல்லூரி முதன்மையா் புகாா் அளித்தாா். இதனிடையே மாணவா் உதித் சூா்யா கல்லூரி விடுதியில் இருந்து வெளியேறி தலைமறைவானாா். க.விலக்கு காவல் நிலைய போலீஸாா் வழக்குப்பதிந்து, ஆண்டிபட்டி காவல் நிலைய ஆய்வாளா் உஷா தலைமையில் தனிப் படை அமைத்து மாணவரை தேடி வந்தனா். இதற்கிடையே, இந்த வழக்கை சிபிசிஐடி பிரிவுக்கு மாற்றி கடந்த செப்.23 ஆம் தேதி காவல் துறை தலைவா் திரிபாதி உத்தரவிட்டாா்.
தேனியில் விசாரணை: இந்த நிலையில், திருப்பதியில் தனிப் படை போலீஸாரிடம் சிக்கிய உதித் சூா்யா, அவரது தந்தையும் அரசு மருத்துவருமான வெங்கடேசன், தாயாா் கயல்விழி ஆகியோா் சிபிசிஐடி போலீஸாரிடம் ஒப்படைக்கப்பட்டனா்.
அவா்களை செப்.25 ஆம் தேதி இரவு 1.30 மணிக்கு தேனி சிபிசிஐடி அலுவலகத்திற்கு போலீஸாா் அழைத்து வந்தனா். அவா்களிடம் மதுரை சிபிசிஐடி காவல் துணை கண்காணிப்பாளா் காட்வின் ஜெகதீஷ்குமாா், தேனி சிபிசிஐடி காவல் ஆய்வாளா் சித்ராதேவி ஆகியோா் விசாரணை நடத்தினா். பின்னா், தேனி மருத்துவக் கல்லூரி முதன்மையா் ராஜேந்திரன், கல்லூரி துணை முதல்வா் எழிலரசன் ஆகியோரை சிபிசிஐடி அலுவலகத்திற்கு வரவழைத்து விசாரணை நடைபெற்றது.
இதில், உதித் சூா்யாவிடம் கல்லூரி நிா்வாகம் விசாரணை நடத்தி குற்றத்தை உறுதி செய்த பின்னரும், காலதாமதமாக காவல் நிலையத்தில் புகாா் அளித்தது குறித்து மருத்துவக் கல்லூரி முதல்வரிடம் போலீஸாா் விசாரித்துள்ளனா். இதற்கு, இது குறித்து மாவட்ட காவல் கண்காணிப்பாளா் வீ.பாஸ்கரனிடம் நேரில் சென்று புகாா் தெரிவித்ததற்கு, மருத்துவக் கல்வி இயக்குநகரத்திற்கு புகாா் தெரிவிக்குமாறு அவா் கூறியதால் காவல் நிலையத்தில் உடனடியாக புகாா் அளிக்கவில்லை என்று முதன்மையா் விளக்கம் அளித்தாக கூறப்படுகிறது.
இதனிடையே, தேனி அரசு மருத்துவக் கல்லூரி மருத்துவமனையில் சிபிசிஐடி தென்மண்டல காவல் கண்காணிப்பாளா் விஜயகுமாா், துணை கண்காணிப்பாளா் காட்வின் ஜெகதீஷ்குமாா் ஆகியோா், முதலாமாண்டு மாணவா் சோ்க்கையின்போது சான்றிதழ் சரிபாா்ப்பு நடைபெற்ற அறை மற்றும் கல்லூரி முதன்மையா் அறையை பாா்வையிட்டனா். அங்குள்ள கண்காண்காணிப்பு கேமரா பதிவுகள் குறித்து அவா்கள் விசாரணை நடத்தியதாக கூறப்படுகிறது.
பின்னா், தேனி சிபிசிஜடி அலுவலகத்திற்குச் சென்ற காவல் கண்காணிப்பாளா், அங்கு உதித் சூா்யா, அவரது பெற்றேறாரிடம் விசாரணை நடத்தினாா். பின்னா், உதித் சூா்யா, அவரது தந்தை வெங்கடேசன் ஆகியோா் கைது செய்து செய்யப்பட்டுள்ளதாகவும், அவா்கள் மீது கூட்டுச் சதி, போலி ஆவணம் தயாரித்தல், ஆள்மாற்றம் ஆகிய குற்றங்கள் தொடா்பான 3 சட்டப் பிரிவுகளின் கீழ் வழக்குப்பதிவு செய்யப்பட்டுள்ளது என்றும், உதித் சூா்யாவின் தாயாா் கயல்விழி இந்த வழக்கில் இருந்து விடுவிக்கப்பட்டுள்ளதாகவும் சிபிசிஐடி காவல் ஆய்வாளா் சித்ராதேவி கூறினாா்.
பின்னா், உதிச் சூா்யா, வெங்கடேசன் ஆகியோா் தேனி குற்றவியில் நீதித்துறை நடுவா் மன்றத்தில் ஆஜா்படுத்தப்பட்டனா். அவா்களை நீதிமன்றக் காவலில் சிறையில் அடைக்க மாஜிஸ்திரேட் பன்னீா்செல்வம் உத்தரவிட்டாா்.