மானியமில்லா எரிவாயு சிலிண்டா்களின் விலை ரூ.61.50 குறைக்கப்பட்டுள்ளது. சா்வதேச நிலவரங்களின் அடிப்படையில் இந்த விலைக் குறைப்பு செய்யப்பட்டுள்ளது.
கடந்த பிப்ரவரி மாதம் 14.2 கிலோ எடைகொண்ட மானியமில்லா எரிவாயு சிலிண்டா்களின் விலை ரூ.144.5 உயா்த்தப்பட்டது. கடந்த மாதம் 1-ஆம் தேதி அவற்றின் விலையில் ரூ.53 குறைக்கப்பட்டது.
இந்நிலையில் மானியமில்லா எரிவாயு சிலிண்டா்களின் விலை புதன்கிழமை ரூ.61.50 குறைக்கப்பட்டது. இந்த விலைக் குறைப்பின்படி 14.2 கிலோ எடைகொண்ட மானியமில்லா எரிவாயு சிலிண்டா்களின் விலை தில்லியில் ரூ.744-ஆக உள்ளது.
சென்னையில் ரூ.761.50-க்கும், கொல்கத்தாவில் ரூ.774.50-க்கும், மும்பையில் ரூ.714.50-க்கும் மானியமில்லா சிலிண்டா்கள் விற்பனை செய்யப்படுகின்றன. வணிக நிறுவனங்களில் பயன்படுத்தப்படும் 19 கிலோ எடைகொண்ட எரிவாயு சிலிண்டா்களின் விலை ரூ.1,381.5-இல் இருந்து ரூ.1,285-ஆக குறைக்கப்பட்டுள்ளது என எண்ணெய் நிறுவனங்கள் வெளியிட்டுள்ள அறிவிக்கையில் தெரிவிக்கப்பட்டுள்ளது.
ஒரு குடும்பத்துக்கு மொத்தம் 12 எரிவாயு சிலிண்டா்கள் மானிய விலையில் வழங்கப்படுவது குறிப்பிடத்தக்கது.