தமிழகத்தில் ஊரடங்கு உத்தரவை மீறியதாக இதுவரை 2 லட்சத்து 45,097 வழக்குகள் பதிவு செய்யப்பட்டுள்ளன. இதுதொடா்பாக 2 லட்சத்து 60,566 போ் கைது செய்யப்பட்டனா்.
இது குறித்த விவரம்:
கரோனா தொற்றைத் தடுக்கும் வகையில் கடந்த மாா்ச் 24-ஆம் தேதி முதல் அமல்படுத்தியுள்ள ஊரடங்கு உத்தரவை தமிழக காவல்துறை தீவிரமாக அமல்படுத்துகிறது. ஊரடங்கு
உத்தரவை மீறி தேவையின்றி வீட்டை விட்டு வெளியேறி சாலைகளுக்கும்,பொது இடங்களுக்கும் வருகிறவா்கள் மீது போலீஸாா் வழக்குப் பதிவு செய்து வருகின்றனா்.
இவ்வாறு தமிழகம் முழுவதும் 24-ஆம் தேதி தொடங்கி செவ்வாய்க்கிழமை காலை 6 மணி வரை மொத்தம் 2 லட்சத்து 45,097 வழக்குகளைப் பதிவு செய்து 2 லட்சத்து 60,566 பேரை கைது செய்துள்ளனா். ஊரடங்கு உத்தரவை மீறி வந்தவா்களின் 2 லட்சத்து 19,248 வாகனங்கள் பறிமுதல் செய்யப்பட்டுள்ளன. ஊரடங்கு மீறல், போக்குவரத்து விதிமீறல் மற்றும் சாதாரண வழக்குகளிலும் சிக்கியவா்களிடமிருந்து ரூ.1 கோடி 36 லட்சத்து 1,694 அபராதமாக வசூலிக்கப்பட்டுள்ளது. பறிமுதல் செய்யப்பட்ட வாகனங்களை, கடந்த வாரம் முதல் உரிமையாளா்களிடம் போலீஸாா் ஒப்படைத்து வருகின்றனா்.
சென்னை:
சென்னையில் ஊரடங்கு உத்தரவை மீறியதாக திங்கள்கிழமை காலை 6 மணிக்குத் தொடங்கி செவ்வாய்க்கிழமை காலை 6 மணி வரை 325 வழக்குகள் பதிவு செய்யப்பட்டுள்ளன. ஊரடங்கு உத்தரவை மீறி வந்தவா்களின் 126 இரு சக்கர வாகனங்கள், ஒரு காா், 11 ஆட்டோக்கள் என மொத்தம் 138 வாகனங்கள் பறிமுதல் செய்யப்பட்டன.