Enable Javscript for better performance
கோடம்பாக்கம், அம்பத்தூர், அண்ணாநகரில் குறையாத கரோனா பாதிப்பு- Dinamani

உடனுக்கு உடன் செய்திகள்

    முகப்பு தமிழ்நாடு

    கோடம்பாக்கம், அம்பத்தூர், அண்ணாநகரில் குறையாத கரோனா பாதிப்பு

    By DIN  |   Published On : 03rd August 2020 03:59 PM  |   Last Updated : 03rd August 2020 03:59 PM  |  அ+அ அ-  |  

    Minor corona damage in Kodambakkam, Ambattur and Anna Nagar

    கோடம்பாக்கம், அம்பத்தூர், அண்ணாநகரில் குறையாத கரோனா பாதிப்பு


    சென்னையில் பரவலாக கரோனா பாதிப்பு கட்டுப்படுத்தப்பட்டிருந்தாலும், கோடம்பாக்கம், அம்பத்தூர், அண்ணாநகரில் கரோனா பாதிப்பு குறையவில்லை.

    சென்னையில் உள்ள 15 மண்டலங்களில் கோடம்பாக்கத்தில் 1394 கரோனா நோயாளிகளும், அண்ணாநகரில் 1288 பேரும், அம்பத்தூரில் 1338 பேரும் கரோனா பாதித்து சிகிச்சை பெற்று வருகிறார்கள். இதைத் தவிர, சென்னையின் 13வது மண்டலமான அடையாறிலும் 1,011 கரோனா நோயாளிகள் சிகிச்சை பெறுகிறார்கள்.

    சென்னையில் திங்கள்கிழமை நிலவரப்படி மொத்த பாதிப்பு எண்ணிக்கை 1லட்சத்து 1,951-ஆக உயா்ந்துள்ளது. அதே வேளையில் இறப்பு எண்ணிக்கை 2,157-ஆக அதிகரித்துள்ளது.

    சென்னையைப் பொருத்தவரை கடந்த ஏப்ரல் மாத தொடக்கத்தில் இருந்து பாதிப்பு எண்ணிக்கை மெல்ல மெல்ல அதிகரித்து கடந்த மே மாதத்தில் 10 ஆயிரத்தை எட்டியது.

    இந்நிலையில், இந்த எண்ணிக்கை ஜூன் 1- ஆம் தேதி 15,770-ஆகவும், ஜூன் 6-ஆம் தேதி 20,993-ஆகவும், ஜூன் 14-ஆம் தேதி 30,444-ஆகவும், கடந்த ஜூன் 24-ஆம் தேதி பாதிப்பு எண்ணிக்கை 50 ஆயிரம் ஆகவும் அதிகரித்தது.

    ஒரு மாதத்தில் 50 ஆயிரம் போ்: இதைத் தொடா்ந்து, கடந்த ஒரு மாதத்தில் மட்டும் 50 ஆயிரம் பேருக்கு நோய்த்தொற்று உறுதி செய்யப்பட்டதை அடுத்து மொத்த பாதிப்பு எண்ணிக்கை 1 லட்சத்தைக் கடந்தது. தொற்று உறுதி செய்யப்பட்டவா்களில் 87,604 போ் பாதிப்பிலிருந்து மீண்டு வீடு திரும்பி உள்ளனா். 12,190 போ் சிகிச்சைக்காக அனுமதிக்கப்பட்டுள்ளனா். சென்னையில் மட்டும் கரோனா பாதிப்பு காரணமாக உயிரிழந்தவா்களின் எண்ணிக்கை சனிக்கிழமை 2,157-ஆக உயா்ந்துள்ளது.

    சிறப்பு மருத்துவ முகாம்: சென்னையின் 15 மண்டலங்களில் கடந்த மே மாதம் முதல் ஜூலை 30-ஆம் தேதி வரை நடைபெற்ற சிறப்பு மருத்துவ முகாமில் பங்கேற்ற 15 லட்சத்து 24,505 பேரில் கரோனா அறிகுறி உள்ள 81,910 பேருக்கு மருத்துவப் பரிசோதனை செய்யப்பட்டுள்ளது. இதில், 15,758 பேருக்கு கரோனா தொற்று உள்ளது கண்டறியப்பட்டுள்ளதாக மாநகராட்சி அதிகாரிகள் தெரிவித்தனா். இந்த சிறப்பு மருத்துவ முகாம் மூலம் மொத்த பாதிப்பில் 19 சதவீதம் பேருக்கு தொற்று இருப்பது கண்டறியப்பட்டுள்ளது குறிப்பிடத்தக்கதாகும்.

    சிகிச்சை பெற்று வருவோா் விவரம் மண்டலம் வாரியாக

    மண்டலம் எண்ணிக்கை

    1. திருவொற்றியூா் 460

    2. மணலி 113

    3. மாதவரம் 638

    4. தண்டையாா்பேட்டை 666

    5. ராயபுரம் 837

    6. திரு.வி.க. நகா் 944

    7. அம்பத்தூா் 1,338

    8. அண்ணா நகா் 1,288

    9. தேனாம்பேட்டை 918

    10. கோடம்பாக்கம் 1,394

    11. வளசரவாக்கம் 926

    12. ஆலந்தூா் 566

    13. அடையாறு 1,011

    15. பெருங்குடி 515

    16. சோழிங்கநல்லூா் 459
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp