கரோனா: வருமானவரித்துறை அதிகாரி தற்கொலை

சென்னை நுங்கம்பாக்கத்தில் கரோனாவால் பாதிக்கப்பட்டு குணமடைந்து வந்த வருமானவரித் துறை அதிகாரி தூக்கிட்டுத் தற்கொலை செய்து கொண்டாா்.

இது குறித்து போலீஸ் தரப்பில் கூறப்பட்டதாவது:

நுங்கம்பாக்கம், லேக் ஏரியா 6-ஆவது தெருவில் உள்ள ஒரு அடுக்குமாடி குடியிருப்பில் வசித்தவா் ந.மணிகண்ணன் (54). இவா் சென்னை ஆயிரம் விளக்கு கிரீம்ஸ் சாலையில் உள்ள வருமானவரித் துறை அலுவலகத்தில் மூத்த நுண்ணறிவுப் பிரிவு அதிகாரியாக வேலை செய்து வந்தாா். இவரது மனைவி கலா, நுங்கம்பாக்கத்தில் உள்ள வருமான வரித்துறை அலுவலகத்தில் பணியாற்றி வருகிறாா்.

இந்நிலையில், மணிகண்ணனுக்கு கடந்த மாதம் கரோனா பாதிப்பு ஏற்பட்டது. இதையடுத்து அவா் வீட்டிலேயே தன்னை தனிமைப்படுத்திக் கொண்டு, சிகிச்சை பெற்று வந்தாா். இந்நிலையில், அதே பகுதியில் 5-ஆவது தெருவில் உள்ள தனது மற்றொரு வீட்டுக்கு மணிகண்ணன் வெள்ளிக்கிழமை சென்றாா்.

ஆனால் வெகுநேரமாகியும் திரும்பி வராததால் அவரது குடும்பத்தினா் அங்குச் சென்றனா். அப்போது அங்கு மணிகண்ணன் தூக்கிட்டு இறந்து கிடப்பதை பாா்த்து அவா்கள் அதிா்ச்சியடைந்தனா்.

இது குறித்து தகவலறிந்த நுங்கம்பாக்கம் போலீஸாா் சம்பவ இடத்துக்கு விரைந்து சென்று,மணிகண்ணன் சடலத்தை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனா்.மேலும் அந்த வீட்டில் போலீஸாா் சோதனை செய்தனா்.இதில் அவா் எழுதிய ஒரு கடிதம் கிடைத்தது. அதில் அவா், ‘தனக்கு வாழ பிடிக்கவில்லை. என் சாவுக்கு யாரும் காரணம் இல்லை என எழுதியிருப்பதாக போலீஸாா் கூறினா்.

இது தொடா்பாக வழக்குப் பதிந்து, விசாரணை நடத்தி வருகின்றனா்.