Enable Javscript for better performance
எழுத்தாளர் தேவகோட்டை வா.மூர்த்தி காலமானார் Writer Devakottai V. Murthy passed away- Dinamani

சுடச்சுட

    

    எழுத்தாளர் தேவகோட்டை வா.மூர்த்தி காலமானார்

    By DIN  |   Published on : 30th August 2020 11:32 AM  |   அ+அ அ-   |    |  

    Writer Devakottai V. Murthy passed away

    எழுத்தாளர் தேவகோட்டை வா.மூர்த்தி

    எழுத்தாளர் தேவகோட்டை வா.மூர்த்தி (74) இன்று (ஞாயிற்றுக்கிழமை) காலை 5 மணி அளவில்  உடல்நலக்குறைவு காரணமாக காலமானார். 

    எழுத்தாளரான வா. மூர்த்தி தமிழகத்தில் வருமான வரி ஆணையராக பதவி வகித்து ஓய்வு பெற்றவர். முற்போக்கு சிந்தனை, ஆழ்ந்த படிப்பு, ஆங்கில நாளேடுகளிலும்,  தமிழ் இதழ்களிலும் கலை, இலக்கியம் பற்றிய  கட்டுரைகள் எழுதியவர். தீபம், கணையாழி, ஞானரதம் முதற்கொண்டு தளம் இதழ் வரையும் இவரது படைப்புகள் வந்தன.

    அர்த்தம் இயங்கும் தளம் எனும் கருத்தாக்க நூல், குறுநாவல் தொகுப்பு, சிறுகதைகள், மொழியாக்க கவிதைகள் என பரந்துபட்ட இலக்கிய படைப்புலகில் அயராது இயங்கியவர். 

    கூர்மையான இலக்கிய விமர்சகர், இலக்கிய கடிதங்கள், தீபத்திலும், இறுதியாக யுகமாயினி இதழிலும் இலக்கிய தொடர்கள் எழுதியவர். தளம் கலை இலக்கிய இதழின் குழுவில் முதன்மையானவர். அவருடைய வாழ்க்கைத் துணைவர் சுதா மூர்த்தி (வங்கி அலுவலர்), ஒரே மகனும் எழுத்தாளருமாகிய பிரபு ராம், பேரக்குழந்தைகள் உள்ளனர். 

    சென்னை நுங்கம்பாக்கம் லேக் வியூ சாலை 5வது குறுக்கு தெருவில் உள்ள அவரது இல்லத்தில் இன்று மாலை 3-4 மணியளவில் இறுதிச் சடங்கு நடைபெறும். 

    தொடர்பு எண் 9790983495, 9444268328

    TAGS
    death

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp