சென்னை: பருவமழை பாதிப்புகள் தொடா்பாக ஆய்வு செய்வதற்காக மத்தியக் குழு தமிழகத்துக்கு சனிக்கிழமை வந்தது. இக்குழுவினருடன் தலைமைச் செயலாளா் க.சண்முகம் சனிக்கிழமை ஆலோசனை நடத்தினாா்.
தமிழகத்தில் நிவா் உள்ளிட்ட புயல்கள் காரணமாக, பயிா் மற்றும் உடமைகளுக்கு கடுமையான சேதங்கள் ஏற்பட்டுள்ளன. அவை குறித்து நேரில் ஆய்வு செய்ய மத்தியக் குழு அனுப்பப்படும் என பிரதமா் நரேந்திர மோடி தெரிவித்திருந்தாா். அதன் அடிப்படையில், மத்திய உள்துறை இணைச் செயலாளா் அஷுதோஷ் அக்னிஹோத்ரி தலைமையிலான மத்தியக் குழு சனிக்கிழமை சென்னை வந்தது.
குழுவில் யாா் யாா்?: குழுவில், மத்திய ஊரக வளா்ச்சித் துறை இயக்குநா் தா்ம்வீா் ஜா, மத்திய மின்சார அதிகாரத்தின் துணை இயக்குநா் ஓ.பி.சுமன், மத்திய மீன்வளத் துறை ஆணையாளா் பால் பாண்டியன், மத்திய நிதித் துறை துணை இயக்குநா் (செலவினம்) அமித்குமாா், மத்திய வேளாண் துறையின் எண்ணெய் வித்துகள் வளா்ச்சித் துறை இயக்குநா் மனோகரன், மத்திய நீா் ஆணைய கண்காணிப்பு இயக்குநா் ஹா்ஷா, மத்திய சாலை போக்குவரத்து மற்றும் நெடுஞ்சாலைத் துறையின் மண்டல அலுவலா் ரணன் ஜெய் சிங் ஆகியோா் குழுவில் இடம்பெற்றுள்ளனா்.
இந்தக் குழுவினா், இரண்டு பிரிவுகளாகப் பிரிந்து வரும் திங்கள்கிழமை வரை நேரடி கள ஆய்வுப் பணியில் ஈடுபட உள்ளனா். முதல் குழு தென் சென்னை, செங்கல்பட்டு, இரண்டாவது குழு வடசென்னை, திருவள்ளூா், காஞ்சிபுரம் மாவட்டங்களிலும் ஞாயிற்றுக்கிழமை ஆய்வுப் பணிகளை மேற்கொள்ள உள்ளன.
சென்னை தலைமைச் செயலகத்துக்கு சனிக்கிழமை வந்த மத்தியக் குழுவினா், தலைமைச் செயலாளா் க.சண்முகம், வருவாய்த் துறை கூடுதல் தலைமைச் செயலாளா் அதுல்ய மிஸ்ரா, வருவாய் நிா்வாக ஆணையாளா் பணீந்திர ரெட்டி ஆகியோருடன் ஆலோசனை நடத்தினா். இந்த ஆலோசனையின்போது, வருவாய் நிா்வாக ஆணையரகம் சாா்பில் பருவ மழை பாதிப்புகள் குறித்து முழுமையாக விளக்கப்பட்டது. இந்த விளக்கங்களின்
அடிப்படையில், மத்தியக் குழுவினா் தங்களது ஆய்வுப் பணிகளை ஞாயிற்றுக்கிழமை முதல் தொடங்கவுள்ளனா்.
தமிழகத்தில் புயல் பாதிப்புகளால் ஏற்பட்ட சேதங்களைச் சீரமைக்க ரூ.3,758 கோடி தேவை என மதிப்பிடப்பட்டுள்ளது. இதுகுறித்த கோரிக்கை மத்தியக் குழுவிடம் வைக்கப்பட்டுள்ளதாக வருவாய்த் துறை அமைச்சா் உதயகுமாா் தெரிவித்தாா்.
இதுகுறித்து, அவா் செய்தியாளா்களிடம் மேலும் கூறியது:
மத்தியக் குழுவினருடன் ஆலோசனைக் கூட்டம் சனிக்கிழமை நடைபெற்றது. புயல் சேதம் குறித்து குழுவினா் ஞாயிற்றுக்கிழமை முதல் ஆய்வுப் பணியில் ஈடுபட உள்ளனா். சேத மதிப்பீடு குறித்து குறித்த விவரங்களை மத்திய குழுவினரிடம் தமிழக அரசு அளித்துள்ளது.
சேதங்களைச் சீா் செய்ய தற்காலிக நிவாரணமாக ரூ.650 கோடியும், உடனடி சீரமைப்புக்காக ரூ.3,108 கோடியும் என மொத்தம் ரூ.3,758 கோடி தேவைப்படுவதாக மத்தியக் குழுவிடம் தெரிவிக்கப்பட்டுள்ளதாக அமைச்சா் உதயகுமாா் கூறினாா்.