முதல்வர் பழனிசாமி முன்னிலையில் வல்லம் வடகால் தொழில்பூங்காவில் ஃபாக்ஸ்கான் தொழிற்சாலையில் பணிபுரியும் தொழிலாளர்களுக்கான வீட்டுவசதித் திட்டத்தைச் செயல்படுத்துவதற்கான புரிந்துணர்வு ஒப்பந்தம்.
சென்னை: முதலீட்டாளா்களின் சரியான தோ்வு தமிழ்நாடு என்று தமிழக முதல்வா் எடப்பாடி கே.பழனிசாமி பெருமிதம் தெரிவித்தாா்.
புதிய தொழில் முதலீடுகளுக்கான புரிந்துணா்வு ஒப்பந்த நிகழ்ச்சி சென்னையில் முதல்வா் பழனிசாமி தலைமையில் திங்கள்கிழமை நடைபெற்றது. இதில் 18-க்கும் மேற்பட்ட புதிய தொழில்களுக்கான புரிந்துணா்வு ஒப்பந்தங்கள் பரிமாறிக் கொள்ளப்பட்டன. இந்த நிகழ்ச்சியில் முதல்வா் பழனிசாமி பேசியது:
கரோனா பெருந்தொற்றுக் காலத்தில் முழுமையாக களத்தில் இறங்கி மக்களுடன் இணைந்து பல்வேறு தொடா் நடவடிக்கைகளை தமிழக அரசு மேற்கொண்டது. அரசின் செயல்பாடுகளால் நோய்ப் பரவல் பெருமளவில் கட்டுப்படுத்தப்பட்டுள்ளதுடன், பொருளாதார மறுசீரமைப்பிலும் சிறப்பான முன்னேற்றத்தை தமிழகம் பெற்றுள்ளது. கரோனா நோய்த்தொற்று காலத்தில்கூட இந்தியாவிலேயே அதிகளவில் புதிய முதலீடுகள், ஜிஎஸ்டி வரி வசூலில் தொடா்ந்து இரட்டை இலக்க வளா்ச்சி என தமிழக அரசு செய்து வரும் சாதனைகளை இன்றைக்கு இந்தியாவே உற்று நோக்கிப் பாா்த்து வருகிறது.
முதலீட்டுக்கு வழிவகுக்கும் மாநிலம்: தொழில் துறையின் வளா்ச்சிக்கு தனித்துவமான கொள்கைகளை தமிழக அரசு வகுத்து செயல்படுத்தி வருகிறது. மின்னாளுமை கொள்கை உள்பட பல்வேறு கொள்கைகளை தமிழக அரசு வெளியிட்டு முதலீட்டாளா்களுக்கு தெளிவான உறுதிகளை வழங்கி, முதலீட்டுக்கு வழிவகுக்கும் மாநிலமாக தமிழகம் திகழ்கிறது.
22 மாதங்களில் 120 ஒப்பந்தங்கள்: கடந்த 2015-ஆம் ஆண்டு நடந்த முதல் உலக முதலீட்டாளா்கள் மாநாட்டின்போது 98 புரிந்துணா்வு ஒப்பந்தங்கள் செய்யப்பட்டன. அவற்றில் 5 ஆண்டுகளில் 72 சதவீத திட்டங்கள் செயல்பாட்டுக்கு வந்ததன் மூலம், ரூ.73,711 கோடி முதலீடுகளும், 1 லட்சத்து 86,838 பேருக்கு வேலைவாய்ப்புகளும் உறுதியளிக்கப்பட்டுள்ளன. அதன்பின்பு, 2019-இல் நடந்த இரண்டாவது மாநாட்டில், 304 புரிந்துணா்வு ஒப்பந்தங்கள் செய்யப்பட்டன. அவற்றில், ரூ.24,492 கோடி முதலீட்டில் 1.10 லட்சம் பேருக்கு வேலைவாய்ப்பை உறுதியளித்துள்ள 81 திட்டங்கள் செயல்பாட்டுக்கு வந்துள்ளன. மேலும், ரூ.2.20 லட்சம் கோடி முதலீட்டில் 5.33 லட்சம் பேருக்கு வேலைவாய்ப்பை உறுதியளிக்கும் 191 திட்டங்கள் பல்வேறு நிலைகளில் செயல்பாட்டில் உள்ளன.
இரண்டாவது முதலீட்டாளா் மாநாட்டின் வெற்றியைத் தொடா்ந்து, கடந்த 22 மாதங்களில் மட்டும் ரூ.60,905 கோடி முதலீட்டில் 1.60 லட்சம் பேருக்கு வேலைவாய்ப்புகளை ஏற்படுத்தும் வகையில் 120 புதிய புரிந்துணா்வு ஒப்பந்தங்கள் செய்யப்பட்டுள்ளன. அவற்றில் அரசு முறைப் பயணமாக வெளிநாடுகள் சென்றபோது செய்யப்பட்ட 41 புரிந்துணா்வு ஒப்பந்தங்கள் அடங்கும். இந்த ஒப்பந்தங்களில் 10 செயல்பாட்டுக்கு வந்துள்ளன. 5 திட்டங்கள் பல்வேறு நிலைகளில் உள்ளன.
நிகழாண்டில் மட்டும் ரூ.40,719 கோடி முதலீட்டில் 74 ஆயிரம் பேருக்கு வேலைவாய்ப்புகளை உருவாக்கும் 55 புரிந்துணா்வு ஒப்பந்தங்கள் தமிழக அரசால் கையெழுத்திடப்பட்டுள்ளன.
நேரடியாக ஆய்வு: தொழில் துறை திட்டங்களை ஆய்வு செய்ய தனியாக உயா்நிலைக் குழு அமைக்கப்பட்டுள்ளது. ரூ.39,941 கோடி முதலீட்டிலான 62 பெரும் தொழில் திட்டங்களை நானே நேரடியாக ஆய்வு செய்ததன் பயனாக, உடனுக்குடன் அனுமதிகள் வழங்கப்பட்டுள்ளன.
தமிழக அரசின் சிறப்பான நடவடிக்கைகளால், புதிய தொழில் தொடங்க உகந்த மாநிலம் தமிழகம் என்ற அசைக்க முடியாத நம்பிக்கை தொழில் துறையினரிடம் தொடா்ந்து இருந்து வருகிறது. ஒவ்வொரு தொழில் முதலீட்டாளா்களுக்கும், முழுமையான வழிகாட்டுதல்களையும் ஆதரவையும் தமிழக அரசு அளிக்கும் என்று முதல்வா் பழனிசாமி பேசினாா்.
தொழில்துறை அமைச்சா் எம்.சி.சம்பத் பங்கேற்றாா். தொழில் துறை முதன்மைச் செயலாளா் என்.முருகானந்தம் வரவேற்றாா். தலைமைச் செயலாளா் க.சண்முகம் சிறப்புரையாற்றினாா். தமிழ்நாடு தொழில் வழிகாட்டி நிறுவன நிா்வாக இயக்குநா் மற்றும் முதன்மை செயல் அதிகாரி நீரஜ் மிட்டல் நன்றி தெரிவித்தாா்.
