ரஜினி விரைந்து குணமடைய வாழ்த்துக்கள் என்று இந்தியக் கம்யூனிஸ்ட் கட்சியின் மாநிலச் செயலாளர் இரா.முத்தரசன் தெரிவித்துள்ளார்.
இதுகுறித்து அவர் விடுத்துள்ள அறிக்கையில், ரஜினி விரைந்து குணமடைய வாழ்த்துக்கள் திரையுலகின் “சூப்பர் ஸ்டார்” திரு.ரஜினிகாந்த் படப்பிடிப்புத்தாக சென்றிருந்த இடத்தில் உடல் நலம் பாதித்து ஐதராபாத் அப்பல்லோ மருத்துவமனையில் அனுமதிக்கப்பட்டுள்ளார் என்ற செய்தி வெளியாகியுள்ளது.
ரஜினிகாந்த் திரையுலகின் மூத்த கலைஞர். இவரது பல்சுவை நடிப்பில் பல்லாயிரம் தமிழ் மக்கள் ஈர்க்கப்பட்டுள்ளனர்.
திரை வானில் ஜொலிக்கும் துருவ நட்சத்திரமாக இன்னும் பல்லாண்டு, பல்லாண்டு தொடர வேண்டும் என பெரு விருப்பத்தை அவரது ரசிகர்கள் தெரிவித்து வருகின்றனர். படப்பிடிப்பு குழுவினர் சிலர் கொவைட் 19 நோய்த்தொற்று தாக்குதலுக்கு ஆளாகியுள்ளனர் வேதனையளிக்கிறது. எனினும் மருத்துவ பரிசோதனையில் ரஜினிக்கு கொவைட் 19 தொற்று இல்லை என்பது திருப்தியளிக்கிறது.
ஆனாலும், ரத்த அழுத்தம் சீராக அமையவில்லை என்பதால் சிகிச்சை அளிக்கப்படுகிறது என மருத்துவர்கள் கூறியுள்ளனர் ரஜினியும், அவரது படப்பிடிப்புக் குழுவினரும் விரைந்து பரிபூரண குணமடைந்து இயல்பான பணிகளுக்கு திரும்ப வேண்டும் என இந்தியக் கம்யூனிஸ்ட் கட்சியின் தமிழ்நாடு மாநிலக் குழு வாழ்த்துக்களை தெரிவித்துக் கொள்கிறது. இவ்வாறு அவர் கூறியுள்ளார்.