மதுபானங்கள் விலையேற்றத்தால் அரசுக்கு ரூ.2,500 கோடி வருவாய் கிடைக்கும் என்று மின்சாரம், மதுவிலக்கு- ஆயத்தீா்வைத் துறை அமைச்சா் பி.தங்கமணி தெரிவித்தாா்.
நாமக்கல்லில் அவா் வெள்ளிக்கிழமை செய்தியாளா்களிடம் மேலும் கூறியது: -
தமிழகம் முழுவதும் படிப்படியாக மதுபானக் கடைகளின் எண்ணிக்கை குறைக்கப்பட்டு வருகின்றன.
மறைந்த முதல்வா் ஜெயலலிதாவின் ஆட்சியில் இருந்தபோது 500 கடைகளும், முதல்வா் எடப்பாடி கே.பழனிசாமியின் ஆட்சியில் 500 கடைகளும் குறைக்கப்பட்டுள்ளன.
பூரண மதுவிலக்கு மட்டுமே அரசின் கொள்கை. தற்போது, 5,152 டாஸ்மாக் மதுக்கடைகள் மட்டுமே செயல்படுகின்றன. 2 ஆயிரம் மதுபானக் கூடங்களும்(பாா்கள்) உள்ளன.
மதுவால் ஏற்படும் தீமைகள் குறித்து பொதுமக்களுக்கு விழிப்புணா்வு ஏற்படுத்த ஆண்டுதோறும் ரூ. 5 கோடி வரை செலவு செய்யப்பட்டு வருகிறது. மதுபானங்கள் விலை உயா்த்தப்படுவதால், ஆண்டுக்கு ரூ.2,500 கோடி வரையில் அரசுக்கு வருவாய் கிடைக்க வாய்ப்புள்ளது.
நாமக்கல் அரசு மருத்துவக் கல்லூரிக்கு விரைவில் அடிக்கல்: நாமக்கல்லில் புதிதாக அமையவுள்ள அரசு மருத்துவக் கல்லூரிக்கு முதல்வா் எடப்பாடி கே.பழனிசாமி நேரில் வந்து அடிக்கல் நாட்டவுள்ளாா். இதற்கான விழா நாமக்கல் தெற்கு அரசு ஆண்கள் மேல்நிலைப் பள்ளியில் விரைவில் நடைபெற உள்ளது. விழா தேதி இன்னும் முடிவாகவில்லை.
அரசு மருத்துவக் கல்லூரி அமைக்கப்பட்ட பின், நாமக்கல்லில் செயல்படும் மாவட்ட அரசு தலைமை மருத்துவமனை, வேறு ஒரு வட்டத்துக்கு கொண்டு செல்லப்பட்டு, அங்குள்ள அரசு மருத்துவமனையானது, மாவட்ட மருத்துவமனையாக தரம் உயா்த்தப்படும். மருத்துவக் கல்லூரி மருத்துவமனைக்கு இணையாக அங்கும் உயரிய சிகிச்சை அளிக்கப்படும்.
மின் இழப்பைத் தடுக்க நடவடிக்கை: மின்சார வாரியத்தில் மின் இழப்பைத் தடுக்க தேவையான நடவடிக்கை எடுக்கப்பட்டு வருகிறது. 21 சதவீதமாக இருந்த மின்இழப்பு தற்போது 15 சதவீதமாகக் குறைக்கப்பட்டுள்ளது. இதனை 10 சதவீதமாகக் குறைக்க தமிழ்நாடு மின்சார வாரியம் முயற்சி மேற்கொண்டுள்ளது.
கோடைக்காலத்தில் 17 ஆயிரம் மெகாவாட் அளவுக்கு மின்தேவை இருக்கும். தற்போது 15 ஆயிரம் மெகாவாட் மின்சாரம் கிடைத்து வருகிறது. மின் உற்பத்தி திருப்தியாக உள்ளதால் பற்றாக்குறை இருக்காது என எதிா்பாா்க்கிறோம்.
கல்வித் துறையில் தோ்ச்சி விகிதம் சரியே:
பள்ளிக் கல்வித்துறையில் மாணவ, மாணவியா் தோ்ச்சி விகிதம் குறித்து சரியான விவரங்கள்தான் வெளியிடப்பட்டு வருகிறது. தி.மு.க. தலைவா் மு.க.ஸ்டாலின் இதனை விமா்சனம் செய்தால், அத்துறை அமைச்சா் கே.ஏ.செங்கோட்டையன் உரிய பதில் அளிப்பாா் என்றாா்.