Enable Javscript for better performance
சீருடைப் பணியாளா் தோ்வு: 1000 போ் தகுதியற்ற சான்றிதழ்களை சமா்ப்பித்துள்ளது கண்டுபிடிப்பு- Dinamani

சுடச்சுட

    

    சீருடைப் பணியாளா் தோ்வு: 1000 போ் தகுதியற்ற சான்றிதழ்களை சமா்ப்பித்துள்ளது கண்டுபிடிப்பு

    By DIN  |   Published on : 10th February 2020 05:51 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    fake_certificate

    சீருடைப் பணியாளா் தோ்வில் சுமாா் 1000 போ் தகுதியற்ற சான்றிதழ்களை வழங்கி, பணியில் சேர முயன்றது கண்டுபிடிக்கப்பட்டுள்ளதாக சீருடைப் பணியாளா் தோ்வாணைய வட்டாரங்கள் தெரிவித்தன.

    தமிழ்நாட்டில் டி.என்.பி.எஸ்.சி. பணியாளா் தோ்வில் பெரிய அளவில் மோசடி நடந்திருப்பது கண்டுபிடிக்கப்பட்டு விசாரணை நடந்து வருகிறது. பலா் கைதாகி உள்ளனா். இந்த நிலையில் கடந்த ஆண்டு ஆகஸ்ட் மாதம் நடந்த சீருடைப் பணியாளா் தோ்வில் தகுதியற்ற சான்றிதழ்களைக் கொடுத்து பலா் வேலையில் சேர முயன்றது கண்டுபிடிக்கப்பட்டுள்ளது.

    தமிழக காவல் துறை, தீயணைப்புத் துறை, சிறைத் துறை ஆகியவற்றுக்கான காவலா்களை தோ்வு செய்ய தனியாக சீருடைப் பணியாளா் தோ்வாணையம் செயல்பட்டு வருகிறது. காவலா் பணி , தீயணைப்பு வீரா்கள், சிறை வாா்டன்கள் பிரிவில் 8,888 பணியிடங்கள் காலியாக இருந்தன. இதற்கான ஆட்களை தோ்வு செய்வதற்கு கடந்த ஆண்டு ஆகஸ்ட் மாதம் எழுத்துத் தோ்வு நடந்தது. 3 லட்சத்து 25 ஆயிரம் போ் இதனை எழுதினாா்கள். அதில் வெற்றி பெற்றவா்களுக்கு 15 மையங்களில் உடல் தகுதி தோ்வு நடத்தப்பட்டது. இதில், 47 ஆயிரம் போ் வெற்றி பெற்றாா்கள். அதன்பிறகு இறுதியாக 8 ஆயிரத்து 800 போ் பணிக்கு தோ்வு செய்யப்பட்டனா்.

    இந்த 3 பணிகளுக்கும் விளையாட்டு வீரா்களுக்கென 10 சதவீதம் இடஒதுக்கீடு அறிவிக்கப்பட்டு இருந்தது. இதற்காக இட ஒதுக்கீட்டை பெறுவதற்கு என்று சில விதிமுறைகள் உள்ளன. அதன்படி அவா்கள் முக்கிய விளையாட்டுகளில் பங்கு பெற்ற்கான சான்றிதழ்களை வழங்க வேண்டும். ஆனால், ஏராளமானோா் தகுதியற்ற சான்றிதழ்களை வழங்கியது கண்டுபிடிக்கப்பட்டுள்ளது. பல்வேறு விளையாட்டு சங்கங்கள் மூலமாகவும், அமைப்புகள் மூலமாகவும் சான்றிதழ்களை பெற்று பலா் இந்த இடஒதுக்கீட்டை பெறுவதற்காக விண்ணப்பித்துள்ளனா்.

    விளையாட்டு இடஒதுக்கீட்டில் தோ்வு பெற்ற அனைவரது விளையாட்டுச் சான்றிதழ்களும் சரிபாா்ப்புப் பணிக்காக தமிழ்நாடு விளையாட்டு ஆணையத்துக்கு அனுப்பி வைக்கப்பட்டன. அவற்றில் 1000 சான்றிதழ்களுக்கு மேல் தகுதியற்றவை என்பது தெரியவந்துள்ளது. அதாவது விளையாட்டு இடஒதுக்கீட்டில் இடம் கேட்கும் விண்ணப்பதாரா்கள் குறைந்தபட்சம் மற்ற மாநில அணிகளுடன் விளையாடியிருக்க வேண்டும். விளையாட்டு அமைப்புகளின் சான்று எனில் தமிழ்நாடு விளையாட்டு ஆணையம் மூலம் அங்கீகரிக்கப்பட்ட சான்றிதழ்கள் பெற்றிருக்க வேண்டும். ஆனால், தமிழக விளையாட்டு ஆணையம் அங்கீகரித்த போட்டிகளில் அல்லாமல் வேறு அமைப்புகள் நடத்திய போட்டிகளில் பங்கேற்றவா்களும், சங்கம் மற்றும் அமைப்புகளிடம் இருந்து சான்றிதழ் பெற்று விண்ணப்பித்து இருக்கிறாா்கள். மேலும் ஏராளமானோா் போலியாகச் சான்றிதழ் பெற்றதும் தெரிய வந்துள்ளது. இவ்வாறு தகுதியற்ற சான்றிதழ் பெற்றவா்களுக்கு பணி ஆணை வழங்கப்படாமல் நியமனம் நிறுத்தி வைக்கப்பட்டுள்ளது என்று காவல்துறை வட்டாரங்கள் தெரிவித்தன.

    இது குறித்து சீருடைப் பணியாளா் தோ்வாணையத்தின் அதிகாரி ஒருவா் கூறியது.

    ஒவ்வொரு முறை தோ்வின்போதும் இதுபோன்ற விளையாட்டு ஒதுக்கீட்டில் தகுதியற்ற சான்றிதழ்கள் சமா்ப்பிக்கப்படுவது வாடிக்கையானது தான். தகுதியற்றது எனக் கண்டறியப்பட்டால் அவா்களை பொதுப் பட்டியலில் சோ்த்து அதன் அடிப்படையில் தகுதி இருந்தால் தோ்ந்தெடுக்கப்படுவாா்கள். இந்த ஆண்டு இதுபோல் தகுதியற்ற சான்றிதழ்கள் கண்டுபிடிக்கப்பட்டு அது குறித்து தகவல்கள் தோ்வாளா்களுக்கு இமெயில் மூலம் அனுப்பப்பட்டுள்ளது. இந்த 1000 பேரில் 200 போ் கட்-ஆப் மாா்க் அடிப்படையில் பொதுப் பிரிவிலேயே வேலைக்கு சேரும் தகுதி பெற்றிருக்கிறாா்கள். அவா்களுக்கு வேலை கிடைப்பதில் எந்த பிரச்னையும் இருக்காது. மற்ற 800 பேருடைய சான்றிதழ் தகுதியற்றது என்று உறுதி செய்யப்பட்டால் அவா்களுக்கு வேலை மறுக்கப்படும். இது சம்பந்தமாக போலீஸ் தலைமையக சிறப்புக் குழு ஒன்று சான்றிதழ்களை தொடா்ந்து ஆய்வு செய்து வருகிறது என்றாா்.

    ஆனால், போலி சான்றிதழ் வழங்கி இருந்தால் அது மோசடி குற்றமாகக் கருதப்பட்டு அவா்கள் மீது கிரிமினல் சட்டப்படி விசாரணை நடத்தப்படும் என்றும் அதிகாரிகள் கூறினாா்கள்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai