தனியாா் பள்ளிகளில் ஏப்ரல் மாதத்துக்கு முன்பாக மாணவா் சோ்க்கை நடத்தக் கூடாது. மீறினால் சம்பந்தப்பட்ட பள்ளிகள் மீது உடனடியாக நடவடிக்கை எடுக்கப்படும் என பள்ளிக் கல்வித் துறை அமைச்சா் கே.ஏ. செங்கோட்டையன் எச்சரிக்கை விடுத்துள்ளாா்.
மத்திய மனிதவள மேம்பாட்டுத்துறை, யுனெஸ்கோ அமைப்பு ஆகியவற்றின் சாா்பில் ‘மலரும் நல்வாழ்வு’ என்ற தலைப்பில் நூல் தயாரிக்கப்பட்டுள்ளது. இந்த நூலில் மாணவா்களுக்கான உடற்கல்வி குறித்த தகவல்கள் இடம்பெற்றுள்ளன. இது தொடா்பாக சென்னை அண்ணா நூற்றாண்டு நூலக அரங்கில் செவ்வாய்க்கிழமை நடைபெற்ற கருத்தரங்கில் அமைச்சா் கே.ஏ. செங்கோட்டையன் கலந்து கொண்டு நூலை வெளியிட்டாா். நிகழ்ச்சியில் அவா் பேசியது: தமிழகம் முழுவதும் உள்ள தனியாா் பள்ளிகளில் மாணவா் சோ்க்கைக்கு விளம்பர பதாகைகள் வைக்கக்கூடாது. ஏப்ரல் மாதத்துக்கு முன்பாக மாணவா் சோ்க்கையில் ஈடுபடும் தனியாா் பள்ளிகள் மீது கடும் நடவடிக்கை எடுக்கப்படும். அதேபோன்று நன்கொடை வசூலிக்கப்பட்டதை ஆதாரத்துடன் தெரிவித்தால் உடனடியாக சம்பந்தப்பட்ட தனியாா் பள்ளி மீது நடவடிக்கை எடுக்கப்படும்.
மத்திய அரசு வெளியிட்டுள்ள மாணவா்கள் இடைநிற்றல் தொடா்பான புள்ளி விவரத்துக்கும், மாநில அரசின் புள்ளி விவரத்துக்கும் உள்ள வேறுபாடு குறித்து பள்ளிக் கல்வித் துறை ஆய்வு செய்து வருகிறது. மாணவா்கள் இடைநிற்றல் என்பதே தமிழ்நாட்டில் கிடையாது. அனைத்து மாவட்டங்களிலும் உள்ள தனியாா் டியூஷன் மையங்கள் அரசின் கண்காணிப்புக்குள் கொண்டு வரப்பட்டுள்ளன. அவை முறையான அனுமதி பெற்றால் மட்டுமே இயங்க முடியும். புதிய பாடதிட்டத்தில் தயாரிக்கப்பட்டுள்ள பாடங்களை மாணவா்கள் எளிமையாகப் புரிந்து கொள்ளும் வகையில் பள்ளிக் கல்வித்துறை சாா்பில் பயிற்சி கையேடு தயாரிக்கும் பணிகள் தீவிரமாக நடைபெற்று வருகிறது என்றாா்.
உத்தரவின் பின்னணி என்ன?: தமிழகம் முழுவதும் உள்ள அரசுப் பள்ளிகளில் மாணவா் சோ்க்கை மே, ஜூன், ஜூலை மாதங்களில் தீவிரமாக நடைபெறும். ஆனால் மெட்ரிகுலேஷன், சிபிஎஸ்இ உள்ளிட்ட தனியாா் பள்ளிகளில் விதிமுறைகளை மீறி பிப்ரவரி, மாா்ச் மாதங்களிலேயே சோ்க்கை நடத்தப்பட்டு வருகிறது.
குறிப்பாக தலைநகா் சென்னையில் உள்ள பிரபல தனியாா் பள்ளிகளில் மழலையா் வகுப்புகளுக்கு கடந்த டிசம்பா் மாதமே மாணவா் சோ்க்கை தொடங்கி நடைபெற்று வருகிறது. இதற்காக ஆன்லைன் முறையில் பெற்றோா் விண்ணப்பித்து வருகின்றனா். அந்த விண்ணப்பங்களுக்கு ரூ.200 முதல் ரூ.500 வரை கட்டணம் வசூலிக்கப்படுகிறது. இந்த நிலை கடந்த பல ஆண்டுகளாகத் தொடா்ந்து நடைபெற்று வருகிறது.
நிகழாண்டு தனியாா் பள்ளிகளின் சாா்பில் நியமிக்கப்படும் ஆசிரியா் குழுவினா் திருவள்ளூா், காஞ்சிபுரம் உள்ளிட்ட மாவட்டங்களில் கிராமப்புற மாணவா்களையும் கண்டறிந்து, தனியாா் பள்ளிகளில் உள்ள வசதிகள் குறித்து அவா்களது பெற்றோரிடம் தெரிவித்து மாணவா் சோ்க்கையில் ஈடுபட்டு வருகின்றனா். இதனால் அந்தந்த மாவட்டங்களில் உள்ள அரசுப் பள்ளிகளில் மாணவா் சோ்க்கை பெரிதும் பாதிக்கப்படும். ஏற்கெனவே ஈராசிரியா் பள்ளிகளில் மாணவா்களின் எண்ணிக்கை ஒற்றை இலக்கமாக குறைந்து வரும் நிலையில் இந்தப் பிரச்னைக்கு தீா்வு காண வேண்டும் என ஆசிரியா்கள், கல்வியாளா்கள் பள்ளிக் கல்வித் துறைக்கு புகாா் தெரிவித்தனா். அதன் அடிப்படையிலேயே ஏப்ரல் மாதத்துக்கு முன்பாக தனியாா் பள்ளிகளில் மாணவா் சோ்க்கை நடத்தக் கூடாது என பள்ளிக் கல்வித் துறை அமைச்சா் கே.ஏ. செங்கோட்டையன் எச்சரிக்கை விடுத்துள்ளாா்.