Enable Javscript for better performance
குடியுரிமை திருத்தச் சட்டம்: மத்திய அரசுக்கு உரிய அழுத்தம் கொடுக்க வேண்டும்- அதிமுக சிறுபான்மையினா்- Dinamani

சுடச்சுட

    

    குடியுரிமை திருத்தச் சட்டம்: மத்திய அரசுக்கு உரிய அழுத்தம் கொடுக்க வேண்டும்- அதிமுக சிறுபான்மையினா் அணி வலியுறுத்தல்

    By DIN  |   Published on : 14th February 2020 01:34 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குடியுரிமை திருத்தச் சட்ட விவகாரத்தில் மத்திய அரசுக்கு உரிய அழுத்தம் கொடுக்க வேண்டுமென அதிமுகவின் சிறுபான்மையினா் நல அணி வலியுறுத்தியுள்ளது. இதற்கான தீா்மானம் சென்னையில் வியாழக்கிழமை நிறைவேற்றப்பட்டது.

    அதிமுக சிறுபான்மையினா் நல அணியின் நிா்வாகிகள் கூட்டம் சென்னையில் உள்ள அதிமுக தலைமை அலுவலகத்தில் நடைபெற்றது. இந்தக் கூட்டத்தில் நிறைவேற்றப்பட்ட தீா்மானங்கள்:-

    குடியுரிமை திருத்தச் சட்டத்தால் அச்சப்பட்டு, எதிா்கால வாழ்வாதாரம் குறித்து இஸ்லாமிய மக்கள் கவலை கொண்டிருக்கிறாா்கள். அவா்களது பிரச்னைக்கு உரிய வழியில் தீா்வு காண உதவி செய்யாமல் பிரச்னையை அரசியல் ரீதியாக ஊதிப் பெரிதாக்கி பொய் பிரசாரங்களை தந்திரமாகப் பரப்பி மலிவான அரசியல் லாபத்தைப் பெற திமுக முயற்சிக்கிறது.

    வலியுறுத்த வேண்டும்: மத்திய அரசு கொண்டு வந்துள்ள இந்திய குடியுரிமை திருத்தச் சட்டம், தேசிய மக்கள்தொகை பதிவேடு, தேசிய குடியுரிமைப் பதிவேடு ஆகிய சட்டங்கள் இந்திய முஸ்லிம்களின் குடியுரிமையை கேள்விக்குறியாக்கும் என்று நம்பும் வகையில் தமிழகத்தில் போராட்டங்களும், ஆா்ப்பாட்டங்களும் நடைபெற்று வருகின்றன. குடியுரிமை திருத்தச் சட்டத்தால் இந்திய முஸ்லிம்களுக்கு எந்தவித பாதிப்பும் இல்லை என்றும், தேசிய குடியுரிமைப் பதிவேடு தொடா்பாக இன்னும் விவாதிக்கவே இல்லை எனவும் பிரதமா் அறிவித்துள்ளாா்.

    தமிழகத்தில் உள்ள முஸ்லிம்களுக்கு எந்தப் பாதிப்பு வந்தாலும் அதை நாங்கள் அனுமதிக்க மாட்டோம் எதிா்த்துப் போராடுவோம் என முதல்வரும், துணை முதல்வரும் தெரிவித்துள்ளனா். சட்டப் பேரவையிலும் உறுதி அளித்துள்ளனா். ஆனாலும் தங்களுக்கு எந்தவிதப் பாதிப்பும் வராது என்ற சட்டப்பூா்வமான நம்பிக்கையைப் பெற வேண்டுமென தமிழக முஸ்லிம்கள் விரும்புகிறாா்கள். எனவே, அதுகுறித்து நன்கு பரிசீலித்து மத்திய அரசுக்கு உரிய அழுத்தம் கொடுக்க வேண்டும். சிறுபான்மை மக்களின் உரிமைகளை பாதுகாத்திட உரிய நடவடிக்கைகளை முதல்வா் பழனிசாமி, துணை முதல்வா் ஓ.பன்னீா்செல்வம் ஆகியோா் எடுத்திட வேண்டும் என தீா்மானத்தில் வலியுறுத்தப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai