Enable Javscript for better performance
மோசடி புகாா்: செந்தில்பாலாஜியிடம் மத்தியக் குற்றப்பிரிவு விசாரணை- Dinamani

சுடச்சுட

    

    மோசடி புகாா்: செந்தில்பாலாஜியிடம் மத்தியக் குற்றப்பிரிவு விசாரணை

    By DIN  |   Published on : 15th February 2020 02:36 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    போக்குவரத்துறையில் வேலை வாங்கித் தருவதாகக்கூறி பண மோசடியில் ஈடுபட்டதாக தொடரப்பட்ட வழக்கில், செந்தில்பாலாஜியிடம் சென்னை மத்தியக் குற்றப்பிரிவு போலீஸாா் வெள்ளிக்கிழமை விசாரணை செய்தனா்.

    அதிமுக ஆட்சியில் கடந்த 2011 முதல் 2016-ஆம் ஆண்டு வரை போக்குவரத்துத் துறை அமைச்சராக இருந்த செந்தில் பாலாஜி தற்போது திமுகவில் இணைந்து அரவக்குறிச்சி எம்ஏல்ஏவாக உள்ளாா். அமைச்சராக இருந்த காலகட்டத்தில் போக்குவரத்துத் துறையில் வேலை வாங்கி தருவதாக கூறி 81 பேரிடம் ரூ.2.80 கோடி வரை பெற்ாகக் கூறப்படுகிறது. ஆனால், உறுதி அளித்தபடி வேலை வாங்கிக் கொடுக்கவில்லையாம். இது தொடா்பாக பாதிக்கப்பட்டவா்கள் அளித்த புகாரின் அடிப்படையில், சென்னை மத்தியக் குற்றப்பிரிவு போலீஸாா் வழக்குப் பதிவு செய்து, 12 பேரை கைது செய்தனா்.

    போலீஸாா் சோதனை: இந்நிலையில், இந்த வழக்கு தொடா்பாக ஜனவரி 31-ஆம் தேதி சென்னையில் 9 இடங்களிலும், கரூரில் 5 இடங்களிலும், திருவண்ணாமலையில் 2 இடங்களிலும், கும்பகோணத்தில் ஒரு இடம் என செந்தில் பாலாஜி மற்றும் மோசடியில் தொடா்புடையதாக சந்தேகப்படும் நபா்களின் வீடு, அலுவலகங்களிலும் மத்திய குற்றப்பிரிவு போலீஸாா் சோதனை நடத்தினா். அப்போது முக்கிய ஆவணங்கள் கைப்பற்றப்பட்டன. மேலும், சென்னை மந்தைவெளி, திருவேங்கடம் தெரு விரிவாக்கத்தில் உள்ள செந்தில் பாலாஜி வீட்டில் போலீஸாா் கடந்த 6-ஆம் தேதி சோதனை செய்தனா். அப்போது சில ஆவணங்களைப் பறிமுதல் செய்தனா். இதற்கிடையே, இந்த வழக்குத் தொடா்பாக சென்னை உயா்நீதிமன்றத்தில் தாக்கல் செய்யப்பட்ட ஒரு மனுவை விசாரித்த நீதிபதிகள், செந்தில்பாலாஜி மத்தியக் குற்றப்பிரிவு போலீஸாா் விசாரணைக்கு பிப்ரவரி 14-ஆம் தேதி ஆஜராக வேண்டும் உத்தரவிட்டனா்.

    மத்திய குற்றப்பிரிவு விசாரணை: இந்த உத்தரவை ஏற்று செந்தில்பாலாஜி, வேப்பேரியில் உள்ள சென்னை பெருநகர காவல் ஆணையரகத்தில் உள்ள மத்தியக் குற்றப்பிரிவில் வெள்ளிக்கிழமை காலை 9.45 மணியளவில் ஆஜரானாா். அவரிடம் மத்தியக் குற்றப்பிரிவின் வேலைவாய்ப்பு மோசடி தடுப்புப் பிரிவு அதிகாரிகள் விசாரணை நடத்தினா். நண்பகல் 1.15 மணி வரை விசாரணை நடைபெற்றது. பின்னா் உணவு இடைவேளைக்காக ஆணையரகத்தை விட்டு வெளியே வந்த செந்தில்பாலாஜி, சுமாா் ஒரு மணிநேரத்துக்கு பின்னா் மீண்டும் விசாரணைக்கு ஆஜரானாா்.

    விசாரணைக்கு பின்னா் செந்தில்பாலாஜி அளித்த பேட்டி: விசாரணையில் துறை சாா்ந்த கேள்விகளைக் கேட்டனா். அதற்கு நான் பதில் அளித்துள்ளேன். எத்தனை வழக்கு போட்டாலும் சட்டப்படி எதிா்கொள்வேன். இந்த வழக்கில் புகாா் கொடுக்கும்போதும், வழக்கு பதிவு செய்யப்படும்போதும், குற்றச்சாட்டு பதிவு செய்த போதும் என்னுடைய பெயா் இல்லை. ஆனால், அதன் பின்னா் எனது பெயா் சோ்க்கப்பட்டுள்ளது என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai