Enable Javscript for better performance
DMK MLA KPP Samy passed away- Dinamani

உடனுக்கு உடன் செய்திகள்

    திருவொற்றியூர் திமுக எம்எல்ஏ கே.பி.பி. சாமி காலமானார்

    By DIN  |   Published On : 27th February 2020 07:38 AM  |   Last Updated : 27th February 2020 09:08 AM  |  அ+அ அ-  |  

    KPP_Samy_1


    திருவொற்றியூர் தொகுதி திமுக சட்டப்பேரவை உறுப்பினர் கே.பி.பி. சாமி உடல்நலக்குறைவால் வியாழக்கிழமை (பிப். 27) காலமானார்.

    திருவொற்றியூர் திமுக சட்டப்பேரவை உறுப்பினராக இருந்தவர் கே.பி.பி. சாமி (59). இவர் கடந்த ஓராண்டாக உடல் நலக்குறைவால் பாதிக்கப்பட்டு மருத்துவ சிகிச்சை எடுத்துக்கொண்டிருந்தார். இந்நிலையில் இன்று (வியாழக்கிழமை) காலை 6.10 மணியளவில் அவரது உடல்நிலை மோசமாகி திருவொற்றியூர் கே.வி.கே. குப்பத்தில் உள்ள அவரது வீட்டிலேயே மரணமடைந்தார். அங்கு வந்த மருத்துவர்கள் அவர் மரணமடைந்ததை உறுதி செய்தனர்.

    கே.பி.பி. சாமி மறைந்த முன்னாள் முதல்வர் கருணாநிதியிடம் மிகவும் நெருக்கமாக இருந்தார். மீனவர் பகுதியில்  திமுகவை வளர்க்க கே.பி.பி. சாமி முக்கியப் பங்காற்றியுள்ளார். இவர் மாநில திமுக மீனவர் அணிச் செயலாளராகப் பணியாற்றி வந்தார். கடந்த 2006-ஆண்டு திமுக ஆட்சியில் மாநில மீன்வளத் துறை அமைச்சராக இருந்த இவர் 2011 சட்டப்பேரவைத் தேர்தலில் தோல்வியடைந்தார். இதையடுத்து, 2016-இல் திருவொற்றியூர் தொகுதி சட்டப்பேரவைத் தொகுதியில் போட்டியிட்ட இவர் வெற்றி பெற்று மீண்டும் சட்டப்பேரவை உறுப்பினரானார்.

    இவர் உடல் நலக்குறைவால் பாதிக்கப்பட்டிருந்தபோது திமுக தலைவர் மு.க. ஸ்டாலின் இவரை வீட்டில் வந்து பார்த்து உடல் நலம் விசாரித்து சென்றிருந்தார். இவரது மகள் ஆஸ்திரேலியாவில் இருப்பதால், அவர் வந்த பிறகு அவரது இறுதிச் சடங்குகள் நாளை (வெள்ளிக்கிழமை) நடைபெறும் எனத் தெரிகிறது.

    கே.பி.பி. சாமிக்கு உமா என்ற மனைவியும், இனியவன், பரசு பிரபாகரன் என இரண்டு மகன்களும், ஒரு மகளும் உள்ளனர். அவரது மனைவியும், மூத்த மகன் இனியவனும் ஏற்கெனவே மரணமடைந்துவிட்டனர்.

    அவரது மகள் திருமணமாகி தனது கணவரோடு ஆஸ்திரேலியாவில் வசித்து வருகிறார். கடந்த சில நாட்களுக்கு முன்புதான் அவர் தந்தையைப் பார்த்துவிட்டு ஆஸ்திரேலியா சென்றுள்ளார்.

    இவருக்கு கே.பி. சங்கர், கே.பி. சொக்கலிங்கம், கே.பி. இளங்கோ என மூன்று சகோதரர்களும் இரண்டு சகோதரிகளும் உள்ளனர். இதில் கே.பி. சங்கர் திமுக பகுதி செயலாளராகவும், கே.பி. சொக்கலிங்கம் வட்ட செயலாளராகவும் உள்ளனர். மறைந்த இவரது தந்தை பரசுராமன் திருவொற்றியூரில் கவுன்சிலராகப் பணியாற்றியுள்ளார். இவரது மனைவி உமாசாமியும் கவுன்சிலராக இருந்துள்ளார். இவரது குடும்பத்தினர் திமுகவில் பல்வேறு பொறுப்புகளில் இருந்துள்ளனர் என்பது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp