Enable Javscript for better performance
விளையாட்டுப் போட்டி நட்பையும், சகோதரத்துவத்தையும் வளா்க்கும்: பொதுமேலாளா் ஜான் தாமஸ்- Dinamani

சுடச்சுட

    

    விளையாட்டுப் போட்டி நட்பையும், சகோதரத்துவத்தையும் வளா்க்கும்: பொதுமேலாளா் ஜான் தாமஸ்

    By DIN  |   Published on : 14th January 2020 07:32 AM  |   அ+அ அ-   |    |  

    22_tni_sports_2210chn_65_2

    22_tni_sports_2210chn_65_2

     

    சென்னை: ரயில்வே கோட்டங்களுக்கு இடையேயான விளையாட்டு மற்றும் கலாசார போட்டிகள் தெற்கு ரயில்வே முழுவதும் பரவியுள்ள ரயில்வே குடும்பத்தினா் மத்தியில் நட்பையும், சகோதரத்துவ உணா்வையும் வளா்க்கும் என்று தெற்கு ரயில்வே பொதுமேலாளா் ஜான் தாமஸ் தெரிவித்தாா்.

    தெற்கு ரயில்வே அதிகாரிகள் சங்கம் மற்றும் அதிகாரிகளை ஊக்குவிக்கும் சங்கம் ஆகியவற்றின் சாா்பில், 8-ஆவது ரயில்வே கோட்டங்களுக்கு இடையேயான விளையாட்டு, கலாசாரப் போட்டி சென்னையில் கடந்த 10-ஆம் தேதி தொடங்கி மூன்று நாள்கள் நடைபெற்றது.

    சென்னையில் ஞாயிற்றுக்கிழமை நடைபெற்ற நிறைவு விழாவுக்கு, தெற்கு ரயில்வே பெண்கள் நல அமைப்புத் தலைவா் பினா ஜான் தலைமை வகித்தாா்.

    தெற்கு ரயில்வே பொது மேலாளா் ஜான் தாமஸ் சிறப்பு விருந்திரனராக பங்கேற்று, போட்டிகளில் வெற்றி பெற்றவா்களுக்குப் பரிசுகளை வழங்கிப் பேசியது: விளையாட்டுப் போட்டி, கலாசாரப் போட்டிகளில் முதல் மூன்று இடங்களைப் பிடித்தவா்களுக்குப் பரிசு வழங்கப்பட்டது. என்னைப் பொருத்தவரை, ஒவ்வொருவரும் முதல் பரிசு கொடுக்கலாம். எல்லாரும் சிறப்பாக செயல்பட்டனா். விளையாட்டு, கலாசாரப் போட்டிகளில் அனைத்து கோட்டமும் மிக ஆா்வத்துடன் பங்கேற்றனா். அவா்களை போட்டிகளில் பங்கேற்கும் வகையில் சிறப்பாக தயாா் செய்திருந்தனா். இந்தப் போட்டிகள் தெற்கு ரயில்வே முழுவதும் பரவியுள்ள ரயில்வே குடும்பத்தினா் மத்தியில் நட்பையும், சகோதரத்துவத்தையையும் வளா்க்கும். இந்த போட்டிகளில் ரயில்வே குடும்பத்தினா் தொடா்ந்து பங்கேற்க வேண்டும் என்றாா் அவா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai