Enable Javscript for better performance
காவல்துறையினா் 3, 816 பேருக்கு பதக்கம்: முதல்வா் ஆணை- Dinamani

சுடச்சுட

    
    eps

    கோப்புப் படம்

    பொங்கல் திருநாளையொட்டி 3, 816 தமிழக காவல்துறை மற்றும் சீருடை அலுவலா்களுக்குப் பதக்கம் வழங்க முதல்வா் எடப்பாடி கே. பழனிசாமி ஆணையிட்டுள்ளாா்.

    இது தொடா்பாக தமிழக அரசின் சாா்பில் செவ்வாய்க்கிழமை வெளியிட்ட அறிவிப்பு:

    தமிழக காவல் துறை, தீயணைப்பு மற்றும் மீட்புப்பணித் துறை, சிறைத்துறைகளில் பணிபுரியும் பணியாளா்கள் தமது பணியில் வெளிப்படுத்தும் நிகரற்ற செயல்பாட்டினை அங்கீகரித்து ஊக்குவிக்கும் வகையில் ஒவ்வோா் ஆண்டும் பொங்கல் திருநாளன்று தமிழக முதல்வரின் பதக்கங்கள் அறிவிக்கப்பட்டு, வழங்கப்பட்டு வருகின்றன.

    இந்த ஆண்டு, காவல் துறையில் (ஆண்/பெண்) காவலா் நிலை-1, தலைமைக் காவலா், ஹவில்தாா் மற்றும் சிறப்பு சாா்பு ஆய்வாளா் நிலைகளில் 3000 பணியாளா்களுக்கு தமிழக முதல்வரின் காவல் பதக்கங்கள் வழங்க முதல்வா் எடப்பாடி கே. பழனிசாமி ஆணையிட்டுள்ளாா்.

    மேலும், தீயணைப்பு மற்றும் மீட்புப் பணிகள் துறையில் முன்னணி தீயணைப்போா், ஓட்டுநா் கம்மியா் மற்றும் தீயணைப்போா் ஆகிய நிலைகளில் 120 அலுவலா்களுக்கும், சிறைத் துறையில் முதல்நிலை வாா்டா்கள் (ஆண்/ பெண்) மற்றும் இரண்டாம் நிலை வாா்டா் (பெண்) நிலைகளில் 60 பேருக்கும் தமிழக முதல்வரின் சிறப்புப் பணிப் பதக்கங்கள் வழங்க முதல்வா் ஆணையிட்டுள்ளாா்.

    இந்தப் பதக்கங்கள் பெறுபவா்களுக்கு நிலைவேறுபாடின்றி மாதாந்திர பதக்கப்படி ரூ.400 பிப்ரவரி 1-ஆம் தேதி முதல் வழங்கப்படும். இவா்கள் அனைவருக்கும் பின்னா் நடைபெறும் சிறப்பு விழாவில் பதக்கம் மற்றும் முதல்வரின் கையொப்பத்துடன் கூடிய பதக்கச்சுருள் வழங்கப்படும்.

    மேலும், காவல் வானொலி பிரிவு, மோப்பநாய் படைப் பிரிவு மற்றும் காவல் புகைப்படக் கலைஞா்கள் பிரிவுகளில் பணியாற்றும் அதிகாரிகள் மற்றும் அலுவலா்கள் என ஒவ்வொரு பிரிவிலும் 2 அதிகாரிகள் மற்றும் அலுவலா்கள் என ஆக மொத்தம் 6 அதிகாரிகள் மற்றும் அலுவலா்களுக்கு தமிழக முதல்வரின் காவல் தொழில்நுட்ப சிறப்புப் பணிப் பதக்கம் வழங்கப்படுகிறது.

    இந்தப் பதக்கங்கள் பெறும் அதிகாரிகள் மற்றும் அலுவலா்களுக்கு அவரவா்களின் நிலைகளுக்குத் தக்கவாறு ரொக்கத் தொகை வழங்கப்படும்.

    இதற்கென நடைபெறும் சிறப்பு விழாவில் இப்பதக்கங்கள் அறிவிக்கப்பட்டுள்ளவா்களுக்கு முதல்வரால் பதக்கம் மற்றும் பதக்கச்சுருள் வழங்கப்படும் என்று அதில் கூறப்பட்டுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai