பொங்கல் திருநாளையொட்டி தமிழக ஆளுநா் பன்வாரிலால் புரோஹித், முதல்வா் எடப்பாடி கே.பழனிசாமி ஆகியோா் வாழ்த்து தெரிவித்துள்ளனா்.
ஆளுநா்: தமிழா் வாழ்வுக்கு மகிழ்ச்சியூட்டும் திருநாளான பொங்கல் மற்றும் மகரசங்கராந்தியை முன்னிட்டு தமிழக மக்கள் அனைவருக்கும் நல்வாழ்த்துகள். அறுவடையின் சிறப்பைக் கொண்டாடுவதோடு மட்டுமல்லாமல், அன்றாட வாழ்வுக்கு மிகவும் உறுதுணை புரியும் ஆற்றல், உயிா்ப்பு ஆகியவற்றை நமக்கு வழங்கிடும் சூரியக் கடவுளுக்கு நன்றி செலுத்தும் விழாவாகக் கொண்டாடப்படுகிறது.
வேளாண் மக்களின் உழைப்பையும் தியாகத்தையும் போற்றிடும் வகையில் எழுச்சியுடன் தமிழா்களால் கொண்டாடப்படுகிறது. இந்த தைத் திருநாளில், நாம் பெற்ற அளவற்ற அறுவடைக்காக இயற்கைக்கு நமது பிராா்த்தனைகளையும் நன்றியையும் செலுத்துவோம். அனைத்து குடும்பங்களுக்கும் மிகுதியான மகிழ்ச்சியையும், செழிப்பையும் அள்ளித்தர வாழ்த்துகிறேன்.
முதல்வா் எடப்பாடி கே.பழனிசாமி: தமிழக மக்கள் அனைவருக்கும் உளம்கனிந்த பொங்கல் வாழ்த்துகள். உலகின் உன்னதமான தொழிலான உழவுத் தொழிலை மேம்படுத்திடவும், விவசாய பெருமக்களின் வாழ்வு சிறக்கவும், நுண்ணீா்ப் பாசனத்துக்கு சிறு மற்றும் குறு விவசாயிகளுக்கு 100 சதவீத மானியமும், இதர விவசாயிகளுக்கு 75 சதவீத மானியமும் வழங்கும் திட்டம், நீடித்த நிலையான மானாவாரி வேளாண்மைத் திட்டம், சிறு குறு விவசாயிகளை ஊக்குவித்து கூட்டாக சாகுபடிப் பணியினை மேற்கொள்ள கூட்டுப்பண்ணைய திட்டம், அதிகரித்து வரும் பண்ணைப் பணியாளா்களின் பற்றாக்குறையினை கருத்தில் கொண்டு வேளாண் இயந்திரமயமாக்குதல் திட்டம் உள்பட பல்வேறு திட்டங்களை தமிழ்நாடு அரசு வேளாண் பெருமக்களின் நல்வாழ்வுக்காக சீரிய முறையில் செயல்படுத்தி வருகிறது.
பொங்கல் பண்டிகையை தமிழக மக்கள் சிறப்பான முறையில் கொண்டாடிட அரிசி குடும்ப அட்டைதாரா்களுக்கு சிறப்பு பொங்கல் பரிசு தொகுப்புடன் ரூ.1000 ரொக்கமும் வழங்கி சிறப்பித்துள்ளது தமிழக அரசு. இந்த இனிய நாளில், தமிழக மக்கள் அனைவரும் எல்லா வளமும், நலமும் பெற்று சீரோடும் சிறப்போடும் வாழ வேண்டும்.
ஆளுநருக்கு முதல்வா் வாழ்த்து: பொங்கல் விழாவையொட்டி ஆளுநா் பன்வாரிலால் புரோஹித்துக்கு பூங்கொத்துடன் பொங்கல் வாழ்த்து செய்தியையும் முதல்வா் எடப்பாடி பழனிசாமி அனுப்பி வைத்தாா். அதற்கு நன்றி தெரிவித்து முதல்வருக்கு ஆளுநரும் பூங்கொத்துடன், பொங்கல் வாழ்த்து செய்தியும் அனுப்பியுள்ளாா்.
துணை முதல்வா் ஓ.பன்னீா்செல்வம்: தமிழா் திருநாள் என்று போற்றப்படும் தனிச் சிறப்பு மிக்க பொங்கல் பெருவிழாவை உலகெங்கும் கொண்டாடும் தமிழா்கள் அனைவருக்கும் வாழ்த்துகள். பொங்கல் விழா நம்மைத் தலைநிமிரச் செய்யும் தமிழா் விழா. குடும்பம், குடும்பமாக, அன்புடன் வளா்க்கும் பசுவும், கன்றும் ஒருசேர தங்கள் அன்புக்குரல் எழுப்ப எல்லோரும் கொண்டாடி மகிழ்வோம்.
மு.க.ஸ்டாலின்: தமிழக மக்கள் அனைவருக்கும் திருவள்ளுவராண்டு தொடக்கமான தமிழ்ப்புத்தாண்டு, தைத் திருநாள், உழவா் திருநாள், திருவள்ளுவா் திருநாள் வாழ்த்துகள். ஜாதி மத பேதமற்று நாம் அனைவரும் ஓரினம் - தமிழினம் என்ற உன்னத உணா்வைப் பெறும் வகையில் ஒற்றுமை, சமத்துவம், சகோதரத்துவம் தழைக்க சமத்துவப் பொங்கலைச் சமைப்போம். மனித சமூகத்தைப் பிளவுபடுத்தும் சக்திகளை மறையச் செய்வோம். இயற்கையையும் பிற உயிரினங்களையும் காப்போம்.
கே.எஸ்.அழகிரி (காங்கிரஸ்): இன்று தமிழ் மக்கள் படும் துன்பத்தில் இருந்து விடுபட்டு அரசியல் மாற்றம் ஏற்படுவதே தமிழக மக்களின் வாழ்வாதாரத்துக்கு ஏற்ாகும். அந்த வகையில் தை பிறந்தால் வழி பிறக்கும்.
ராமதாஸ் (பாமக): தமிழா்களின் விருப்பம் போலவே அனைத்துத் தரப்பினரும் எல்லா நலமும் வளமும் பெற்று வாழ வேண்டும். அனைவரின் துயரங்களும் தீர வேண்டும். நாட்டில் நலம், வளம், அமைதி, மகிழ்ச்சி, சகோதரத்துவம் ஆகியவை செழிக்க வேண்டும்.
பொன்.ராதாகிருஷ்ணன்(பாஜக): ‘மனதோடு பேசுகிறேன்’ நிகழ்ச்சியில் பிரதமரின் உரையில் தமிழா்களின் பொங்கல் விழாவை குறிப்பிட்டு வாழ்த்துகள் தெரிவித்திருப்பது கூடுதல் பெருமை.
50 ஆண்டு காலமாக தமிழகத்தில் இருண்ட காலமாக இருந்த நிலை மாறி, 2021-இல் தமிழகத்தில் மாற்றங்கள் உருவாகவும், நோ்மையான நிா்வாகம் அமைவதுடன் தமிழ்ச் சொந்தங்கள், தமிழ்ச் சமுதாயம் மாபெரும் வளா்ச்சி, எழுச்சியையும் பெற்று கோலோச்சுகின்ற நிலை உருவாக வேண்டும் என பிராா்த்தனை செய்வோம். அதற்காக உழைப்போம்.
சு.திருநாவுக்கரசா் (காங்கிரஸ்): எல்லைக் கோடுகள் அனைத்தையும் கடந்த, எல்லையில்லா மகிழ்வு அளிக்கும் பொங்கல் திருநாளில் மக்கள் அனைவரும் வளமும், நலமும் பெற்று வாழ எனது மனம் நிறைந்த வாழ்த்துகள்.
அன்புமணி (பாமக): பொங்கல் திருநாளில் பொங்கல் பானையில் புத்தரிசியும், பாலும் கலந்து பொங்குவதைப் போன்று, நமது வாழ்க்கையில் வளங்களும், நலங்களும், மகிழ்ச்சியும், வளா்ச்சியும் பொங்க தைத்திருநாள் வகை செய்யும். தை பிறக்கும் நாளில் நமது வாழ்விலும் புதிய வழிகள் பிறக்கும்.
ஜி.கே.வாசன் (தமாகா): பொங்கல் பண்டிகையைக் கொண்டாடும் இத்தருணத்தில் தமிழா்கள் வாழ்வில் புதியன புகுந்து அவை நல்லவையாக அமைந்து அவா்களின் வாழ்வு மேம்பட இயற்கையும், இறைவனும் துணை நிற்க வேண்டுகிறேன்.
கி.வீரமணி (திராவிடா் கழகம்): தமிழ்ப் புத்தாண்டான தை பிறந்தது. பொங்கலோ பொங்கல் என்று மக்கள் முழங்கி, மகிழ்ச்சியில் திளைப்பதுடன், துன்பங்கள் களைந்து, பிரச்னைகளை எதிா்கொண்டு வெற்றி வாகை சூடும் வாழ்வாக புதிய சமூகம் காணும் புத்தாண்டு அமையட்டும்.
டிடிவி தினகரன் (அமமுக): தை முதல் நாளில் ‘பொங்கலோ பொங்கல்’ என்று சொல்லி பூரிப்படையும் மகிழ்ச்சி எப்போதும் நிறைந்திருக்கட்டும். தமிழகத்துக்கு நல்லதொரு விடிவு காலம் பிறந்து, இழந்த பெருமைகளை எல்லாம் மீட்டெடுக்க இந்த நன்னாள் வழிகாட்டட்டும்.
கே.எம்.காதா் மொகிதீன் (முஸ்லிம் லீக்): தை பிறக்கிறது; தரணி முழுவதிலும் தமிழின் சிறப்பும் தொன்மையும் பரவிடும் என்று நம்புகிறோம்.
தி.வேல்முருகன் (வாழ்வுரிமைக் கட்சி): பொங்கல் ஒரு மதச் சாா்பின்மைத் திருநாளாகும். இந்த நாளில் உலகெங்கும் வாழும் தமிழ்மக்களுக்கு நெஞ்சம் நிறைந்த வாழ்த்துகள்.
ஈஸ்வரன் (கொமதேக): வாழ்வில் தொடா்ந்து பிரச்னைகளையே சந்தித்து கொண்டிருக்கும் விவசாயிகளுக்கு நல்லதொரு வாழ்வு இந்தப் பொங்கல் திருநாளில் மலர வேண்டும்.
எம்ஜிகே.நிஜாமுதீன் (தேசிய லீக்): பண்பாடு , கலாசாரம் காத்திடவும், நாடு நலம்பெறவும் நாட்டு மக்கள் வளம் பெறவும் நல்லிணக்கம் பேணவும், ஏழ்மை போக்கிடவும், எல்லா மக்களுக்கும் குடியுரிமை நிலைத்திடவும் வாழ்த்துகள்.