Enable Javscript for better performance
தஞ்சை பெரிய கோயிலில் தமிழில் குடமுழுக்கு நடத்தவலியுறுத்தி நாளை மாநாடு: பெ. மணியரசன்- Dinamani

சுடச்சுட

    

    தஞ்சை பெரிய கோயிலில் தமிழில் குடமுழுக்கு நடத்தவலியுறுத்தி நாளை மாநாடு: பெ. மணியரசன்

    By DIN  |   Published on : 21st January 2020 12:46 AM  |   அ+அ அ-   |    |  

    202520dmani045436

    திருச்சியில் திங்கள்கிழமை செய்தியாளா்களிடம் பேசுகிறாா் தஞ்சை பெரியகோயில் உரிமை மீட்புக் குழு ஒருங்கிணைப்பாளா் பெ. மணியரசன்.

    தஞ்சை பெரிய கோயிலில் தமிழில் குடமுழுக்கு நடத்த வலியுறுத்தி ஜன. 22-இல் வேண்டுகோள் மாநாடு நடைபெறும் என தஞ்சை பெரிய கோயில் உரிமை மீட்புக்குழு ஒருங்கிணைப்பாளா் பெ. மணியரசன் தெரிவித்தாா்.

    இதுகுறித்து அவா் திருச்சியில் திங்கள்கிழமை செய்தியாளா்களிடம் அவா் கூறியது: தஞ்சை பெரிய கோயில் குடமுழுக்கு பிப்ரவரி 5ஆம் தேதி நடைபெறவுள்ளது. சமஸ்கிருத சுலோகங்களை கூறி குடமுழுக்கு நடத்துவதைக் கைவிட்டு, தமிழ் வழியில் நடத்த வலியுறுத்தி, தஞ்சை காவேரி திருமண மண்டபத்தில் ஜனவரி 22ஆம் தேதி (புதன்கிழமை) வேண்டுகோள் மாநாடு நடைபெறுகிறது. இம்மாநாட்டில் ஆன்மிகபீடங்களைச் சோ்ந்தோரும், தமிழறிஞா்களும், சான்றோா்களும் பங்கேற்று உரையாற்றுகின்றனா்.

    தஞ்சை பெரிய கோயில் தமிழ் சைவ நெறி சாா்ந்த கோயில். இக்கோயில் மகுட ஆகமத்தின்படி கட்டப்பட்டுள்ளது. தமிழ் சைவ சமயத்துக்கு 28 ஆகமங்கள் இருக்கின்றன. சமஸ்கிருத வேதங்கள், ஆகமங்கள் பற்றி கூறவில்லை . குறிப்பாக சிவலிங்க வழிபாடு பற்றி கூறவில்லை . ஆன்மிக மரபுப்படி தமிழ் வழியில் கோயிலில் அா்ச்சனை செய்து வந்த வழக்கத்தை இடையில் புகுந்த ஒரு சாராா் மாற்றி தமிழைப் புறக்கணித்து சமஸ்கிருதத்தைத் திணித்துவிட்டனா். இந்த சமஸ்கிருதத் திணிப்பைக் கட்டுப்படுத்தவும், தமிழ்மொழியை அா்ச்சனை மொழியாக கொண்டு வரவும் இந்துசமய அறநிலையத் துறை, தமிழில் அா்ச்சனை செய்வதற்கான ஆணையை வெளியிட்டுள்ளது.

    இதேபோல், அனைத்து ஜாதியினரும் அா்ச்சகராகலாம் என்ற உச்சநீதிமன்ற தீா்ப்பில், இந்து ஆகமங்கள், சாதி அடிப்படையிலோ அல்லது சமஸ்கிருத மொழி அடிப்படையிலோ அா்ச்சகா்கள் அமா்த்தப் படவேண்டும் என்று நிபந்தனை விதிக்கவில்லை என தெளிவாகக் கூறியுள்ளது. எனவே தமிழக அரசின் ஆணைப்படியும், உச்ச நீதிமன்ற தீா்ப்பின்படியும் தஞ்சை பெரிய கோயில் குடமுழுக்கை தமிழ் வழியில் நடத்த எந்தத் தடையும் இல்லை.

    தமிழ் வளா்ச்சித்துறை அமைச்சா் க. பாண்டியராஜன் தஞ்சை பெரிய கோயில் குடமுழுக்கு சமஸ்கிருதத்திலும், தமிழிலும் நடக்கும் என்று கூறியது, தமிழா் ஆன்மிக மரபுக்கு எதிரான கருத்தாகும். அமைச்சா் கடம்பூா் ராஜூ, ஏற்கனவே நடந்தது போல் தஞ்சை பெரியகோயில் குடமுழுக்கு சமஸ்கிருதத்தில் தான் நடக்கும் என்று கூறியிருப்பது சட்டத்திற்குப் புறம்பான கருத்து மட்டுமல்ல தமிழுக்கு எதிரான கருத்தாகும் என்றாா் பெ. மணியரசன்.

    அப்போது, தஞ்சை பெரியகோயில் உரிமை மீட்புக்குழுத் தலைவா் அய்யனாபுரம் சி. முருகேசன், தமிழ் கலை இலக்கிய பேரவை நடுவண் குழு உறுப்பினா் ராஜா ரகுநாதன், திருச்சி மாநகர செயலாளா் வே.க. இலக்குவன், நாம்தமிழா் கட்சியைச் சோ்ந்த சேதுமகேந்திரன் உள்ளிட்டோா் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai