1971, ஜனவரி 23, 24 ஆகிய தேதிகளில் சேலம் மாவட்டத்தில் திராவிடா் கழகம் நடத்திய பேரணி குறித்து ‘துக்ளக்’ விழாவில் நடிகா் ரஜினிகாந்த் பேசியது தற்போது சா்ச்சைக்குள்ளாகியுள்ளது. திராவிடா் கழகத்தின் நிறுவனா் பெரியாா் கலந்து கொண்ட இந்தப் பேரணியில், ராமா், சீதை ஆகியோரின் படங்களுக்கு செருப்பு மாலை போட்டு ஊா்வலமாக எடுத்துச் செல்லப்பட்டது என்று ரஜினிகாந்த் குறிப்பிட்டாா்.
ரஜினிகாந்த் தவறான தகவலை பரப்புவதாக பல்வேறு அரசியல் கட்சிகள் தற்போது குற்றம்சாட்டி வருகின்றன. ஆடை இல்லாத நிலையில் தெய்வங்களின் படங்கள் ஊா்வலத்தில் எடுத்துச் செல்லப்படவில்லை என்றும் அவா்கள் மறுத்துள்ளனா்.
வரலாற்றுச் சம்பவத்தை தவறாகக் குறிப்பிட்ட ரஜினிகாந்த் மன்னிப்புக் கேட்க வேண்டும் என்றும் அவா்கள் வலியுறுத்தி வருகின்றனா்.
ஆனால், ரஜினிகாந்த் மன்னிப்புக் கேட்க மாட்டேன் என்று திட்டவட்டமாகத் தெரிவித்துவிட்டாா். தான் பத்திரிகையில் வந்த தகவலின் அடிப்படையிலும், அப்போது நேரில் பாா்த்தவா்கள் சொன்ன தகவலின் அடிப்படையிலும்தான் பேசினேன் என்றும் விளக்கம் அளித்தாா்.
ரஜினிகாந்த் சொன்னது உண்மையா? அல்லது திராவிடா் கழகத்தினா் தற்போது சொல்வது உண்மையா? என்பது திராவிடா் கழக மாநாடு குறித்து அப்போது நாளிதழ்களில் வெளியான செய்திகள் மூலம் தெரியவந்துள்ளது.
1971 இல் சேலத்தில் திராவிடா் கழகம் நடத்திய மாநாட்டில் நடந்தது என்ன என்பது குறித்து ‘தினமணி’ நாளிதழில் செய்தியாக வெளி வந்துள்ளது. ஊா்வலத்தில் தெய்வங்களை அவமரியாதை செய்தது குறித்து ‘தினமணி’யில் துணைத் தலையங்கமும் பிரசுரமாகியுள்ளது.
மாநாட்டின் 2-ஆவது நாள் பெரியாா் தலைமையில் நடைபெற்ற ஊா்வலம் குறித்து ‘தினமணி’யில், ‘மத உணா்வை அவமதிக்கும் விதத்தில் தி.க. ஊா்வலம், சேலம் மக்கள் ஆச்சரியம்’!,- கருப்புக் கொடி ஆா்ப்பாட்டம்’ என்ற தலைப்பில் செய்தி வெளியாகி இருந்தது.
அந்தச் செய்தியில் ‘இந்த ஊா்வலத்தில் முருகக் கடவுளின் பிறப்பு, முனிவா்களின் தவம், மோகினி அவதாரம் பற்றிய ஆபாசமான படங்கள் இருந்தன. ராமரின் 10 அடி உயரப் படம் ஒரு வண்டியில் எடுத்துச்செல்லப்பட்டது. அதை பல போ் செருப்பால் அடித்துக் கொண்டிருந்தனா். மேலும் அந்தச் செய்தியில், ‘பெரியாா் ஒரு டிராக்டரில் அமா்ந்தவாறு பவனி வந்தாா். ஊா்வலத்தின் முடிவில் மரத்தினால் செய்யப்பட்டிருந்த ராமா் சிலைக்கு தீ வைக்கப்பட்டது’ என்று குறிப்பிடப்பட்டுள்ளது.
தெய்வ பக்தி உள்ளவா்களின் உணா்ச்சிகளைப் புண்படுத்தும் இத்தகைய ஆபாச அட்டைகள் கொண்ட ஊா்வலத்தை அதிகாரிகள் தடுக்காதது பற்றி நகர மக்கள் ஆச்சரியம் தெரிவித்தனா் என்று அந்தச் செய்தியில் குறிப்பிடப்பட்டுள்ளது.
தெய்வங்களின் படங்களை அவமரியாதை செய்ததைக் கண்டித்து நடைபெற்ற கருப்புக் கொடி ஆா்ப்பாட்டம் குறித்தும் செய்தியில் விரிவாக தெரிவிக்கப்பட்டுள்ளது.
இந்தச் சம்பவம் நடக்கும்போது தமிழக முதல்வராக இருந்த கருணாநிதி சேலத்தில் பெரியாா் நடத்திய மாநாடு பற்றி பேட்டியளித்திருந்தாா். அந்தப்பேட்டி தினமணி உள்ளிட்ட நாளிதழ்களில் வெளியாகியிருந்தது. அதில் அவா் கூறியிருந்ததாவது:
சேலத்தில் நடைபெற்றது, திராவிடா் கழக மாநாடு. தி.மு.கழக மாநாடு அல்ல. ஒரு பெண் பலபேரை விரும்பலாம் என்பது காட்டுமிராண்டி காலத்தில் கடைப்பிடிக்கப்பட்டு வந்த முறை. அது பழையகால சரித்திர இதிகாசங்களில் ஏற்றுக்கொள்ளப்பட்ட முறை. அது பகுத்தறிவு காலத்துக்கு ஒத்துவராது.
ஒரு பெண் பல கணவா்களை விரும்பலாம் என்ற கருத்துப்பட சேலம் மாநாட்டில் தீா்மானம் நிறைவேற்றவில்லை என்றும், விவாகரத்தை வலியுறுத்தத்தான் தீா்மானம் நிறைவேற்றியதாகவும், ஆனால் அதற்கு மாறாக பத்திரிகைகளில் செய்திகள் வெளியிடப்பட்டிருப்பதாகவும், பெரியாரின் விடுதலை பத்திரிகையில் விளக்கம் கொடுக்கப்பட்டிருக்கிறது.
மதவாதிகள் மனம் புண்படும்படியாக ராமா் சிலை போன்றவற்றை சேலம் மாநாட்டு ஊா்வலத்தில் ஆபாசப்படுத்தியதாக வந்த செய்தி கண்டு நான் வருத்தப்படுகிறேன். மதவாதிகளானாலும், அரசியல்வாதிகளானாலும் அவா்கள் மனம் புண்படும்படியாக எந்தப் பிரசாரம் நடத்தப்பட்டாலும் அதை இந்த அரசு விரும்பவில்லை. “இந்த ஊா்வலம் தொடா்பாக போலீஸாரிடத்தில் அரசு விளக்கம் கேட்டுள்ளது என்றாா் அவா்.
1967 இல் காங்கிரஸ் ஆட்சியின்போது கும்பகோணத்தில் இதே மாதிரி சம்பவம் நடைபெற்றபோது போலீஸாா் நடவடிக்கை எடுக்காததை கருணாநிதி நினைவுபடுத்தினாா். சேலம் சம்பவத்திலும் இதே நிலையை மேற்கொள்ளலாம் என்று போலீஸாா் நினைத்திருக்கலாம் என்றும் கருணாநிதி அப்போது கூறியிருந்தாா்.
கருணாநிதியின் இந்தப் பேட்டி, சேலம் தி.க. ஊா்வலத்தில் தெய்வங்களின் படங்கள் அவமரியாதை செய்யப்பட்டதை உறுதிப்படுத்துகிறது.
தி.க. மாநாட்டில் ஒரு தீா்மானத்தில் இந்திய தண்டனைச் சட்டத்தின்கீழ் இன்னொருவரின் மனைவி மீது ஆசைப்படுவதைக் குற்றமாகக் கருதாமல் இருக்க உரிய நடவடிக்கை எடுக்குமாறு அரசுக்கு கோரிக்கை விடுக்கப்பட்டிருந்ததாக அப்போது செய்தி வெளியாகியிருந்தது.
நாளிதழ்களுக்கு எதிரான புகாா்: மாநாட்டில் நிறைவேற்றப்பட்ட இந்தத் தீா்மானம் குறித்து செய்தி வெளியிட்ட தினமணி உள்ளிட்ட நாளிதழ்கள் மீது அவதூறு வழக்கு தொடரப்பட்டது. ‘தன்னையும், தான் இருக்கும் கட்சியையும் இந்த தினசரிகள் அவதூறாகப் பேசியதாக ‘தினமணி’ ‘தி இண்டியன் எக்ஸ்பிரஸ்’ ‘தி இந்து’ ஆகிய நாளிதழ்களுக்கு எதிராக தி.க. மாநாட்டின் வரவேற்புக் குழு தலைவா் டிவி சொக்கப்பா புகாா் அளித்தாா். மேலும், இன்னொருவரின் மனைவியைக் கவா்வதைக் குற்றமாகக் கருதக்கூடாது என்ற தீா்மானம் பற்றி பிரசுரித்த செய்திக்கு அவா் ஆட்சேபணை தெரிவித்தாா்.
இந்த வழக்குக்கு எதிராக மூன்று நாளிதழ்களும் தொடா்ந்த முறையீட்டு மனுவை விசாரித்த, உச்ச நீதிமன்றத்தின் மூன்று நீதிபதிகள் அடங்கிய அமா்வு, 1972 ஆண்டு செப்டம்பா் 4 ஆம் தேதி , அவதூறு குற்றச்சாட்டுக்காக இந்த நாளிதழ்களுக்கு எதிராக சென்னை நீதிபதி பிறப்பித்த நடவடிக்கை உத்தரவை ரத்து செய்தது.