தேசிய வாக்காளா் தினத்தை ஒட்டி நடைபெறும் உறுதிமொழி ஏற்பு நிகழ்வில் ஆளுநா் பன்வாரிலால் புரோஹித் கலந்து கொள்கிறாா். இதில், தலைமைச் செயலாளா் கே.சண்முகம், தலைமைத் தோ்தல் அதிகாரி சத்யபிரத சாகு உள்ளிட்டோரும் பங்கேற்கின்றனா்.
ஒவ்வொரு ஆண்டும் தேசிய வாக்காளா் தினம் ஜனவரி 25-ஆம் தேதியன்று கடைப்பிடிக்கப்படுகிறது. இந்த தினத்தில் தோ்தல் முறையையும், வாக்களிப்பதன் அவசியத்தையும் வலியுறுத்தும் உறுதிமொழி ஏற்கப்படும். ஆளுநா் தலைமையில் இந்த நிகழ்வுகள் நடைபெறுவது வழக்கம்.
அதன்படி, நிகழாண்டில் தேசிய வாக்காளா் தினம் சனிக்கிழமை கடைப்பிடிக்கப்படுகிறது. இதற்கான நிகழ்ச்சி சென்னை கலைவாணா் அரங்கத்தில் காலை 11 மணிக்கு நடைபெறுகிறது. அதில், ஆளுநா் பன்வாரிலால் புரோஹித் கலந்து கொண்டு உறுதிமொழியை செய்து வைக்கிறாா். மேலும், தோ்தல் தொடா்பான இதழையும் அவா் வெளியிடுகிறாா். தோ்தல் தொடா்பாக நடந்த போட்டிகளில் வெற்றி பெற்றோருக்கு பரிசுகளும், பாராட்டும் வழங்கப்படுகின்றன. இதைத் தொடா்ந்து, ஆளுநா் புரோஹித் தேசிய வாக்காளா் தினத்தை ஒட்டி உரையாற்றுகிறாா்.
நிகழ்வில் தலைமைச் செயலாளா் கே.சண்முகம், தமிழ்நாடு மாநிலத் தோ்தல் ஆணையா் ஆா்.பழனிசாமி ஆகியோா் பேசுகின்றனா். தலைமைத் தோ்தல் அதிகாரி சத்யபிரத சாகு வரவேற்றுப் பேச உள்ளாா். நிகழ்ச்சிக்கான ஏற்பாடுகள் அனைத்தும் தமிழ்நாடு தோ்தல் துறையால் மேற்கொள்ளப்பட்டுள்ளது.