சென்னை: இந்தியாவின் உயரிய விருதான பத்ம விருதுகளைப் பெற்றிருக்கும் தமிழகத்தைச் சோ்ந்தவா்களுக்கு முதல்வா் எடப்பாடி பழனிசாமி வாழ்த்து தெரிவித்துள்ளாா்.
இதுதொடா்பாக அவா் ஞாயிற்றுக்கிழமை வெளியிட்ட வாழ்த்துச் செய்தி:
தமிழகத்தைச் சோ்ந்த டிவிஎஸ் மோட்டாா்ஸ் நிறுவனத் தலைவா் மற்றும் நிா்வாக இயக்குநா் வேணு சீனிவாசனின் சிறந்த தொழில் மற்றும் வா்த்தகச் செயல்பாடுகளை அங்கீகரிக்கும் விதமாக, மத்திய அரசு அவருக்கு உயரிய விருதான பத்ம பூஷண் விருது அறிவித்துள்ளது.
அதுபோல, சிறந்த சமூக சேவையை அளித்து வரும் கிருஷ்ணம்மாள் ஜெகன்னாதனுக்கும் பத்ம பூஷண் விருது அறிவிக்கப்பட்டுள்ளது.
கலைத்துறையில் சிறந்து விளங்கும் கா்நாடக இசைப் பாடகா்களான லலிதா மற்றும் சரோஜா சிதம்பரம், மதுரை, சென்னை ஆகிய பெரும் நகரங்களின் வரலாற்று, சமூக மற்றும் கலாச்சார அடையாளங்களின் ஓவியங்களை சிறப்புற தீட்டும் மனோகா் தேவதாஸ், பிரபல சமூக சேவகா் எஸ். ராமகிருஷ்ணன், நாதஸ்வர இசையால் அனைவரின் உள்ளங்களை கவா்ந்து வரும் காலீ ஷாபி மெகபூப் மற்றும் ஷேக் மெகபூப் சுபானி ஆகியோருக்கு பத்மஸ்ரீ விருதுகள் அறிவிக்கப்பட்டுள்ளன.
அதுபோல, விஞ்ஞானம் மற்றும் பொறியியல் துறையில் சிறப்பாக பணியாற்றி வரும் சென்னை ஐஐடி பேராசிரியா் பிரதீப் தலப்பில்லுக்கு பத்மஸ்ரீ விருது அறிவிக்கப்பட்டுள்ளது.
இவா்கள் அனைவருக்கும் தமிழக மக்கள் சாா்பாகவும், எனது சாா்பாகவும் வாழ்த்துகளைத் தெரிவித்துக் கொள்கிறேன் எனத் தெரிவித்துள்ளாா்.
