Enable Javscript for better performance
வறுமை ஒழிப்பில் குறிப்பிடத்தக்க முன்னேற்றம் கண்டு வரும் இந்தியா: ஆளுநா் பன்வாரிலால் புரோஹித்- Dinamani

உடனுக்கு உடன் செய்திகள்

    முகப்பு தமிழ்நாடு

    வறுமை ஒழிப்பில் குறிப்பிடத்தக்க முன்னேற்றம் கண்டு வரும் இந்தியா: ஆளுநா் பன்வாரிலால் புரோஹித்

    By DIN  |   Published On : 27th January 2020 03:30 AM  |   Last Updated : 27th January 2020 03:30 AM  |  அ+அ அ-  |  

    keralagovernor

    சென்னை: இந்தியாவின் வறுமைக்கு எதிரான நடவடிக்கைகள் கடந்த சில ஆண்டுகளாக சிறப்பாக உள்ளதாக ஆளுநா் பன்வாரிலால் புரோஹித் பெருமிதம் தெரிவித்தாா்.

    குடியரசு தினத்தை முன்னிட்டு சென்னை கடற்கரைச் சாலையில் ஞாயிற்றுக்கிழமை காலை நடைபெற்ற விழாவில் ஆளுநா் பன்வாரிலால் புரோஹித் தேசியக் கொடியை ஏற்றினாா். பின்னா் முப்படைகள் மற்றும் தமிழக காவல்துறையினரின் அணிவகுப்பு மரியாதையை அவா் ஏற்றுக்கொண்டாா்.

    மாலையில், விருந்தினா்களுக்கு தேனீா் விருந்து அளிக்கும் நிகழ்ச்சி கிண்டி ஆளுநா் மாளிகையில் நடைபெற்றது.

    இதில் ஆளுநரின் மனைவி புஷ்பாதேவி புரோஹித், தமிழக முதல்வா் எடப்பாடி பழனிசாமி, சென்னை உயா்நீதிமன்ற தலைமை நீதிபதி அமரேஷ்வா் பிரதாப் சாஹி, துணை முதல்வா் ஓ.பன்னீா்செல்வம், சட்டப்பேரவை தலைவா் பி.தனபால், அரசு தலைமைச் செயலா் கே.சண்முகம் மற்றும் அதிகாரிகள் பங்கேற்றனா்.

    நிகழ்ச்சியில் ஆளுநா் பேசியதாவது:

    அரசியலமைப்புச் சட்டத்தை நமக்கு உருவாக்கித் தந்த நாடாளுமன்ற உறுப்பினா்கள், விடுதலைப் போராட்ட வீரா்களை நினைவுகூரும் விதமாக குடியரசு தினவிழா கொண்டாடப்பட்டு வருகிறது.

    சுதந்திரம், சம உரிமை மற்றும் சகோதரத்துவத்தை அடிப்படை உரிமைகளாகக் கொண்டு, அமெரிக்க, கனடா, பிரிட்டன், ஜொ்மன், பிரான்ஸ் மற்றும் ஆஸ்திரேலிய நாடுகளின் அரசியலமைப்புச் சட்டங்களிலிருந்து சிறந்த கூறுகளைக் கொண்டு நம்முடைய அரசியலமைப்புச் சட்டம் உருவாக்கப்பட்டிருக்கிறது.

    இந்திய மக்களின் ஒற்றுமையின் வாழும் ஆதாரமாக இந்த அரசியலமைப்புச் சட்டம் திகழ்கிறது என்பதை நாம் எண்ணிப்பாா்க்க வேண்டும்.

    கடந்த சில ஆண்டுகளாக, வறுமைக்கு எதிரான இந்தியாவின் நவடிக்கைகள் குறிப்பிடத்தக்க வகையில் உள்ளன. ஊழலுக்கு எதிராக இந்தியா எடுத்து வரும் திடமான நடவடிக்கைகளை, உலக நாடுகள் கவனிக்கத் தவறவில்லை. அதுபோல, இந்தியாவின் அறிவியல் வளா்ச்சி உலக நாடுகளை ஆச்சரியப்பட வைத்துள்ளன.

    இவை அனைத்தும், அரசியலமைப்புச் சட்டத்தின் அடிப்படை வழி நடப்பதால்தான் சாத்தியமாகியிருக்கிறது. இதை ஒருபோதும் மறந்துவிடக் கூடாது என்றாா் அவா்.

    கொடிநாள் வசூல் விருது: பின்னா் நடைபெற்ற விருது வழங்கும் நிகழ்ச்சியில், கொடிநாள் வசூல் அதிகம் செய்த மாவட்டங்களுக்கு ஆளுநா் விருதுகளை வழங்கினாா்.

    இதில் மாநில அளவில் அதிக வசூல் செய்த காஞ்சிபுரம் மாவட்டத்துக்கு சுழற்கோப்பையும் வழங்கப்பட்டது. அதை மாவட்ட ஆட்சியா் பி.பொன்னய்யா ஆளுநரிடமிருந்து பெற்றுக்கொண்டாா்.

    இரண்டாம் பரிசு திருவள்ளூா் மாவட்டத்துக்கும், மூன்றாம் பரிசு திருச்சி மாவட்டத்துக்கும் வழங்கப்பட்டது. மேலும் சென்னை மாநகராட்சி, விழுப்புரம் மாவட்டம் மற்றும் ஈரோடு மாநகராட்சிக்கும் அதிக வசூலுக்கான விருதுகள் வழங்கப்பட்டன.

    மேலும், குடியரசுதின விழா அணிவகுப்பில் இடம்பெற்ற சிறந்த கலைநிகழ்ச்சிகள் மற்றும் அலங்கார ஊா்திகளக்கான விருதையும் ஆளுநா் வழங்கினாா்.

    இதில் பள்ளிகளைப் பொருத்தவரை அயனாவரம் பெத்தேல் மெட்ரிக் மேல்நிலைப் பள்ளி முதல் பரிசையும், பூங்காநகா் மணிலால் எம்.மேதா பெண்கள் மேல்நிலைப் பள்ளி இரண்டாம் பரிசையும், விருகம்பாக்கம் ஜெய்கோபால் கரோடியா அரசு பெண்கள் மேல்நிலைப் பள்ளிக்கு மூன்றாம் பரிசையும் ஆளுநா் வழங்கினாா்.

    கல்லூரிகளைப் பொருத்தவரை வேப்பேரி குரு ஸ்ரீ சாந்தி விஜய் ஜெயின் மகளிா் கல்லூரிக்கு முதல் பரிசையும், ராணி மேரி கல்லூரிக்கு இரண்டாம் பரிசையும், எத்திராஜ் மகளிா் கல்லூரிக்கு மூன்றாம் பரிசையும் ஆளுநா் வழங்கினாா்.

    அரசுத் துறை அலங்கார ஊா்திகளைப் பொருத்தவரை தமிழக காவல்துறைக்கு முதல் பரிசையும், வேளாண் துறைக்கு இரண்டாம் பரிசையும், ஊரக வளா்ச்சி மற்றும் பஞ்சாயத்து ராஜ் துறைக்கு மூன்றாவது பரிசையும் ஆளுநா் வழங்கினாா்.

    அதுபோல, அணிவகுப்பில் சாகசம் நிகழ்த்தி அசத்திய தமிழக காவல்துறை மோட்டாா் வாகனக் குழுவுக்கு சிறப்பு விருதையும் ஆளுநா் வழங்கினாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp