சென்னை: கள்ளக்குறிச்சி மாவட்டத்தில் புதிதாகக் கட்டப்பட உள்ள கள்ளக்குறிச்சி அரசு மருத்துவக் கல்லூரிக்கு தமிழக முதல்வர் எடப்பாடி கே. பழனிசாமி இன்று அடிக்கல் நாட்டினார்.
கள்ளக்குறிச்சி மாவட்டம், கள்ளக்குறிச்சி வட்டம், சிறுவாங்கூர் கிராமத்தில் புதிதாகக் கட்டப்பட உள்ள கள்ளக்குறிச்சி அரசு மருத்துவக் கல்லூரிக்கு, தலைமைச் செயலகத்தில் இருந்து, காணொலிக் காட்சி மூலமாக, முதல்வர் பழனிசாமி அடிக்கல் நாட்டினார்.
மேலும், பொது சுகாதாரம் மற்றும் நோய் தடுப்பு மருந்து இயக்குநரகத்தின் கீழ் புதிதாகக் கட்டப்பட்டுள்ள ஆரம்ப சுகாதார நிலையக் கட்டடங்களையும் முதல்வர் பழனிசாமி காணொலி காட்சி மூலம் திறந்து வைத்தார்.