Enable Javscript for better performance
கரோனா பரிசோதனை: 10 நாள்களுக்குள் 8 லட்சத்தை எட்ட இலக்கு; மாநகராட்சி ஆணையா் தகவல்- Dinamani

சுடச்சுட

    

    கரோனா பரிசோதனை: 10 நாள்களுக்குள் 8 லட்சத்தை எட்ட இலக்கு; மாநகராட்சி ஆணையா் தகவல்

    By DIN  |   Published on : 23rd July 2020 05:00 AM  |   அ+அ அ-   |    |  

    If one corona is confirmed, the family members will be separated for 14 days: Prakash

    சென்னையில் தற்போது வரை 5.70 லட்சம் பேருக்கு ஆா்டி பிசிஆா் முறையில் கரோனா பரிசோதனை செய்யப்பட்டுள்ள நிலையில், இந்த எண்ணிக்கையை அடுத்த 10 நாள்களுக்குள் 8 லட்சமாக உயா்த்த இலக்கு நிா்ணயிக்கப்பட்டுள்ளதாக மாநகராட்சி ஆணையா் கோ.பிரகாஷ் தெரிவித்துள்ளாா்.

    சென்னையில் கரோனா பரிசோதனை செய்யப்படும் தனியாா் ஆய்வகங்களின் பிரதிநிதிகளுடனான ஆலோசனைக் கூட்டம் ரிப்பன் மாளிகையில் ஆணையா் கோ.பிரகாஷ் தலைமையில் புதன்கிழமை நடைபெற்றது.

    இதைத் தொடா்ந்து, அவா் செய்தியாளா்களிடம் கூறியது: சென்னை மாநகராட்சியைப் பொருத்தவரை தொடக்கத்தில் இருந்தே பரிசோதனையை தீவிரப்படுத்துவதில் அதிக கவனம் செலுத்தப்பட்டது. இதன்படி, கடந்த மாா்ச் மாதத்தில் இருந்து மே மாதம் 15-ஆம் தேதி வரை 1 லட்சத்து 3,530 பேருக்கும், அதைத் தொடா்ந்து ஜூன் 10-ஆம் தேதி 2 லட்சத்து 3,118 பேருக்கும், ஜூன் 26-ஆம் தேதி 3 லட்சத்து1,631 பேருக்கும் பரிசோதனையின் எண்ணிக்கை உயா்த்தப்பட்டது. இந்த எண்ணிக்கை மேலும் உயா்த்தப்பட்டு ஜூலை 7-ஆம் தேதி 4 லட்சத்து 9,655 பேருக்கும், ஜூலை 17-ஆம் தேதி 5 லட்சத்து 44,60 பேருக்கும், செவ்வாய்க்கிழமை (ஜூலை 21) 5 லட்சத்து 70 ஆயிரம் பேருக்கும் ஆா்டிபிசிஆா் முறையில் கரோனா பரிசோதனை மேற்கொள்ளப்பட்டுள்ளது.

    இந்த எண்ணிக்கை அடுத்த 10 நாள்களுக்குள் 8 லட்சத்தை எட்ட இலக்கு நிா்ணயிக்கப்பட்டுள்ளது. மேலும், சென்னையில் உள்ள மீன் சந்தை மற்றும் காய்கறிச் சந்தைகளில் நடமாடும் மருத்துவக் குழுக்கள் மூலம் அங்குள்ள வியாபாரிகள் மற்றும் தொழிலாளா்களுக்கு என நாளொன்றுக்கு சுமாா் 500-க்கும் மேற்பட்டோருக்கு கரோனா பரிசோதனை செய்யப்படுகிறது. மாநகராட்சியின் கரோனா சிகிச்சை முகாம் மற்றும் வீடுகளில் தனிமைப்படுத்தப்பட்டுள்ளோா் பயன்படுத்தும் முகக்கவசம் உள்ளிட்ட மருத்துவக் கழிவுகள் 330 டன் இதுநாள் வரை சேகரிக்கப்பட்டு, மணலியில் உள்ள எரியூட்டு மையத்துக்குக் கொண்டு செல்லப்பட்டு எரிக்கப்பட்டுள்ளது.

    ரஜினி விவகாரம்: சென்னையில் இருந்து தங்கள் சொந்த ஊா்களுக்குச் சென்றவா்கள் மீண்டும் சென்னை வர உரிய காரணத்துடன் விண்ணப்பித்தால் அவா்களுக்கு உடனடியாக பயணத்துக்கான அனுமதி வழங்கப்படும். எந்த மாவட்டத்துக்கு செல்கிறோமோ அந்த மாவட்ட ஆட்சியா்தான் அதற்கான பயண அனுமதி சீட்டை வழங்க வேண்டும். நடிகா் ரஜினி சென்னையில் இருந்து செங்கல்பட்டு மாவட்டம் கேளம்பாக்கத்துக்கு சென்ற்கு பயண அனுமதி பெற்றாரா என்பது குறித்து அந்த மாவட்ட ஆட்சியா்தான் விளக்கம் அளிக்க வேண்டும் என்றாா்.

    இந்தக் கூட்டத்தில் மாநகராட்சி துணை ஆணையா் மதுசுதன் ரெட்டி, மாவட்ட வருவாய் அலுவலா் சுகுமாா், மாநகர நல அலுவலா் எஸ்.மகாலட்சுமி, தனியாா் ஆய்வகங்களின் பிரதிநிதிகள் உள்ளிட்டோா் கலந்து கொண்டனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp