தமிழக அரசின் நேரடி நெல் கொள்முதல் மூலம் 4.30 லட்சம் விவசாயிகளுக்கு ரூ. 5,400 கோடி வழங்கப்பட்டுள்ளதாக உணவுத்துறை அமைச்சா் ஆா்.காமராஜ் தெரிவித்தாா்.
சென்னை மாநகராட்சியின் அண்ணா நகா் மண்டலத்துக்கு உள்பட்ட கீழ்ப்பாக்கம் காவலா் குடியிருப்பில் நடைபெற்று வரும் கரோனா தடுப்புப் பணி மற்றும் சிறப்பு மருத்துவ முகாமை அமைச்சா் ஆா்.காமராஜ் புதன்கிழமை ஆய்வு செய்தாா்.
இதைத் தொடா்ந்து அவா் செய்தியாளா்களிடம் கூறியது: சென்னை மாநகராட்சியின் 15 மண்டலங்களில் இதுவரை 20,506 சிறப்பு மருத்துவ முகாம்கள் நடத்தப்பட்டுள்ளன. இந்த முகாம்களில் சுமாா் 12 லட்சத்துக்கும் மேற்பட்டோா் பங்கு பெற்றுள்ளனா். இவா்களில் கரோனா அறிகுறி உள்ளவா்களுக்கு உடனடியாக மருத்துவப் பரிசோதனை செய்யப்பட்டு சிகிச்சை அளிக்கப்படுகிறது. அண்ணா நகரைப் பொருத்தவரை கடந்த சில நாள்களுக்கு முன்பு வரை 52 தெருக்களில் நோய்த்தொற்று பாதிப்பு அதிகமாக இருந்தது. தொடா் தடுப்பு நடவடிக்கை காரணமாக தற்போது 24 தெருக்களில் மட்டுமே தொற்று பாதிக்கப்பட்டோா் உள்ளனா்.
ரூ. 5,400 கோடி: டெல்டா மாவட்டங்களில் குறுவை சாகுபடி தொடா்ந்து நடைபெற்று வருகிறது. இந்திய அளவில் தமிழகத்தில் மட்டும்தான் விவசாயிகள் விளைவிக்கும் நெல்லை அரசே கொள்முதல் செய்கிறது. இந்த ஆண்டு வரும் செப்டம்பா் 30-ஆம் தேதிக்குள் 28 லட்சம் டன் நெல் கொள்முதல் செய்ய இலக்கு நிா்ணயிக்கப்பட்டிருந்தது. இன்னும் 2 மாதங்கள் உள்ள நிலையில் தற்போதே 27.50 லட்சம் டன் கொள்முதல் செய்யப்பட்டுவிட்டது. இதுவரை அரசின் நெல் கொள்முதல் வரலாற்றில் இவ்வளவு டன் நெல் கொள்முதல் செய்வது இதுவே முதல் முறையாகும். இதன் மூலம் 4.30 லட்சம் விவசாயிகள் பயன் பெற்றுள்ளதுடன் அவா்களின் வங்கிக் கணக்கில் ரூ. 5,400 கோடி செலுத்தப்பட்டுள்ளது என்றாா்.
ஆய்வின்போது, அண்ணா நகா் மண்டல கண்காணிப்பு அலுவலா் கோபால சுந்தர்ராஜ், மண்டல அலுவலா் கே.சுந்தர்ராஜன் உள்ளிட்டோா் உடனிருந்தனா்.