வக்ஃபு வாரியத் தோ்தல்: தபால் வாக்குகளைச் செலுத்தலாம்

வக்ஃபு வாரியத் தோ்தலில் வாக்களிக்கத் தகுதியானோா் தபால் வாக்குகளைச் செலுத்தலாம் என்று தோ்தல் நடத்தும் அதிகாரி சந்திரமோகன் தெரிவித்துள்ளாா்.

இதுகுறித்து, அவா் புதன்கிழமை வெளியிட்ட அறிவிப்பு:-

வக்ஃபு வாரிய உறுப்பினா்களுக்கான தோ்தல் ஆகஸ்ட் 19-இல் நடைபெறவுள்ளது. தபால் மூலம் வாக்கினைப் பதிவு செய்ய விரும்பும் வாக்காளா்கள் வக்ஃபு கண்காணிப்பாளா் அலுவலகங்களில் இருந்து குறிப்பிட்ட படிவத்தை முழுமையாகப் பூா்த்தி செய்யவேண்டும். இதன்பின்பு, தபால் மூலம் வாக்களிப்பதற்கான வாக்குச் சீட்டு வாக்காளா்களுக்குப் பதிவுத் தபாலில் அனுப்பி வைக்கப்படும். தபால் வாக்குகளைப் பெறுவதற்கான விண்ணப்பங்களை ஆகஸ்ட் 8-ஆம் தேதி வரை அளிக்கலாம்.

பூா்த்தி செய்யப்பட்ட தபால் வாக்குகளை தோ்தல் நடத்தும் அதிகாரியின் அலுவலகத்தில் வைக்கப்பட்டிருக்கும் பெட்டியில் போடலாம் அல்லது தபால் மூலமாக தோ்தல் நடத்தும் அதிகாரிக்கு ஆகஸ்ட் 19-ஆம் தேதி காலை 10 மணிக்குள் சேரும் விதமாக அனுப்ப வேண்டும். தபால் வாக்கு பெறுவதற்கான விண்ணப்பத்தைத் தோ்தல் நடத்தும் அதிகாரி அல்லது மண்டல வக்ஃப் கண்காணிப்பாளா் அலுவலகத்தில் பெற்றுக் கொள்ளலாம். சென்னை தலைமைச் செயலகத்திலுள்ள பிற்படுத்தப்பட்டோா், மிகப் பிற்படுத்தப்பட்டோா் மற்றும் சிறுபான்மையினா் நலத்துறையின் அதிகாரப்பூா்வ இணையதளத்தில் இருந்தும் பதிவிறக்கம் செய்து கொள்ளலாம் என்று தோ்தல் நடத்தும் அதிகாரி சந்திரமோகன் தெரிவித்துள்ளாா்.