சென்னையில் மீண்டும் முழு பொது முடக்கம்: தயாராகும் காவல்துறை

சென்னையில் ஜூன் 19-ஆம் தேதி முதல் மீண்டும் முழு பொது முடக்கத்தை கடுமையாக அமல்படுத்த காவல்துறை தயாராகி வருகிறது.

கரோனா நோய்த்தொற்று பரவுதலை தடுக்கும் பொருட்டு கடந்த மாா்ச் 24-ஆம் தேதி பொது முடக்கம் அமல்படுத்தப்பட்டது. இதன் பின்னா் பொது முடக்கம் மீண்டும் ஏப்ரல் 14-ஆம் தேதி நீட்டிக்கப்பட்டது. இதையடுத்து ஏப்ரல் மாதம் 30-ஆம் தேதியும், மே 4-ஆம் தேதியும், மே 17-ஆம் தேதியும் பொது முடக்கம் அடுத்தடுத்து நீட்டிக்கப்பட்டது. இந்நிலையில் ஐந்தாவது முறையாக ஜூன் 30-ஆம் தேதி வரை பொது முடக்கத்தை நீட்டித்து மத்திய அரசு உத்தரவிட்டது.

பொது முடக்கம் 5 முறை நீட்டிக்கப்பட்ட நிலையில், முதல் இருமுறையும் எவ்வித தளா்வுகளும் இன்றி கடுமையான அமல்படுத்தப்பட்டது. அதன் பின்னா் படிப்படியாக தளா்வுகளுடன் பொது முடக்கம் அமல்படுத்தப்பட்டது. தளா்வுடன் அமல்படுத்தப்பட்ட பின்னா், பெரும்பாலான மக்கள், சுகாதாரத்துறையின் அறிவுறுத்தலை பின்பற்றாமல் சா்வ சாதாரணமாக வெளியே வருவதாக புகாா் எழுந்தது. முகக் கவசம் அணியாமல் பொதுஇடங்களுக்குச் செல்வது, சமூக இடைவெளிப் பின்பற்றாமல் இருப்பது போன்ற மீறல்களிலும் பொதுமக்கள் ஈடுபட்டனா்.

இதன் விளைவாக சென்னை, திருவள்ளூா், காஞ்சிபுரம், செங்கல்பட்டு ஆகிய மாவட்டங்களில் கரோனா தொற்றால் பாதிக்கப்படுவோரின் எண்ணிக்கை தினமும் அதிகரித்து வருகிறது. இதையடுத்து, சென்னை பெருநகர காவல் எல்லைக்கு உட்பட்ட பகுதிகளிலும், காஞ்சிபுரம்,திருவள்ளூா், செங்கல்பட்டு மாவட்டங்களில் சில பகுதிகளிலும் ஜூன் 19-ஆம் தேதி முதல் 30-ஆம் தேதி வரை 12 நாள்கள் முழு பொதுமுடக்கத்தை அமல்படுத்தபோவதாக தமிழக அரசு திங்கள்கிழமை அறிவித்தது.

தயாராகும் காவல்துறை:

இந்த உத்தரவை அடுத்து சென்னை பெருநகர காவல்துறை முழு பொதுமுடக்க உத்தரவை அமல்படுத்த தயாராகி வருகிறது. இதற்காக ஏற்கெனவே முழு பொதுமுடக்கம் அமல்படுத்தப்பட்டபோது, பின்பற்றப்பட்ட விதிமுறைகளையும்,நடைமுறைகளையும் காவல்துறை பின்பற்ற திட்டமிட்டுள்ளது. நகா் முழுவதும் 387 இடங்களில் போலீஸாா் வாகனச் சோதனை நடத்த முடிவு செய்துள்ளனா். மேலும் சென்னையைச் சுற்றிலும் உள்ள வெளி மாவட்டத்தைச் சோ்ந்தவா்கள் உள்ளே வராமல் இருப்பதற்கும், அத்தியாவசிய தேவையின்றியும், இ-பாஸ் இன்றியும் சென்னையில் இருந்து வெளியே செல்கிறவா்களை தடுத்து நிறுத்தும் வகையிலும் 18 இடங்களில் தாற்காலிக சோதனைச் சாவடிகள் அமைக்கப்படுகின்றன.

நகரம் முழுவதும் சுமாா் 400 வாகனங்களில் போலீஸாா் ரோந்து வருகின்றனா். இவா்கள் சாலைகளில் தேவையில்லாமல் சுற்றுபவா்கள் மீது வழக்குப் பதிவு செய்வாா்கள். அத்தியாவசிய தேவைக்காக வெளியே வருகிறவா்கள் முகக் கவசம் அணியாமல் வந்தால்,அவா்கள் மீதும் தீவிரமாக வழக்குப் பதிவு செய்யும்படி போலீஸாருக்கு உயா் அதிகாரிகள் அறிவுறுத்தியுள்ளனா். முழு பொது முடக்கத்தை அமல்படுத்தும் பணியில் சென்னையில் மட்டும் சுமாா் 15 ஆயிரம் போலீஸாா் ஈடுபடுத்தப்படுகின்றனா்.

காவல் ஆணையா் ஆலோசனை:

முழு பொது முடக்கத்தை அமல்படுத்துவது தொடா்பான ஆலோசனைக் கூட்டம் வேப்பேரியில் உள்ள சென்னை பெருநகர காவல்துறை ஆணையரகத்தில் செவ்வாய்க்கிழமை நடைபெற்றது. இக் கூட்டத்துக்கு காவல் ஆணையா் ஏ.கே.விசுவநாதன் தலைமை வகித்தாா்.

கூடுதல் ஆணையா்கள் ஏ.அருண், ஆா்.தினகரன், எச்.எம்.ஜெயராம் ஆகியோா் முன்னிலை வகித்தனா். கூட்டத்தில் முழு பொது முடக்கத்தை அமல்படுத்துவ து குறித்து பல முக்கிய முடிவுகள் எடுக்கப்பட்டன. இதற்காக காவல்துறையின் பிற பிரிவுகளான போக்குவரத்துப் புலனாய்வுப் பிரிவு, குற்றப் பிரிவு, மோட்டாா் வாகனப் பிரிவு, மத்திய குற்றப்பிரிவு உள்பட பல பிரிவுகளில் இருக்கும் காவலா்களை இப் பணிக்கு அழைப்பது என முடிவு செய்யப்பட்டது. அதேவேளையில் முழு பொது முடக்கத்தை அமல்படுத்துவதில் எவ்வித சமரசமும் செய்ய வேண்டாம் எனவும், எந்தச் சூழலையும் சந்திக்க முழு அளவில் தயாராக இருக்கும்படியும் காவல் ஆணையா் விசுவநாதன் அதிகாரிகளுக்கு அறிவுறுத்தினாா். இக் கூட்டத்தில் பெருநகர காவல்துறையின் இணை ஆணையா்கள்,துணை ஆணையா்கள் பங்கேற்றனா்.