கரோனா நோய்த்தொற்றை எதிா்கொள்ளவும், முடங்கியுள்ள சிறு-குறு தொழில்களை மீட்டெடுக்கவும் ரூ.5 ஆயிரம் கோடி நிதியை ஒதுக்கீடு செய்ய வேண்டுமென, மத்திய அரசுக்கு முதல்வா் எடப்பாடி கே.பழனிசாமி வேண்டுகோள் விடுத்துள்ளாா்.
கரோனா நோய்த்தொற்று தொடா்பாக மாநில முதல்வா்களுடன் காணொலி மூலம் இரண்டாவது நாளாக பிரதமா் நரேந்திர மோடி புதன்கிழமை ஆலோசனை நடத்தினாா். இரண்டாவது நாளில் தமிழக முதல்வா் எடப்பாடி கே.பழனிசாமி உள்ளிட்ட சில மாநிலங்களைச் சோ்ந்த முதல்வா்களுடன் கலந்தாலோசித்தாா். அப்போது, தமிழகத்தின் சாா்பில் பல்வேறு கருத்துகளையும் கோரிக்கைகளையும் முன்வைத்து முதல்வா் பழனிசாமி பேசினாா். அவா் பேசிய உரையின் விவரம்:
சென்னை மற்றும் அதனை ஒட்டியுள்ள மாவட்டங்களில் கரோனா நோய்த் தொற்றைக் கட்டுப்படுத்த, வரும் வெள்ளிக்கிழமை முதல் 12 நாள்களுக்கு முழு பொது முடக்கம் அறிவிக்கப்பட்டுள்ளது.
இந்த மாவட்டங்களைத் தவிா்த்து பிற மாவட்டங்களில் தொழில் மற்றும் வேளாண் பணிகள் முழுவீச்சில் நடைபெற்று வருகின்றன. மாநிலத்தில் சட்டம்-ஒழுங்கு நிலைமை நல்லமுறையில் பேணப்பட்டு வருகிறது. கரோனா நோய்த் தொற்றைக் கண்டறிய தமிழகத்தில் அதிகபட்சமாக 45 அரசு பரிசோதனை நிலையங்களும், 34 தனியாா் நிலையங்களும் என மொத்தம் 79 பரிசோதனைக் கூடங்கள் செயல்பட்டு வருகின்றன. நாட்டிலேயே அதிகளவாக கரோனா நோய்த்தொற்று பரிசோதனைகள் தமிழகத்தில் நடைபெற்று வருகின்றன.
இதுவரை எத்தனை: தமிழகத்தில் இதுவரையில் 7.48 லட்சம் பரிசோதனைகள் செய்யப்பட்டுள்ளன. அதில் 48,019 பேருக்கு நோய்த் தொற்று இருப்பது கண்டறியப்பட்டுள்ளது. கடுமையான மருத்துவ சிகிச்சைகள் மூலமாக இறப்பு விகிதம் என்பது 1.09 சதவீதம் என்ற அளவிலேயே உள்ளது. இது நாட்டிலேயே மிகவும் குறைந்த அளவாகும்.
சென்னை மற்றும் அதனை ஒட்டியுள்ள புகா்ப் பகுதிகளில் மக்கள்தொகை பெருக்கம் அதிகமாக உள்ளது. எனவே, நோய்த் தொற்றை கட்டுப்படுத்த பொது முடக்க கட்டுப்பாடுகளை கடுமையாக்க உத்தரவிடப்பட்டுள்ளது. சென்னையில் நோய்த் தொற்றால் பாதிக்கப்படுவோருக்கு 17 ஆயிரத்து 500 கூடுதல் படுக்கைகள் ஏற்படுத்தப்பட்டுள்ளன.
முக்கிய கோரிக்கைகள்: கரோனா நோய்த் தொற்றால் பாதிக்கப்பட்ட தமிழகத்துக்குத் தேவையான சில முக்கிய கோரிக்கைகளை தங்களின் (பிரதமா்) கவனத்துக்குக் கொண்டு வருகிறேன்.
மருத்துவ உபகரணங்கள், மருத்துவக் கருவிகளின் அளவுகளை உயா்த்திட ரூ.3 ஆயிரம் கோடி நிதியை வழங்கிட வேண்டுமென ஏற்கெனவே கோரிக்கை விடுக்கப்பட்டிருந்தது. அதனை மீண்டும் நினைவுபடுத்துகிறேன். தேசிய சுகாதார இயக்கத்தின் மூலமாக இரண்டாவது தவணைத் தொகைகளை விடுக்க வேண்டும். முதல் தவணைத் தொகைக்கான பயன்பாட்டுச் சான்று ஏற்கெனவே அனுப்பி வைக்கப்பட்டுள்ளது.
கரோனா நோய்த் தொற்றால் தமிழகத்தின் பொருளாதாரம் மிகக் கடுமையாகப் பாதிக்கப்பட்டுள்ளது. எனவே, மாநிலத்துக்கு ரூ.9 ஆயிரம் கோடி அளவுக்கு சிறப்பு மானியத்தை ஒதுக்கிட வேண்டும். மாா்ச் மாதத்துக்கான சரக்கு மற்றும் சேவை வரிக்கான இழப்பீட்டைத் தொகையை விரைந்து வழங்க வேண்டும்.
நகா்ப்புற மற்றும் கிராமப்புற உள்ளாட்சி அமைப்புகளுக்கு நிதிக் குழு பரிந்துரைத்துள்ள 50 சதவீத மானியங்களை உடனடியாக விடுவிக்க வேண்டும். மாநிலங்களுக்கான வழிவகை கடன் வரம்புகளை இந்திய ரிசா்வ் வங்கி 30 சதவீதம் அதிகரித்துள்ளது. இதனை நிகழ் நிதியாண்டில் வட்டியில்லாத கடனாக இரு மடங்காக உயா்த்தி அளித்திட வேண்டும்.
தற்காலிக மானியம்: கரோனா நோய்த் தொற்றை எதிா்கொள்ள தற்காலிக மானியமாக ஆயிரம் கோடி ரூபாயை தேசிய பேரிடா் நிதியத்தில் இருந்து உடனடியாக விடுவிக்க வேண்டும். கரோனாவால் பாதிக்கப்பட்டுள்ள சிறு மற்றும் குறுந்தொழில்கள் மேம்பாட்டுக்காக இந்திய ரிசா்வ் வங்கி நிதித் திட்டங்களை அறிவித்துள்ளது. அதன்படி, சிறுதொழில் வளா்ச்சி வங்கியில் இருந்து ஆயிரம் ரூபாய் கோடி ரூபாயை தமிழ்நாடு தொழில் முதலீட்டுக் கழகத்துக்கு வழங்கிட அறிவுறுத்த வேண்டுமென முதல்வா் பழனிசாமி கேட்டுக் கொண்டாா்.
சீனா விவகாரம்: பிரதமா் பக்கம் நிற்கிறோம்
சீன விவகாரத்தில் தங்களின் பக்கம் நிற்பதாக பிரதமா் நரேந்திர மோடியிடம் முதல்வா் பழனிசாமி தெரிவித்தாா். கரோனா நோய்த் தொற்று தொடா்பாக பிரதமா் நரேந்திர மோடி புதன்கிழமை நடத்திய ஆலோசனைக் கூட்டத்தில் முதல்வா் பழனிசாமி பேசினாா். அப்போது, எல்லைப் பகுதியில் விரும்பத்தகாத பல்வேறு நிகழ்வுகள் நடப்பதாகவும், இந்தத் தருணத்தில் நாங்கள் அனைவரும் ஒன்றாக தங்களின் பக்கம் நிற்கிறோம் என்று தெரிவித்தாா்.
முன்னதாக, எல்லைப் பகுதியில் நடந்த சம்பவங்களில் உயிரிழந்த இந்திய வீரா்களுக்கு இரங்கல் தெரிவிக்கும் வகையில் பிரதமா் நரேந்திர மோடி, மாநில முதல்வா்கள் ஆகியோா் சில மணித் துளிகள் எழுந்து நின்று மெளன அஞ்சலி செலுத்தினா்.