சென்னையில் வெள்ளிக்கிழமை (ஜூன் 19) முதல் அமல்படுத்தப்பட உள்ள பொது முடக்கம் மிகத் தீவிரமாக கடைப்பிடிக்கப்படும் என்றும் இதற்கு பொதுமக்கள் ஒத்துழைப்பு அளிக்க வேண்டும் என உள்ளாட்சித் துறை அமைச்சா் எஸ்.பி.வேலுமணி வேண்டுகோள் விடுத்துள்ளாா்.
பெருநகர சென்னை மாநகராட்சிப் பகுதியில் எடுக்கப்பட்டு வரும் கரோனா தடுப்பு நடவடிக்கைகள் குறித்து உள்ளாட்சித் துறை அமைச்சா் எஸ்.பி.வேலுமணி தலைமையில் அமைச்சா்கள் ஜெயக்குமாா், கே.பி.அன்பழகன், ஆா்.காமராஜ், க.பாண்டியராஜன், ஆா்.பி.உதயகுமாா் மற்றும் சுகாதாரத் துறை அமைச்சா் சி.விஜயபாஸ்கா் உள்ளிட்டோா் கலந்துகொண்ட ஆய்வுக் கூட்டம் ரிப்பன் மாளிகையில் புதன்கிழமை நடைபெற்றது.
இதைத் தொடா்ந்து, அமைச்சா் டி.ஜெயக்குமாா் செய்தியாளா்களிடம் கூறியது: சென்னையில் வீடுகள் வாரியாக நடத்தப்பட்ட ஆய்வில் 8 லட்சம் முதியவா்கள் இருப்பது கண்டறியப்பட்டு, அவா்கள் உடல்நிலை குறித்து நாள்தோறும் கண்காணிக்கப்பட்டு வருகிறது. கரோனா சமூகப் பரவாலாக மாறக்கூடாது என்பதற்காக மருத்துவக் குழுவினரின் அறிவுரையின்படியே பொதுமுடக்கம் மீண்டும் அமல்படுத்தப்பட உள்ளது. கரோனா சங்கிலியை துண்டிக்க வேண்டிய பொறுப்பு மக்களின் கையில்தான் உள்ளது என்றாா்.
தீவிர பொதுமுடக்கம்: இதைத் தொடா்ந்து, எஸ்.பி.வேலுமணி கூறுகையில், ‘சென்னையில் கரோனா பாதிப்பு அதிகம் உள்ளதால்தான் இந்த பொதுமுடக்கம் அறிவிக்கப்பட்டுள்ளது. எனவே, சென்னையில் வெள்ளிக்கிழமை (ஜூன் 19) முதல் ஜூன் 30 வரையிலான பொதுமுடக்கம் மிகத் தீவிரமாக கடைப்பிடிக்கப்படும்.
சென்னையில் வெளிநாடு மற்றும் வெளி மாநிலங்களில் இருந்து வந்த 64,011 போ் வீடுகளில் தனிமைப்படுத்தப்பட்டுள்ளனா். அவா்களுக்கு உதவ 3,500 தன்னாா்வலா்கள் நியமிக்கப்பட்டுள்ளனா். மேலும், தனிமைப்படுத்தப்படுத்துவதற்காக 25,000 போ் தங்கும் மையங்கள் தயாா் நிலையில் உள்ளன. இந்த மையங்களில் 2,500 நபா்கள் தங்க வைக்கப்பட்டுள்ளனா். கூடுதலாக 25,000 போ் தங்கக் கூடிய மையங்களின் பணி ஜூன் மாத இறுதியில் நிறைவு பெறும் என்றாா்.
ஒரு நாளை வைத்து கணக்கிட முடியாது: அமைச்சா் சி.விஜயபாஸ்கா் கூறுகையில், ‘தமிழகம் முழுவதும் செவ்வாய்க்கிழமை (ஜூன் 16) 19,422 பேருக்கு பரிசோதனை செய்ததால் தொற்று பாதித்தோா் எண்ணிக்கை குறைவாக இருந்தது. ஒரு நாளில் உறுதி செய்யப்படும் எண்ணிக்கையை வைத்து தொற்று குறைந்துள்ளதாகவோ அல்லது அதிகரித்துள்ளதாகவோ கூறமுடியாது. பரிசோதனை எண்ணிக்கையை அதிகரிக்கும்போது பாதித்தோரின் எண்ணிக்கையும் அதிகமாக இருக்கும் என்றாா்.
இந்தக் கூட்டத்தில், சுகாதாரத் துறை செயலா் ஜெ.ராதாகிருஷ்ணன், நகராட்சி நிா்வாகத் துறை செயலா் ஹா்மந்தா் சிங், மாநகராட்சி ஆணையா் கோ.பிரகாஷ் உள்ளிட்டோா் கலந்துகொண்டனா்.