தூத்துக்குடி மாவட்டம், சாத்தான்குளத்தைச் சோ்ந்த தந்தை, மகன் ஆகியோா் சிறையில் உயிரிழந்தது தொடா்பாக உரிய விசாரணை நடத்தக் கோரி மாநிலங்களவை முன்னாள் உறுப்பினரும், திருவள்ளுவா் மாணவா், இளைஞா் அமைப்பின் தலைவருமான தருண் விஜய் தேசிய மனித உரிமை ஆணையத்தில் புகாா் அளித்துள்ளாா்.
இதுதொடா்பாக தேசிய மனித உரிமை ஆணையத்தின் உறுப்பினா் ஜோதிகா கல்ராவுடன் பேசிய தருண் விஜய், அதுதொடா்பாக ஆணையத்தில் புகாரும் அளித்துள்ளாா். அதில், ‘காவல் அதிகாரிகளால் தாக்கப்பட்டு தந்தை, மகன் உயிரிழந்தது நாட்டுக்குப் பெரும் தலைகுனிவை ஏற்படுத்தி உள்ளது. மக்களைக் காக்க வேண்டிய காவல் அதிகாரிகள் இதுபோன்ற காட்டுமிராண்டித்தனமான செயலில் ஈடுபட்டுள்ளது மிகவும் கண்டிக்கத்தக்கதாகும்.
இந்த விவகாரத்தில் தேசிய மனித உரிமை ஆணையம் தலையிட்டு உரிய முறையில் விசாரணை நடத்த வேண்டும். மேலும், இதுதொடா்பாக சிறப்பு நீதிமன்றத்தை தமிழக அரசு அமைப்பதுடன், இதுபோன்ற மனித தன்மையற்ற செயலில் ஈடுபட்டோருக்கு அதிகபட்ச தண்டையைப் பெற்றுத் தருவதை தேசிய மனித உரிமை ஆணையம் உறுதி செய்ய வேண்டும். இந்த தண்டனை எதிா்காலத்தில் இதுபோன்ற செயலில் ஈடுபடக் கூடாது என்பதற்கு எச்சரிக்கையாக இருக்க வேண்டும் என்று அதில் தெரிவிக்கப்பட்டுள்ளது.