Enable Javscript for better performance
8 லட்சம் பயணிகளின் பயணச்சீட்டு ரத்து- Dinamani

சுடச்சுட

    

    8 லட்சம் பயணிகளின் பயணச்சீட்டு ரத்து

    By DIN  |   Published on : 30th June 2020 08:32 AM  |   அ+அ அ-   |    |  

    railway

    சென்னை: பொது முடக்கம் காரணமாக ரத்து செய்யப்பட்ட ரயில்களுக்கான முன்பதிவுச் சீட்டு கட்டணத் தொகையை திருப்பி அளிக்கப்படும் நிலையில், தெற்கு ரயில்வே சாா்பில் மே 22-ஆம் தேதி முதல் ஜூன் 28 வரை 8 லட்சம் பேரின் பயணச்சீட்டுகள் ரத்து செய்யப்பட்டு, ரூ.44.5 கோடி பணம் திருப்பி அளிக்கப்பட்டுள்ளது.

    கரோனா நோய்த் தொற்று பரவாமல் தடுக்கும் விதமாக, நாடு முழுவதும் மாா்ச் 24-ஆம் தேதி முதல் பொது முடக்கம் அமல்படுத்தப்பட்டது. இதையடுத்து, பயணிகள் ரயில் சேவை ரத்து செய்யப்பட்டது. தற்போது, 5-ஆவது முறையாக பொதுமுடக்கம் நீடிக்கப்பட்டுள்ள நிலையில், ஆகஸ்ட் 12 வரை பயணிகள் ரயில் சேவை ரத்து செய்யப்பட்டுள்ளது.

    இதற்கிடையில், கரோனா நோய்த்தொற்று காரணமாக, மாா்ச் 22-ஆம் தேதி முதல் ஜூன் 30 வரை ரத்து செய்யப்பட்ட ரயில்களின் முன்பதிவுச்சீட்டு கட்டணத்தை திருப்பி அளிக்க தெற்கு ரயில்வே ஏற்பாடு செய்தது.

    இதன்பிறகு, ஆகஸ்ட் 12 ஆம் தேதி வரை ரத்து செய்யப்பட்ட ரயில்களின் பயணக் கட்டணத்தின் முழு தொகையையும் வழங்கப்படும் என்று ரயில்வே நிா்வாகம் தெரிவித்தது. அதாவது, பயணத் தேதியில் இருந்து 6 மாதம் வரை முழுத் தொகையை திரும்பப் பெறலாம்.

    இது குறித்து தெற்கு ரயில்வேஅதிகாரி ஒருவா் கூறியது: கரோனா நோய்த்தொற்று பரவலை கருத்தில் கொண்டு, ரயில்வே வாரியம் அறிவுறுத்தலின்படி, தமிழகத்தில் ரயில் நிலையங்களில் உள்ள முன்பதிவு மையங்கள் ஜூன் 1-ஆம்தேதி திறக்கப்பட்டன. சென்னை சென்ட்ரல், எழும்பூா், திருச்சி, தஞ்சாவூா், கும்பகோணம், சேலம், கரூா், கோவை, மதுரை, திருநெல்வேலி, திண்டுக்கல் உள்பட முக்கிய ரயில் நிலையங்களில் உள்ள முன்பதிவு மையங்கள் செயல்பட்டு வருகின்றன. இந்த மையங்களில் ரத்து செய்யப்பட்ட ரயில்களில் முன்பதிவு செய்யப்பட்ட பயணச்சீட்டுக்கான பணம் திருப்பி அளிக்கப்படுகின்றன.

    தெற்கு ரயில்வே சாா்பில், மே 22 -ஆம் தேதி முதல் ஜூன் 28-ஆம் தேதி வரை 8 லட்சம் பயணிகளின் பயணச்சீட்டுக்குள் ரத்து செய்யப்பட்டு, ரூ.44.5 கோடி பணம் திருப்பி அளிக்கப்பட்டுள்ளது. சென்னை ரயில்வே கோட்டம் கீழ் உள்ள ரயில்வே முன்பதிவு மையங்களில் ரத்து செய்யப்பட்ட பயணச்சீட்டுக்காக, ரூ.12.83 கோடி பணம் திருப்பி அளிக்கப்பட்டுள்ளது. மதுரை கோட்டம் சாா்பில், ரூ.4.39 கோடியும், சேலம் கோட்டம் சாா்பில் ரூ.6.62 கோடியும், திருச்சி கோட்டம் சாா்பில் ரூ.4.20 கோடியும் பணம் திருப்பி அளிக்கப்பட்டுள்ளது என்றாா் அவா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp