மருத்துவா்கள் இடமாற்றம் ரத்து: நீதிமன்ற தீா்ப்பை எதிா்த்து மேல்முறையீடு செய்யக்கூடாது

சென்னை: மருத்துவா்கள் இடமாற்றத்தை ரத்து செய்யும் உயா்நீதிமன்றத்தின் தீா்ப்பை எதிா்த்து தமிழக அரசு மேல்முறையீடு செய்யக்கூடாது என்று பாமக நிறுவனா் ராமதாஸ் வலியுறுத்தியுள்ளாா்.

இது தொடா்பாக திங்கள்கிழமை அவா் வெளியிட்ட அறிக்கை:

ஊதிய உயா்வு உள்ளிட்ட கோரிக்கைகளை முன்வைத்து வேலைநிறுத்தப் போராட்டத்தை முன்னெடுத்த அரசு மருத்துவா்கள் சங்க நிா்வாகிகள் இட மாற்றம் செய்யப்பட்டதும், அவா்களுக்கு ‘17பி’ குறிப்பாணை வழங்கப்பட்டதும் செல்லாது என்ற சென்னை உயா்நீதிமன்றத்தின் தீா்ப்பை எதிா்த்து மேல்முறையீடு செய்ய அரசு திட்டமிட்டிருப்பதாகக் கூறப்படுகிறது. இது உண்மை என்றால், மிகவும் வருந்தத்தக்கதாகும்.

காலம் சாா்ந்த ஊதிய உயா்வு வழங்க வேண்டும் என்பன உள்ளிட்ட கோரிக்கைகளை வலியுறுத்தி கடந்த ஆண்டு அக்டோபா் 24-ஆம் தேதி முதல் நவம்பா் ஒன்றாம் தேதி வரை தமிழக அரசு மருத்துவா்கள் வேலை நிறுத்தம் செய்தனா். இதற்காக மருத்துவா் சங்கங்களின் நிா்வாகிகள் 135 பேருக்கு ‘17பி’ குறிப்பாணை வழங்கிய தமிழக அரசு, அவா்கள் அனைவரையும் வெகு தொலைவுக்கு பணியிட மாற்றம் செய்து ஆணையிட்டது.

இதை எதிா்த்து பாதிக்கப்பட்ட மருத்துவா்கள் தொடா்ந்த வழக்குகளை விசாரித்த உயா்நீதிமன்றம், அரசு மருத்துவா்கள் வேலைநிறுத்தம் மேற்கொண்டதை கடுமையாக கண்டித்தது. அதே நேரத்தில் அவா்களின் கோரிக்கைகளில் நியாயம் இருப்பதாகவும், இவ்விவகாரத்தை முறையாக கையாளவில்லை என்றும் விமா்சித்த உயா்நீதிமன்றம், அரசு மருத்துவா்கள் மீதான அனைத்து நடவடிக்கைகளையும் ரத்து செய்து ஆணையிட்டது. இதன்மூலம் அரசு மருத்துவா்கள் பணியிட மாற்ற சிக்கலுக்கு தீா்வு கிடைத்து விட்டதாக அனைவரும் நிம்மதியடைந்த நிலையில், சென்னை உயா்நீதிமன்றத் தீா்ப்பை ஏற்க தமிழக அரசு தயாராக இல்லை என்றும், தீா்ப்பை எதிா்த்து மேல்முறையீடு செய்யத் தயாராகி வருவதாகவும் தெரிகிறது. அரசின் இம்முடிவு ஒரு பிரச்னையைத் தீா்ப்பதற்கு மாறாக மேலும் சிக்கலாக்குவதற்கு ஒப்பானதாகும்.

எனவே, போராட்டத்தில் ஈடுபட்ட அரசு மருத்துவா்களின் இடமாற்றத்தை ரத்து செய்த சென்னை உயா்நீதிமன்றத் தீா்ப்பை எதிா்த்து மேல்முறையீடு செய்யும் முடிவை தமிழக அரசு கைவிட வேண்டும் என்று ராமதாஸ் கூறியுள்ளாா்.