Enable Javscript for better performance
எட்டாம் வகுப்பு தோ்வு குறித்து தவறுதலாக சுற்றறிக்கை: பள்ளிக் கல்வித் துறை விளக்கம்- Dinamani

சுடச்சுட

    

    எட்டாம் வகுப்பு தோ்வு குறித்து தவறுதலாக சுற்றறிக்கை: பள்ளிக் கல்வித் துறை விளக்கம்

    By DIN  |   Published on : 06th March 2020 01:45 AM  |   அ+அ அ-   |    |  

    dpi

    சென்னை: எட்டாம் வகுப்புக்குப் பொதுத்தோ்வு நடத்தப்படுவது குறித்த அறிவுறுத்தல்களோடு வெளியான சுற்றறிக்கை சா்ச்சையை ஏற்படுத்திய நிலையில், அந்தச் சுற்றறிக்கை தவறுதலாக வெளியிடப்பட்டதாக, பள்ளிக் கல்வித் துறை விளக்கம் அளித்துள்ளது.

    இலவச கட்டாயக் கல்வி உரிமை சட்டத் திருத்தங்களின்படி, 5, 8-ஆம் வகுப்புகளுக்கு தமிழகத்தில் பொதுத்தோ்வு நடத்தப்படும் என்று கடந்த அக்டோபா் மாதம் அறிவிக்கப்பட்டது. அதற்கு பெற்றோா்கள், கல்வியாளா்கள் மத்தியில் கடுமையான எதிா்ப்பு ஏற்பட்டது. இதைத் தொடா்ந்து, பொதுத்தோ்வு நடத்தப்படாது என்று பள்ளிக் கல்வித்துறை அமைச்சா் செங்கோட்டையன் விளக்கம் அளித்தாா்.

    மீண்டும் சில நாள்களிலேயே 5, 8-ஆம் வகுப்புக்குப் பொதுத் தோ்வுகள் நடத்தப்படும் என்று அறிவிக்கப்பட்டது. முதல் 3 ஆண்டுகளுக்கு மாணவா்களின் தோ்ச்சி நிறுத்தி வைக்கப்படாது என்று அமைச்சா் செங்கோட்டையன் கூறினாா்.

    இதற்கு கல்வியாளா்களும் பெற்றோா்களும் கடும் எதிா்வினைகளை ஆற்றினா். இதைத் தொடா்ந்து 5, 8-ஆம் வகுப்புகளுக்கான பொதுத் தோ்வு கடந்த பிப்ரவரி மாதம் ரத்து செய்யப்பட்டது. இதுதொடா்பான அரசாணையும் வெளியானது.

    இதற்கிடையே, கடந்த செவ்வாய்க்கிழமை 8-ஆம் வகுப்பு மாணவா்களுக்கு பொதுத்தோ்வு நடத்துமாறு அனைத்து மாவட்ட முதன்மை கல்வி அலுவலகா்களுக்கும் அரசு தோ்வுகள் துறை சாா்பில் ஒரு சுற்றறிக்கை அனுப்பப்பட்டிருந்தது. அதில் எட்டாம் வகுப்பு பொதுத்தோ்வு ஏப்ரல் 2-ஆம் தேதி தொடங்கி ஏப்.10-ஆம் தேதி வரை நடைபெற இருப்பதாகவும் அதற்கான தோ்வு ஆயத்தப் பட்டியலை மாா்ச் 13-ஆம் தேதிக்குள் சென்னைக்கு அனுப்புமாறும் தெரிவிக்கப்பட்டிருந்தது.

    இந்தச் சுற்றறிக்கையால் ஆசிரியா்கள், மாணவா்களிடையே குழப்பம் ஏற்பட்டது. இதைத் தொடா்ந்து, இந்த அறிவிப்புக்கு பள்ளிக் கல்வித் துறை முன்னாள் அமைச்சா் தங்கம் தென்னரசு முகநூலில் தனது எதிா்ப்பை பதிவிட்டிருந்ததாா்.

    மீண்டும் எதிா்ப்பு: இது குறித்து தமிழ்நாடு ஆசிரியா் சங்கத்தின் தலைவா் பி.கே.இளமாறன், தமிழ்நாடு அரசு ஊழியா்கள் மற்றும் ஆசிரியா்கள் நல கூட்டமைப்பின் தலைவா் சா.அருணன் ஆகியோா் வியாழக்கிழமை வெளியிட்ட அறிக்கையில், ‘பொதுத்தோ்வு விவகாரத்தில் மாணவா்களிடையே கல்வித்துறை குழப்பத்தை ஏற்படுத்தக் கூடாது. இது குறித்து முறையாக விளக்கமளிக்க வேண்டும்’ என வலியுறுத்தியிருந்தனா்.

    தவறுதலாக குறிப்பிட்டதால்...: இந்த நிலையில், இது குறித்து முன்னாள் அமைச்சா் தங்கம் தென்னரசு தனது முகநூலில் வியாழக்கிழமை வெளியிட்டிருந்த பதிவில், பள்ளிக் கல்வித்துறை அமைச்சரை தொலைபேசி மூலம் தொடா்பு கொண்டு பேசியதாகவும், எட்டாம் வகுப்பு தனித்தோ்வு என்பது சுற்றறிக்கையில் தவறுதலாக பொதுத்தோ்வு எனக் குறிப்பிடப்பட்டு விட்டதே குழப்பத்துக்கு காரணம் என்று அமைச்சா் தெரிவித்ததாகவும் கூறியுள்ளாா். மேலும், தவறு சரிசெய்யப்பட்டு புதிய சுற்றறிக்கை அனுப்பப்படும் எனத் தெரிவித்ததுடன், ஏற்கெனவே அறிவித்தபடி ஐந்து மற்றும் எட்டாம் வகுப்பு மாணவா்களுக்கான பொதுத்தோ்வு ரத்து செய்யப்பட்டதில் மாற்றம் ஏதுமில்லை என அமைச்சா் தெரிவித்ததாகவும் அந்தப் பதிவில் கூறப்பட்டுள்ளது.

    மேலும் இதே விளக்கத்தை, பள்ளிக் கல்வித் துறை அதிகாரிகள் மற்றும் அமைச்சா் செங்கோட்டையன் ஆகியோா் வியாழக்கிழமை அளித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai