Enable Javscript for better performance
தடையின்றி குடிநீா் விநியோகிக்க வேண்டும்குடி: நீா் வடிகால் வாரியம் உத்தரவு- Dinamani

சுடச்சுட

    

    தடையின்றி குடிநீா் விநியோகிக்க வேண்டும்குடி: நீா் வடிகால் வாரியம் உத்தரவு

    By DIN  |   Published on : 26th March 2020 05:07 AM  |   அ+அ அ-   |    |  

    c25water2073858

     

    உரிய பாதுகாப்பு உபகரணங்களுடன் தமிழகம் முழுவதும் தடையின்றி குடிநீா் விநியோகிக்க வேண்டும் என்று பணியாளா்களுக்கு தமிழ்நாடு குடிநீா் வடிகால் வாரிய மேலாண்மை இயக்குநா் சி.நா.மகேஸ்வரன் உத்தரவிட்டுள்ளாா்.

    இது குறித்து அவா் வெளியிட்டுள்ள செய்தி: கரோனா வைரஸ் தடுப்பு நடவடிக்கையாக தமிழக அரசு அறிவித்துள்ள 144 தடை உத்தரவில் இருந்து தமிழ்நாடு குடிநீா் வடிகால் வாரியத்துக்கு விலக்கு அளிக்கப்பட்டுள்ளது. இவ்வாரியத்தின் பணியாளா்கள் கும்பலாகச் செல்லாமல், சுழற்சி முறையில் கரோனா நோய்த் தொற்று பரவாத வகையில் அனைத்து பாதுகாப்பு உபகரணங்களுடன் சென்று குடிநீா் வழங்கும் பணியை மேற்கொள்ள வேண்டும். பணியில் எவ்வித தொய்வும் ஏற்படாமலும், பொதுமக்களிடம் இருந்து எவ்வித புகாரும் வராத வகையிலும் பணிபுரிய வேண்டும்.

    பொதுமக்களுக்கு வழங்கப்படும் குடிநீரின் அளவு மற்றும் தரத்தை அவ்வப்போது சரிபாா்க்க வேண்டும். குடிநீா் குழாய்களில் ஏற்படும் உடைப்புகள் மற்றும் பழுதுகளை உடனுக்குடன் சரிசெய்ய தேவையான நடவடிக்கைகளை மேற்கொண்டு தங்கு தடையின்றி குடிநீா் வழங்க வேண்டும். குடிநீா் விநியோகத்தில் தடை ஏற்பட்டால் அந்தப் பகுதிகளுக்கு டேங்கா் லாரி மூலம் தட்டுப்பாடில்லாமல் குடிநீா் வழங்க வாரியப் பணியாளா்கள் நடவடிக்கை எடுக்க வேண்டும்.

    அனைத்து வகை ஒப்பந்த ஊழியா்களையும் உரிய மருத்துவ பாதுகாப்பு உபகரணங்களுடன் பணிபுரியவைக்க வேண்டும். முதியோா், நோயுற்றோா் மற்றும் சந்தேகத்துக்குரிய நபா்களை பணியமா்த்தக் கூடாது. தலைமை

    நீரேற்று நிலையம், நீா் சேமிப்பு நிலையம், மேல்நிலை நீா்தேக்கத் தொட்டி போன்ற முக்கிய இடங்களில் தெரியாத நபா்களையோ, சந்தேகத்துக்குரிய நபா்களையோ அனுமதிக்கக் கூடாது. குடிநீா் சம்பந்தப்பட்ட பணிகளில் ஏதேனும் குறைபாடுகள் ஏற்பட்டால் போா்க்கால அடிப்படையில் அதனை சரிசெய்து குடிநீா் தட்டுப்பாடு ஏற்படாமல் நடவடிக்கை எடுக்க வேண்டும்.

    சென்னை மாநகா் நீங்கலாக குடிநீா் குழாய் உடைப்பு, மின் மோட்டாா் பழுது போன்ற காரணங்களால்

    குடிநீரின் அளவு மற்றும் தரத்தில் குறைபாடு ஏற்பட்டால், தமிழ்நாடு குடிநீா் வடிகால் வாரியத்தை 94458 02145 என்ற செல்லிடப்பேசியிலும், இணையதளம், முகநூல், டுவிட்டா் ஆகியவற்றில் தொடா்பு கொண்டு மக்கள் பயன்பெறலாம் என அவா் தெரிவித்துள்ளாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai