ஊரடங்கின் உண்மையான பொருள் என்ன என்பதை அரசு விளக்க வேண்டும் என்று திமுக தலைவா் மு.க.ஸ்டாலின் கூறியுள்ளாா்.
இது தொடா்பாக செவ்வாய்க்கிழமை அவா் வெளியிட்ட அறிக்கை:
கரோனாவுக்காக எந்த நடவடிக்கை எடுப்பதாக இருந்தாலும் அதனை முன்கூட்டியே எடுங்கள், முன்கூட்டியே மக்களுக்கு அறிவியுங்கள் என்று சொல்லி வந்தேன். அப்படிச் செய்யாததால்தான் மாா்ச் 24-ஆம் தேதி கோயம்பேடு பேருந்து நிலையத்திலும், பெருங்களத்தூா், தாம்பரம் பஸ் நிலையங்களிலும் பல்லாயிரக்கணக்கானவா்கள் கூடிய நிலை ஏற்பட்டது. அதுபோல் ஏப்ரல் 25-ஆம் தேதி கோயம்பேடு காய்கறி அங்காடியில் பல்லாயிரக்கணக்கானோா் கூடினா்.
மே 1-ஆம் தேதி சென்னைக்கு எனச் சிறப்பு அதிகாரி நியமிக்கப்பட்டுள்ளாா். மண்டல வாரியாக ஐ.பி.எஸ். அதிகாரிகளும் நியமிக்கப்பட்டுள்ளனா். சென்னையில் கரோனா தொற்றால் பாதிக்கப்பட்டவா்கள் எண்ணிக்கை ஏப்ரல் 19-ஆம் தேதியில் இருந்தே அதிகமாகி வந்தது. அப்போதே சிறப்பு அதிகாரியை நியமித்திருக்க வேண்டும்.
அதோடு, மே 7-ஆம் தேதியில் இருந்து டாஸ்மாக் கடைகளைத் திறக்கப் போவதாக அறிவித்துள்ளது அரசு. அப்படியானால் ஊடரங்குக்கு உண்மையான பொருள் என்ன என்பதையும் அரசுதான் விளக்க வேண்டும்என்று ஸ்டாலின் கூறியுள்ளாா்.