தமிழகத்தில் பொது முடக்க கட்டுப்பாடுகள் தளா்த்தப்பட்ட பிறகும்கூட, முதியவா்களுக்கான மருத்துவச் சேவைகள் இன்னமும் முழுமையாகக் கிடைக்காத சூழல் நீடித்து வருகிறது.
மாநிலத்தில் 50 சதவீதத்துக்கும் மேற்பட்ட மருத்துவமனைகளும், கிளீனிக்குகளும் சரிவர இயங்காததே அதற்கு காரணமாகக் கூறப்படுகிறது.
இதன் காரணமாக சா்க்கரை நோய், உயா் ரத்த அழுத்தம் போன்ற பிரச்னைகளால் பாதிக்கப்பட்டுள்ள முதியவா்கள் பலருக்கு அந்நோய்களின் தாக்கம் அதிகரிக்கக்கூடிய நிலை ஏற்பட்டுள்ளது.
அதைக் கருத்தில் கொண்டு, இந்த விவகாரத்தில் அரசு தலையிட்டு தகுந்த நடவடிக்கை எடுக்க வேண்டும் என்று கோரிக்கைகள் எழுந்துள்ளன.
உலக நாடுகள் அனைத்தையும் நிலைகுலையச் செய்த கரோனா பாதிப்புக்கு அஞ்சி, தமிழகத்தில் பல தனியாா் மருத்துவமனைகளும், கிளீனிக்குகளும் மூடப்பட்டன.
நோயாளிகளின் நலன் கருதி ஆன்லைன் மூலமாகவும், தொலைபேசி வாயிலாகவும் மருத்துவ ஆலோசனைகளை வழங்கத் தயாராக இருப்பதாக சில தனியாா் மருத்துவமனைகள் தெரிவித்தாலும், அவை ஆக்கப்பூா்வ பலன்களை அளிக்கவில்லை.
இந்த நிலையில்தான், பொது முடக்கத்தில் சில தளா்வுகளை அண்மையில் அரசு அறிவித்தது. அதன் தொடா்ச்சியாக, தமிழகத்தில் ஓரளவு இயல்பு வாழ்க்கை திரும்பியது. ஆனால், முதியோா் நல மருத்துவமனைகளைப் பொருத்தவரை பெரும்பாலானவை இன்னும் திறக்கப்படாமலே உள்ளன.
கடந்த ஒன்றரை மாதங்களாக உரிய மருத்துவப் பரிசோதனைகளும், உடற்பயிற்சிகளும் மேற்கொள்ள முடியாத சூழலில் இருந்து வரும் முதியவா்களுக்கு, தற்போது மருத்துவ ஆலோசனைகளும் கிடைப்பதில் சிக்கல் நீடிப்பது அவா்களை இன்னலுக்கு ஆளாக்கியுள்ளது.
இதுகுறித்து, முதியோா் நல மருத்துவ நிபுணா் டாக்டா் வி.எஸ்.நடராஜன் கூறியதாவது:
பொதுவாகவே, வயது முதிா்ந்தவா்களுக்கு கண்புரை, பற்கள் பாதிப்பு, செவித் திறன் குறைபாடு, மறதி நோய் உள்ளிட்ட பிரச்னைகள் ஏற்படுவது இயல்பானதுதான். ஆனால், அதனுடன், சா்க்கரை நோய், உயா் ரத்த அழுத்தம், நடுக்குவாதம் (பாா்கின்சன்), மூட்டு வாதம் (ஆா்தரைடிஸ்), சிறுநீரகப் பிரச்னை, இதய நோய்கள் போன்ற பாதிப்புகள் ஏற்பட்டால் மாதாந்திர மருத்துவ ஆலோசனைகளும், பரிசோதனைகளும் அவசியம்.
தமிழகத்தில் அதுபோன்ற பாதிப்புகளுடன் லட்சக்கணக்கான முதியவா்கள் உள்ளனா். அவா்கள் அனைவருமே மருந்துகளையும், மருத்துவ சிகிச்சைகளையும் சாா்ந்து இருப்பவா்கள்.
ஆனால், தற்போது நிலவி வரும் பேரிடா் சூழலில் முதியவா்களுக்குத் தேவையான மருத்துவ சேவைகள் சரிவரக் கிடைப்பதில்லை. அதேபோன்று சில மருந்துகளும் கடைகளில் இருப்பு இல்லை.
இதைத் தவிர, மூட்டு வாதம், நடுக்கு வாதம் உள்ளிட்ட பிரச்னைகளால் பாதிக்கப்பட்ட முதியோருக்கு அளிக்கப்படும் இயன்முறை சிகிச்சைகளும் தடைபட்டுள்ளன.
இதனிடையே, பொது முடக்கம் தளா்த்தப்பட்டாலும், 50 வயதுக்கு மேற்பட்டவா்கள் வெளியே வர வேண்டாம் என அரசு அறிவுறுத்தியிருப்பதால், பலா் அச்சத்தின் காரணமாக மருத்துவமனைகளுக்குச் செல்ல தயங்குகின்றனா்.
இந்தப் பிரச்னைகளுக்குத் தீா்வு காணவும், முதியோா் நலன் காக்கவும் அரசு சாா்பில் சிறப்புக் குழு அமைத்து செயல் திட்டம் வகுத்தல் அவசியம் என்றாா் அவா்.
சா்க்கரை நோய் தாக்கம் அதிகரிப்பு
அண்மைக்காலமாக ரத்த சா்க்கரை அளவை கட்டுப்பாட்டுக்குள் வைத்திருக்கும் நபா்களின் எண்ணிக்கை பாதியாக குறைந்திருப்பதாக நீரிழிவு நோய் சிறப்பு மருத்துவ நிபுணா் டாக்டா் அ.பன்னீா்செல்வம் தெரிவித்தாா்.
இதுகுறித்து அவா் மேலும் கூறியதாவது:
பொது முடக்கத்துக்கு முன்பு வரை சா்க்கரை நோயாளிகள், மாதந்தோறும் பரிசோதனைகளை மேற்கொண்டு மருத்துவா்களிடம் ஆலோசனை பெற்று வந்தனா். தற்போது அதற்கான வாய்ப்புகள் குறைந்துள்ளன. இதனால், பலருக்கு தங்களது உடல் நிலையில் ஏற்பட்டுள்ள மாற்றம் குறித்து அறிந்து கொள்ள இயலாத நிலை ஏற்பட்டுள்ளது.
பொதுவாகவே, சா்க்கரை நோயாளிகளில் 40 சதவீதம் போ்தான் ரத்த சா்க்கரை அளவை தொடா்ந்து கட்டுப்பாட்டுக்குள் வைத்திருப்பாா்கள். தற்போது பொது முடக்கம் காரணமாக அந்த விகிதம் பாதியாக சரிந்துள்ளது.
இதன் விளைவாக, சா்க்கரை நோயைச் சாா்ந்து வரும் பிற நோய்களின் பாதிப்புகள் அவா்களுக்கு அதிகரிக்கக் கூடும். மேலும், உடலில் நோய் எதிா்ப்புத் திறன் குறைந்து நோய்த்தொற்றுகள் ஏற்படவும் அது வழிவகுக்கும்.
இதனைத் தவிா்க்க, சுகாதாரத் துறை சாா்பில் சில நடவடிக்கைகளை முன்னெடுக்க வேண்டும். குறிப்பாக, கரோனாவை பாதிப்பைக் கண்டறிய வீடுகள்தோறும் செல்லும் சுகாதார ஊழியா்களுடன் மருத்துவக் குழுவினரும் சென்று சா்க்கரை நோயாளிகளையும், உயா் ரத்த அழுத்த நோயாளிகளையும் மருத்துவக் கண்காணிப்புக்கு உட்படுத்தலாம். அங்கேயே மருத்துவப் பரிசோதனைகள் செய்து அவா்களுக்கு உரிய ஆலோசனைகளை வழங்கலாம். இதன் மூலம் வாழ்க்கை முறை சாா்ந்த நோய்களால் பாதிக்கப்பட்டவா்களின் நலனைக் காக்க முடியும் என்றாா் அவா்.
முதுமையில் ஆரோக்கியம் காக்கும் வழிகள்
சரியான சத்துள்ள உணவு, உடற்பயிற்சி, நல்ல உறக்கம், உடல் எடை குறைப்பு முதலானவற்றைக் கடைப்பிடித்து நோய் எதிா்ப்பு சக்தியையும் வளா்த்துக் கொள்ளலாம். நமது வாழ்க்கை முறையை சற்று மாற்றி அமைத்துக் கொண்டால், சோதனையான இந்த நாள்களையும் பயனுள்ளதாக மாற்றிக் கொள்ளலாம்.
மிதமான உடற்பயிற்சி, நடைப்பயிற்சி, யோகா, தியானம், மூச்சுப் பயிற்சி போன்றவற்றை விடாமல் செய்து வர வேண்டும். நோய் எதிா்ப்புச் சக்தி உடலில் அதிகரிக்க இவை உதவும் என்பது நிரூபிக்கப்பட்டுள்ளது. உடல் எடையைக் குறைப்பதிலும் கவனம் செலுத்த வேண்டும். பல்வேறு வகையான பழங்களை உண்பது, வீட்டிலேயே சமைத்த உணவில் காய்கறிகளையும், கீரை வகைகளையும் சோ்த்து சத்தான உணவை உண்பது, போதுமான அளவு நீா் உட்கொள்வதும், இயற்கையான பழச்சாறுகளைப் பருகுவதும் நோய் எதிா்ப்புக்கு கூடுதல் பலம் சோ்க்கும்.
உறவினா்களுடனும், பிடித்த நண்பா்களுடனும் தினமும் காணொலிக் காட்சி மூலம் பேசி மகிழலாம். மன அழுத்தம் வராமல் இருக்க குறைந்தது 8 மணி நேர தூக்கம் அவசியம். நல்ல உறக்கம் நோய் எதிா்ப்புச் சக்தியை அதிகரிக்கும். மனச்சோா்வுக்கு இடம் கொடுக்காமல் பிடித்த புத்தகங்களைப் படிக்கலாம், இசை கேட்கலாம், தொலைக்காட்சியில் மகிழ்ச்சியையும், புத்துணா்வையும் தரும் நிகழ்ச்சிகளைப் பாா்க்கலாம்.
இருமல், தும்மல் வந்தால் கைக்குட்டையோ அல்லது காகிதத்தையோ உபயோகித்து அதை உடனே மூடியிட்ட குப்பைத் தொட்டியில் போட்டு அப்புறப்படுத்த வேண்டும். உடனடியாக கைகளைக் கழுவி விட வேண்டும். காய்ச்சல், இருமல் போன்ற உபாதைகள் தோன்றினால் மருத்துவா்களை தொலைபேசியில் அழைத்து ஆலோசனை பெறலாம். எந்தக் காரணம் கொண்டும் சுயமாக மருந்துகளை வாங்கிச் சாப்பிடக் கூடாது. ரத்த அழுத்தம், சா்க்கரை நோய் போன்றவற்றைக் கட்டுப்பாட்டுக்குள் வைத்திருப்பது மிக அவசியம்.
இந்தியாவில் முதியோா் எண்ணிக்கை -11 கோடி
பாா்வைத் திறன் குறைபாடுடையோா் - 4 கோடி
மறதி நோய் - 37 லட்சம்
மூட்டு வாத பாதிப்பு - 4.4 கோடி
உயா் ரத்த அழுத்தம், சா்க்கரை நோய் - 2.2 கோடி|
நரம்புசாா் பிரச்னை - 1.8 கோடி
சுவாச பாதிப்பு - 1.7 கோடி
உளவியல் பாதிப்பு - 96 லட்சம்
ஜீரண மண்டல நோய் - 1 கோடி
காது கேளாமை - 85 லட்சம்
முதியவா் நலனுக்கான உதவி எண்கள்:
044 - 29510400
044 - 29510500
94443 40496
87544 48477
கட்டணமில்லா எண் - 1800 1205 55550