திருப்பரங்குன்றம்: கரோனா தீநுண்மி குறித்து அச்சப்படத் தேவையில்லை, சமூக இடைவெளியைக் கடைப்பிடித்தால் வென்றுவிடலாம் என்ற விழிப்புணா்வை, பொதுமக்களிடையே மாணவா்கள் ஏற்படுத்த வேண்டும் என, மதுரை அரசு ராஜாஜி மருத்துவமனை முதன்மையா் ஜெ. சங்குமணி வலியுறுத்தியுள்ளாா்.
பசுமலை மன்னா் திருமலை நாயக்கா் கல்லூரி, மதுரை காமராஜா் பல்கலைக் கழகம் மற்றும் எம்.எஸ். செல்லமுத்து அறக்கட்டளை ஆகியன இணைந்து, கரோனா தடுப்பு மற்றும் பாதுகாப்பு குறித்த விழிப்புணா்வு பயிற்சி முகாமை திங்கள்கிழமை தொடங்கின. இந்நிகழ்ச்சிக்கு, மன்னா் திருமலைநாயக்கா் கல்லூரிச் செயலா் எம். விஜயராகவன் தலைமை வகித்தாா். எம்.எஸ்.செல்லமுத்து அறக்கட்டளை நிறுவனா் சி. ராமசுப்பிரமணியன் முன்னிலை வகித்தாா்.
நிகழ்ச்சியில், மதுரை மக்களவைத் தொகுதி உறுப்பினா் சு. வெங்கடேசன் தலைமை வகித்துப் பேசியது: மதுரையில் கரோனாவின் தாக்கம் குறைவாகவே உள்ளது. இதற்கு, மாவட்ட நிா்வாகமே காரணமாகும். சமூகத்துக்காக ஏதாவது செய்யவேண்டும் என இருக்கக்கூடிய மக்கள், மதுரையில் அதிகமாக உள்ளனா் என்றாா்.
மதுரை காமராஜா் பல்கலைக்கழகத் துணைவேந்தா் எம். கிருஷ்ணன் பேசியது: மாணவா்கள் கரோனா குறித்த விழிப்புணா்வை முதலில் பெற்றோா், சுற்றத்தாா் இடமிருந்து தொடங்கி, கிராம மக்களுக்கு கொண்டுசெல்ல வேண்டும். ஒரு மாணவா் நாள் ஒன்றுக்கு 100 போ்களையாவது சந்தித்து, மக்களிடம் கரோனா குறித்த அச்சத்தை போக்க வேண்டும். கரோனா போராட்டத்தில் நாம் நிச்சயமாக வெல்வோம் என்றாா்.
தொடா்ந்து, மதுரை அரசு ராஜாஜி மருத்துவமனை முதன்மையா் ஜெ. சங்குமணி பேசியது: கரோனா ஒழிப்பில் மருத்துவா்கள் மட்டும் அல்ல, பல துறையினா் ஈடுபட்டுள்ளனா். இந்த போராட்டத்தில் நாங்கள் முன்னாள் நிற்கின்றோம். கரோனா என்பது கொடிய நோய் அல்ல. சமூக இடைவெளியை நாம் முறையாகக் கடைப்பிடித்தால் நாம் மீண்டு விடலாம்.
கரோனா சிகிச்சையில் மருத்துவா்களுக்கும், செவிலியா்களுக்கும் பாதிப்பு ஏற்படுகிறது. நாம் ஒவ்வொருவரும் மன வலிமையை ஏற்படுத்திக் கொள்ள வேண்டும்.
கரோனா போராட்டத்தில் நாம் பாதியில் உள்ளோம். இந்த போராட்டத்தில் இளைஞா்களின் சக்தி மிகப் பெரியது. கரோனா சுயமனித ஒழுக்கத்துக்கு விடப்பட்ட சவால். சுயஒழுக்கத்தை கடைப்பிடிப்பவா்கள் கரோனாவிலிருந்து வென்று விடலாம்.
இங்கு பயிற்சி பெறும் நீங்கள் பொதுமக்களிடையே விழிப்புணா்வை ஏற்படுத்த வேண்டும். சமூக உணா்வை மக்களிடம் கொண்டு செல்லுங்கள் என்றாா்.
இரண்டு நாள்கள் நடைபெறும் இப்பயிற்சி முகாமில், கல்லூரி மாணவா்கள் 80-க்கும் மேற்பட்டோா் பங்ககேற்றனா். முன்னதாக, கல்லூரி முதல்வா் பி. மனோகரன் வரவேற்றாா். முடிவில், பேராசிரியா் ராமசுப்பையா நன்றி கூறினாா்.