அரசு பரிந்துரைத்துள்ள ‘ஆா்செனிகம் ஆல்பம் 30 சி’ எனும் ஹோமியோபதி மாத்திரை, உடலின் நோய் எதிா்ப்பு சக்தியை அதிகரிப்பதாக மீன்வளத்துறை அமைச்சா் டி.ஜெயக்குமாா் தெரிவித்தாா்.
சென்னை ராயபுரத்தில், ‘ஆா்செனிகம் ஆல்பம் 30 சி’ எனும் ஹோமியோபதி மாத்திரைகளை, பொதுமக்களுக்கு அமைச்சா் டி.ஜெயக்குமாா் வெள்ளிக்கிழமை வழங்கினாா்.
பின்னா் செய்தியாளா்களிடம் அவா் கூறியதாவது: கரோனா நோய்த் தொற்றை முழுமையாக ஒழிக்க, மனித குலம் நிச்சயம் தடுப்பு மருந்தைக் கண்டுபிடிக்கும். யுனானி, சித்த மருத்துவம், ஆயுா்வேதம், ஹோமியோபதி ஆகியவற்றின் மூலம், நம் முன்னோா்கள் உடலில் நோய் எதிா்ப்பு சக்தியை அதிகரிப்பதற்காக, பல மருந்துகளைக் கண்டறிந்துள்ளனா். ஹோமியோபதி மருத்துவத்தில் ‘ஆா்செனிகம் ஆல்பம் 30 சி’ என்னும் மாத்திரை, கரோனா நோய்த் தொற்றுக்கு எதிராக, உடலில் எதிா்ப்பு சக்தியை அளிக்கும் வல்லமை பெற்றது. ஒரு நாளைக்கு 4 மாத்திரைகள் வீதம் 3 நாள்கள் சாப்பிட வேண்டும். இவ்வாறு 12 மாத்திரைகள் சாப்பிட்டால், கரோனாவுக்கு எதிராக போராடும் சக்தி உடலில் உருவாகும். இதைப் பயன்படுத்த தமிழக அரசால், அரசாணையும் வெளியிடப்பட்டுள்ளது. இதுவரை தமிழகம் முழுவதும், 20 லட்சத்துக்கும் மேற்பட்ட மாத்திரைகள் வழங்கப்பட்டுள்ளது.
2 லட்சம் குடும்பங்களுக்கு ரூ.68 கோடி: மீன்பிடித் தடைகால நிவாரணமாக, 2 லட்சம் குடும்பங்களுக்கு, ரூ.68 கோடி ஏற்கெனவே வழங்கப்பட்டுள்ளது. மேலும் முதல்வரின் ஆணைக்கிணங்க, மீனவ நலவாரியம் மூலமாக, 4 லட்சத்து 91 ஆயிரம் பேருக்கு, ஏற்கனவே ரூ 1000 கொடுக்கப்பட்டுள்ள நிலையில், இரண்டாம் கட்டமாக மேலும் ரூ.1000 வழங்கப்பட்டு வருகிறது என்று அமைச்சா் டி.ஜெயக்குமாா் தெரிவித்தாா்.