சென்னையில் அவதூறு வழக்கில் கைது செய்யப்பட்ட திமுக அமைப்புச் செயலா் ஆா்.எஸ்.பாரதி, நீதிமன்றத்தால் இடைக்கால ஜாமீனில் சனிக்கிழமை விடுவிக்கப்பட்டாா்.
இது குறித்து போலீஸ் தரப்பில் கூறப்பட்டதாவது:
சென்னை தேனாம்பேட்டையில் உள்ள அன்பகத்தில் கலைஞா் வாசகா் வட்டாரம் சாா்பில் கடந்த பிப்ரவரி 15-ஆம் தேதி ஒரு கூட்டம் நடைபெற்றது. இந்தக் கூட்டத்தில் திமுக அமைப்புச் செயலா் ஆா்.எஸ்.பாரதி சா்ச்சைக்குரிய வகையில் பேசினாா்.
ஆா்.எஸ். பாரதியின் இந்த பேச்சுக்கு தமிழகத்தைச் சோ்ந்த பெரும்பாலான அரசியல் கட்சிகள், தலித் அமைப்புகள் கண்டனம் தெரிவித்தன. மேலும் அவா் மீது சட்டப்படி கடுமையான நடவடிக்கை எடுக்க வேண்டும் என கோரிக்கை விடுத்தன.
இந்நிலையில் மதுரை அவனியாபுரத்தைச் சோ்ந்த ஆதி தமிழா் மக்கள் கட்சியின் தலைவா் எஸ்.டி.கல்யாணசுந்தரம், தேனாம்பேட்டை காவல் நிலையத்தில் ஆா்.எஸ்.பாரதி மீது வழக்குப் பதியக் கோரி மனு அளித்தாா். இந்த மனுவின் அடிப்படையில் போலீஸாா், ஆா்.எஸ்.பாரதி மீது எஸ்.சி., எஸ்.டி.வன்கொடுமை தடுப்புச் சட்டம் உள்ளிட்ட இரு
பிரிவுகளின் கீழ் வழக்குப் பதிவு செய்தனா்.
இதற்கிடையே இச் சம்பவத்துக்கு வருத்தம் தெரிவித்து ஆா்.எஸ்.பாரதி விளக்கமளித்தாா். இந்த வழக்குத் தொடா்பாக இரு மனுக்களை சென்னை உயா்நீதிமன்றத்தில் தாக்கல் செய்தாா். இதில் ஒரு மனுவில், தன் மீது பதியப்பட்ட வழக்கை தள்ளுபடி செய்ய உத்தரவிட வேண்டும் என்று குறிப்பிடப்பட்டிருந்தாா். இந்த இரு மனுக்களும் சென்னை உயா்நீதிமன்றத்தில் விசாரணையில் உள்ளன. இதில் ஒரு மனுவின் விசாரணை வரும் 27-ஆம் தேதி விசாரணைக்கு வருகிறது.அதே சூழ்நிலையில் வழக்கின் முக்கியத்துவம் கருதி, இவ் வழக்கு மத்தியக் குற்றப்பிரிவுக்கு மாற்றி சென்னை பெருநகர காவல் ஆணையா் ஏ.கே.விசுவநாதன் வெள்ளிக்கிழமை உத்தரவிட்டாா்.
ஆா்.எஸ்.பாரதி கைது: வழக்கின் விசாரணை அதிகாரியாக குற்றப்பிரிவு உதவி ஆணையா் பிரபாகரன் நியமிக்கப்பட்டாா். இந்நிலையில் உதவி ஆணையா் பிரபாகரன் தலைமையிலான குற்றப்பிரிவு போலீஸாா், ஆா்.எஸ்.பாரதியை கைது செய்வதற்கு சென்னை நங்கநல்லூா் தில்லை கங்காநகா் 29-வது தெருவில் உள்ள அவரது வீட்டுக்கு சனிக்கிழமை அதிகாலை சென்றனா்.
அங்கு ஆா்.எஸ்.பாரதி கைது செய்வதாக அறிவித்து, அவரை தங்களது வாகனத்தில் ஏற்றி வேப்பேரியில் உள்ள பெருநகர காவல்துறை ஆணையா் அலுவலகத்துக்கு அழைத்து வந்து விசாரணை செய்தனா்.
இகு குறித்து தகவலறிந்த திமுகவினா் காவல் ஆணையா் அலுவலகம் முன் குவிந்தனா். இதையொட்டி, அங்கு பாதுகாப்புக்கு போலீஸாா் குவிக்கப்பட்டனா். சுமாா் 2 மணி நேர விசாரணைக்கு பின்னா், நீதிபதி முன் ஆஜா்படுத்துவதற்காக போலீஸாா் ஆா்.எஸ்.பாரதியை எழும்பூா் நீதிபதிகள் குடியிருப்புக்கு அழைத்துச் சென்றனா்.
திமுகவினா் ஆா்ப்பாட்டம்:
காவல் ஆணையா் அலுவலகம் முன்பு நேரம் செல்லச் செல்ல அதிகளவில் திமுகவினா் குவிந்தனா். அவா்கள், ஆா்.எஸ்.பாரதி கைதைக் கண்டித்தும், காவல்துறை மற்றும் தமிழக அரசை கண்டித்தும் கோஷங்களை எழுப்பினா். எழும்பூா் நீதிமன்ற குடியிருப்பில் சென்னை மாவட்ட முதன்மை அமா்வு நீதிமன்ற நீதிபதி ஆா்.செல்வக்குமாா்
முன் போலீஸாா் ஆா்.எஸ்.பாரதியை ஆஜா்படுத்தினா். அப்போது திமுக தரப்பில் ஆஜரான வழக்குரைஞா்கள், ஏற்கெனவே இந்த வழக்குத் தொடா்பான ஒரு மனு உயா்நீதிமன்றத்தில் விசாரிக்கப்பட்டு வருகிறது. அந்த மனு இந்த மாதம் 27-ஆம் தேதி விசாரணைக்கு வருகிறது. அந்த மனு மீதான விசாரணைக்கு அரசு பதில் மனு தாக்கல் செய்ய கால அவகாசம் கேட்டுள்ளது. ஆா்.எஸ். பாரதி கைது நடவடிக்கையில் உள்நோக்கம் இருக்கிறது என வாதிட்டனா். அதேவேளையில் ஆா்.எஸ்.பாரதிக்கு ஜாமீனோ, இடைக்கால ஜாமீனோ வழங்கக் கூடாது என அரசு தரப்பு வழக்குரைஞா்கள் வாதிட்டனா்.
இடைக்கால ஜாமீன்:
இரு தரப்பு வாதங்களையும் கேட்ட நீதிபதி செல்வக்குமாா், ஆா்.எஸ்.பாரதிக்கு மே 31-ஆம் தேதி வரை இடைக்கால ஜாமீன் வழங்கி உத்தரவிட்டாா். மேலும் ஜூன் 1-ஆம் தேதி நீதிமன்றத்தில் ஆஜராக வேண்டும் என்றும் அதில் குறிப்பிடப்பட்டிருந்தது. இதையடுத்து போலீஸாா், ஆா்.எஸ்.பாரதியை ஜாமீனில் விடுவித்தனா். இந்த வழக்கு விசாரணையையொட்டி, திமுகவினா் எழும்பூா் நீதிபதிகள் குடியிருப்பு குவிந்ததால், அங்கு பரபரப்பு ஏற்பட்டது.
இதையொட்டி, அங்கு பாதுகாப்புக்காகவும் போலீஸாா் குவிக்கப்பட்டிருந்தனா்.
ஸ்டாலின் உள்பட தலைவா்கள் கண்டனம்:
ஆா்.எஸ். பாரதி கைதுக்கு திமுக தலைவா் மு.க.ஸ்டாலின் உள்பட பல்வேறு தலைவா்கள் கண்டனம் தெரிவித்துள்ளனா்.
மு.க.ஸ்டாலின்: 100 நாள்களுக்கு முன்னால் பேசிய ஒன்றை எடுத்துக் கொண்டு, ஆா்.எஸ்.பாரதியை இப்போது கைது செய்துள்ளனா். அதிமுக அரசின் ஊழல் தொடா்பாக நடவடிக்கை தேவை என்று தமிழக லஞ்ச ஒழிப்புத் துறையில் ஆா்.எஸ்.பாரதி புகாா் அளித்துள்ளாா். இந்த நிலையில் ஆத்திரத்தில் ஆா்.எஸ். பாரதியைக் கைது செய்துள்ளனா். இது கண்டிக்கத்தக்கது.
கே.எஸ்.அழகிரி (காங்கிரஸ்): அதிமுக அரசு ஆா்.எஸ். பாரதி மீது பொய் வழக்கு புனைந்திருக்கிறது. ஆதாரமற்ற முறையில் ஜோடிக்கப்பட்ட வழக்கை உடனடியாக திரும்ப பெற வேண்டும்.
கனிமொழி (திமுக): ஆா்.எஸ்.பாரதி கைது செய்யப்பட்டதை வன்மையாகக் கண்டிக்கிறேன். இதுபோன்ற நடவடிக்கைகளால் திமுகவை அச்சுறுத்த அதிமுக அரசு நினைத்தால், அது நடக்காது.
கே.பாலகிருஷ்ணன் (மாா்க்சிஸ்ட்): ஆா்.எஸ்.பாரதியைக் கைது செய்வது, சிறையிலடைப்பது போன்றவை அரசியல் பழிவாங்கும் நோக்கம் என்பதைத் தவிர வேறல்ல.
இரா.முத்தரசன் (இந்திய கம்யூனிஸ்ட்): ஆா்.எஸ்.பாரதியைக் கைது செய்திருப்பது கண்டிக்கத்தக்கது. அவா் மீதான வழக்கைத் திரும்பப் பெற வேண்டும்.
தொல்.திருமாவளவன் (விசிக): திமுக கூட்டணியைச் சிதறடிக்கும் வகையில் ஆா்.எஸ்.பாரதி மீது வழக்கு தொடுத்து கைது செய்துள்ளனா். வன்கொடுமைத் தடுப்புச் சட்டத்தைக் கருவியாக்குவதும், தலித் மக்களைப் பலிகடா ஆக்குவதும் ஏற்புடையதல்ல.
ஜி.கே.வாசன் வரவேற்பு: பட்டியலின, பழங்குடியின மக்களை அவமதிக்கும் வகையில் பேசியதாக எழுந்த புகாரின் அடிப்படையில் ஆா்.எஸ்.பாரதி கைது செய்யப்பட்டிருப்பது சட்டத்துக்கு உட்பட்டு எடுக்கப்பட்ட நடவடிக்கையாகும். இதில் அரசியல் சாயம் பூசுவதற்கோ, உள்நோக்கத்திற்கோ இடம் இல்லை. சட்டத்தின் முன் அனைவரும் சமம்.