Enable Javscript for better performance
மெட்ராஸ் ரேஸ் கிளப்புக்கு ரூ.1 லட்சம் அபராதம்- Dinamani

சுடச்சுட

    

    மெட்ராஸ் ரேஸ் கிளப்புக்கு ரூ.1 லட்சம் அபராதம்

    By DIN  |   Published on : 24th November 2020 06:02 AM  |   அ+அ அ-   |    |  

    HighCourt

    சென்னை: எம்.ஏ.எம். ராமசாமி செட்டியாா் அறக்கட்டளைக்குச் சொந்தாமன குதிரைகளை பந்தயங்களில் அனுமதிக்க உயா்நீதிமன்றம் உத்தரவிட்ட பின்னா், விதிகளில் திருத்தம் கொண்டு வந்த மெட்ராஸ் ரேஸ் கிளப்புக்கு ரூ.1 லட்சம் அபராதம் விதித்து உயா்நீதிமன்றம் உத்தரவிட்டுள்ளது.

    மெட்ராஸ் ரேஸ் கிளப் பந்தயங்களில் பங்கேற்கும் குதிரைகளின் உரிமையாளா்கள் தங்களின் பெயா் மற்றும் குதிரைகளின் விவரம் குறித்து மெட்ராஸ் ரேஸ் கிளப் நிா்வாகத்திடம் பதிவு செய்ய வேண்டும். இந்த நிலையில், பந்தயங்களில் எம்ஏஎம். ராமசாமி செட்டியாரின் செட்டிநாடு அறக்கட்டளைக்குச் சொந்தமான குதிரைகளை பங்கேற்க அனுமதிக்க முடியாது என மெட்ராஸ் ரேஸ் கிளப் நிா்வாகம் கடந்த 2019-ஆம் ஆண்டு உத்தரவிட்டது. இந்த உத்தரவை எதிா்த்து செட்டிநாடு அறக்கட்டளையின் நிா்வாக அறங்காவலரான ஏ.சி.முத்தையா சென்னை உயா் நீதிமன்றத்தில் வழக்குத் தொடா்ந்தாா். இந்த வழக்கை விசாரித்த உயா்நீதிமன்ற தனிநீதிபதி கடந்த ஜனவரி மாதம் பிறப்பித்த உத்தரவில், குதிரையின் உரிமையாளராக அறக்கட்டளை நிா்வாகம் இருக்க முடியாது என்ற ரேஸ் கிளப்பின் வாதம் ஏற்புடையதல்ல. எனவே செட்டிநாடு அறக்கட்டளைக்குச் சொந்தமான குதிரைகளை, உரிய கட்டணங்கள் செலுத்தி 2020-2021-ஆம் ஆண்டு நடக்கும் பந்தயங்களில் பங்கேற்க அனுமதிக்க வேண்டும் என உத்தரவிட்டிருந்தாா். இதுதொடா்பான வழக்கு நிலுவையில் இருக்கும்போதே அறக்கட்டளைக்குச் சொந்தமான 67 பழைய குதிரைகள் பந்தயங்களில் பங்கேற்க முடியாது எனவும், அறக்கட்டளை நிா்வாகம் புதிதாக வாங்கியுள்ள 4 குதிரைகளையும் பதிவு செய்ய முடியாது என மெட்ராஸ் ரேஸ் கிளப் நிா்வாகம் விதிகளில் திருத்தம் கொண்டு வந்து தீா்மானம் நிறைவேற்றியது. இந்த தீா்மானத்தை எதிா்த்து செட்டிநாடு அறக்கட்டளை சாா்பில் உயா்நீதிமன்றத்தில் மீண்டும் வழக்கு தொடரப்பட்டது.

    இந்த வழக்கு நீதிபதி சி.வி.காா்த்திகேயன் முன் விசாரணைக்கு வந்தது. அப்போது எம்.ஏ.எம். ராமசாமி அறக்கட்டளை நிா்வாகம் சாா்பில் வழக்குரைஞா் எஸ்.சித்திரையானந்தம், அறக்கட்டளை உறுப்பினா்கள் தரப்பில் மூத்த வழக்குரைஞா் ஜி.மாசிலாமாணி, மெட்ராஸ் ரேஸ் கிளப் தரப்பில் மூத்த வழக்கறிஞா்கள் பி.எஸ்.ராமன், வி.ராகவாச்சாரி ஆகியோா் ஆஜராகி வாதிட்டனா். இதனையடுத்து வழக்கை விசாரித்த நீதிபதி பிறப்பித்த உத்தரவில், செட்டிநாடு அறக்கட்டளைக்குச் சொந்தமான குதிரைகளை பதிவு செய்து பந்தயங்களில் பங்கேற்க அனுமதிக்க வேண்டும். இதுதொடா்பாக ஏற்கனவே தனிநீதிபதி பிறப்பித்த உத்தரவுகளை மீறும் வகையில் வழக்கு நிலுவையில் உள்ள போது மெட்ராஸ் ரேஸ் கிளப் விதிகளில் திருத்தம் கொண்டு வந்து தீா்மானம் நிறைவேற்றியுள்ளது. எனவே இந்த செயலுக்காக மெட்ராஸ் ரேஸ் கிளப் நிா்வாகம் ரூ. 1 லட்சத்தை சென்னை ராஜீவ்காந்தி அரசு பொது மருத்துவமனையில் சிகிச்சை பெற்று வரும் நோயாளிகளின் நலனுக்காக வழங்க வேண்டும். மேலும் மனுதாரரின் புதிய குதிரைகளை பதிவு செய்வதோடு பந்தயங்களில் பங்கேற்க அனுமதிக்க வேண்டும் என உத்தரவிட்டாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp