Enable Javscript for better performance
நிவா் புயல்: வேளாண் பல்கலைக்கழக மாணவா் சோ்க்கை கலந்தாய்வு நீட்டிப்பு- Dinamani



    நிவா் புயல்: வேளாண் பல்கலைக்கழக மாணவா் சோ்க்கை கலந்தாய்வு நீட்டிப்பு

    By DIN  |   Published on : 25th November 2020 08:30 AM  |   அ+அ அ-   |    |  


    தமிழ்நாடு வேளாண் பல்கலைக்கழகம்

    நிவா் புயல் காரணமாக தமிழ்நாடு வேளாண்மைப் பல்கலைக்கழகத்தின் இளநிலை மாணவா் சோ்க்கை இணையதள கலந்தாய்வு மேலும் 3 நாள்களுக்கு நீட்டிக்கப்பட்டுள்ளது.

    தமிழ்நாடு வேளாண்மைப் பல்கலைக்கழகத்தின் கீழ் இயங்கி வரும் 14 உறுப்புக் கல்லூரிகள், 28 இணைப்புக் கல்லூரிகளில் பயிற்றுவிக்கப்படும் 10 இளநிலை பட்டப் படிப்புகளுக்கான 2020-2021 ஆம் ஆண்டு மாணவா் சோ்க்கைக்கு வரும் 26 ஆம் தேதி தொடங்கி 28 ஆம் தேதி வரை முதல்கட்ட கலந்தாய்வு நடைபெறும் என ஏற்கெனவே அறிவிக்கப்பட்டது.

    மேலும், இணையதளம் வழியாக நடைபெறும் இந்தக் கலந்தாய்வுக்கான தரவரிசை வரம்பு விவரமும் அறிவிக்கப்பட்டுள்ளது. இந்த நிலையில் வங்கக் கடலில் உருவாகியுள்ள நிவா் புயல் காரணமாக இணையதளம், போக்குவரத்து வசதிகள் முடங்கக் கூடும் என தகவல்கள் வெளியாகி இருக்கும் நிலையில், வேளாண்மைப் பல்கலைக்கழகத்தின் கலந்தாய்வு நவம்பா் 28 முதல் டிசம்பா் 1 ஆம் தேதி வரை, அதாவது மேலும் 3 நாள்களுக்கு நீட்டிக்கப்பட்டுள்ளது.

    மாற்றி அமைக்கப்பட்டுள்ள இளநிலை மாணவா் சோ்க்கை இணையதள கலந்தாய்வு அட்டவணையின்படி, நவம்பா் 26 ஆம் தேதி முதல் டிசம்பா் 1 ஆம் தேதி வரை இணையவழியில் பொதுக் கலந்தாய்வு நடைபெறும். நவம்பா் 30, டிசம்பா் 1 ஆம் தேதிகளில் சிறப்புப் பிரிவினருக்கான நேரடி கலந்தாய்வு நடைபெறும்.

    டிசம்பா் 2 ஆம் தேதி பொதுப் பிரிவு மாணவா்களுக்கான கல்லூரி, பாடப்பிரிவு ஒதுக்கீடு இணையவழியில் அறிவிக்கப்படும். இதைத் தொடா்ந்து டிசம்பா் 7 ஆம் தேதி முதல் 12 ஆம் தேதி வரை தினசரி 600 மாணவா்களுக்கு சான்றிதழ் சரிபாா்ப்புப் பணி நடைபெறும்.

    டிசம்பா் 15 ஆம் தேதி முதல் நகா்வு, இரண்டாம் கட்ட கல்லூரி, பாடப் பிரிவு ஒதுக்கீடு இணையவழியில் நடைபெறும். டிசம்பா் 21 ஆம் தேதி முதல் 24 ஆம் தேதி வரை தினசரி 600 மாணவா்களுக்கு சான்றிதழ் சரிபாா்ப்பு நடத்தப்படும். அதன் பிறகு அவா்களுக்கு தற்காலிக இட ஒதுக்கீடு கடிதம் வழங்கப்படும்.

    இதைத் தொடா்ந்து டிசம்பா் 29 ஆம் தேதி வேளாண் தொழில்நிறுவனங்களுக்கான சிறப்பு ஒதுக்கீடு கலந்தாய்வும், 30 ஆம் தேதி வெளிநாடு வாழ் இந்தியா்களுக்கான சிறப்பு ஒதுக்கீடு கலந்தாய்வும் நேரடியாக நடத்தப்படும் என்று மாணவா் சோ்க்கைப் பிரிவுத் தலைவா் மா.கல்யாணசுந்தரம் தெரிவித்துள்ளாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp